ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਨੇ ਮੌਜੂਦਾ ਕੋਵਿਡ-19 ਮਹਾਮਾਰੀ ਸੰਕਟ ’ਤੇ ਚਰਚਾ ਕਰਨ ਦੇ ਲਈ 4 ਮਈ, 2020 ਦੀ ਸ਼ਾਮ ਨੂੰ ਆਯੋਜਿਤ ਗੁੱਟ-ਨਿਰਲੇਪ ਅੰਦੋਲਨ (ਐੱਨਏਐੱਮ) ਸੰਪਰਕ ਸਮੂਹ ਦੇ ਔਨਲਾਈਨ ਸਮਿਟ ਵਿੱਚ ਹਿੱਸਾ ਲਿਆ।

“ਯੂਨਾਇਟਿਡ ਅਗੇਂਸਟ ਕੋਵਿਡ-19” ਵਿਸ਼ੇ ’ਤੇ ਐੱਨਏਐੱਮ ਸੰਪਰਕ ਸਮੂਹ ਦਾ ਇਹ ਔਨਲਾਈਨ ਸਮਿਟ ਐੱਨਏਐੱਮ ਦੇ ਮੌਜੂਦਾ ਚੇਅਰਮੈਨ ਅਤੇ ਅਜ਼ਰਬੇਜਾਨ ਗਣਰਾਜ ਦੇ ਰਾਸ਼ਟਰਪਤੀ ਮਹਾਮਹਿਮ ਇਲਹਾਮ ਅਲੀਯੇਵ ਦੁਆਰਾ ਆਯੋਜਿਤ ਕੀਤਾ ਗਿਆ ਸੀ। ਇਸ ਸਮਿਟ ਦਾ ਉਦੇਸ਼ ਕੋਵਿਡ-19 ਮਹਾਮਾਰੀ ਦੇ ਖ਼ਿਲਾਫ਼ ਲੜਾਈ ਵਿੱਚ ਅੰਤਰਰਾਸ਼ਟਰੀ ਏਕਤਾ ਨੂੰ ਹੁਲਾਰਾ ਦੇਣਾ ਅਤੇ ਇਸ ਵਿਸ਼ਵ ਮਹਾਮਾਰੀ ਦੇ ਨਾਲ ਨਜਿੱਠਣ ਦੇ ਲਈ ਵਿਭਿੰਨ ਦੇਸ਼ਾਂ ਅਤੇ ਅੰਤਰਰਾਸ਼ਟਰੀ ਸੰਗਠਨਾਂ ਦੇ ਯਤਨਾਂ ਨੂੰ ਗਤੀ ਦੇਣਾ ਸੀ। ਇਸ ਪ੍ਰੋਗਰਾਮ ਨੇ ਅੰਤਰਰਾਸ਼ਟਰੀ ਬਹੁ-ਪੱਖੀਵਾਦ ਅਤੇ ਸ਼ਾਂਤੀ ਦੇ ਲਈ ਕੂਟਨੀਤੀ ਦਿਵਸ ਦੀ ਵੀ ਯਾਦ ਦਿਲਾਈ।

ਪ੍ਰਧਾਨ ਮੰਤਰੀ ਮੋਦੀ ਦੀ ਭਾਗੀਦਾਰੀ ਨੇ ਐੱਨਏਐੱਮ ਦੇ ਸਿਧਾਂਤਾਂ ਅਤੇ ਕਦਰਾਂ-ਕੀਮਤਾਂ ਦੇ ਲਈ ਭਾਰਤ ਦੀ ਲੰਬੇ ਸਮੇਂ ਤੋਂ ਚਲ ਰਹੀ ਪ੍ਰਤੀਬੱਧਤਾ ਨੂੰ ਰੇਖਾਂਕਿਤ ਕੀਤਾ। ਆਪਣੇ ਸੰਬੋਧਨ ਵਿੱਚ ਪ੍ਰਧਾਨ ਮੰਤਰੀ ਨੇ ਇਸ ਸੰਕਟ ਨਾਲ ਨਜਿੱਠਣ ਦੇ ਲਈ ਵਿਸ਼ਵ ਪੱਧਰ ’ਤੇ ਇੱਕ ਤਾਲਮੇਲ, ਸਮਾਵੇਸ਼ੀ ਅਤੇ ਇਨਸਾਫ਼ ਪਸੰਦ ਪ੍ਰਤੀਕਿਰਿਆ ਦੀ ਮਹੱਤਤਾ ’ਤੇ ਜ਼ੋਰ ਦਿੱਤਾ। ਉਨ੍ਹਾਂ ਨੇ ਭਾਰਤ ਦੁਆਰਾ ਘਰੇਲੂ ਅਤੇ ਅੰਤਰਰਾਸ਼ਟਰੀ ਪੱਧਰ ’ਤੇ ਉਠਾਏ ਗਏ ਕਦਮਾਂ ਨੂੰ ਰੇਖਾਂਕਿਤ ਕੀਤਾ ਅਤੇ ਹਰ ਸੰਭਵ ਮਦਦ ਦੇ ਲਈ ਗੁੱਟ-ਨਿਰਲੇਪ ਅੰਦੋਲਨ ਦੇ ਨਾਲ ਇਕਜੁੱਟ ਰਹਿਣ ਦੇ ਲਈ ਭਾਰਤ ਦੀ ਤਤਪਰਤਾ ਦੀ ਪੁਸ਼ਟੀ ਕੀਤੀ। ਪ੍ਰਧਾਨ ਮੰਤਰੀ ਨੇ ਹੋਰ ਵਾਇਰਸ, ਖਾਸ ਤੌਰ ’ਤੇ ਅਤਿਵਾਦ ਅਤੇ ਨਕਲੀ ਖ਼ਬਰਾਂ ਦੇ ਵਿਰੁੱਧ ਵਿਸ਼ਵ ਪੱਧਰ ’ਤੇ ਨਿਰੰਤਰ ਯਤਨਾਂ ਦੀ ਮਹੱਤਤਾ ’ਤੇ ਵੀ ਜ਼ੋਰ ਦਿੱਤਾ।

ਪ੍ਰਧਾਨ ਮੰਤਰੀ ਮੋਦੀ ਨੇ ਇਸ ਸਮਾਗਮ ਵਿੱਚ 30 ਤੋਂ ਜ਼ਿਆਦਾ ਸਰਕਾਰ ਮੁਖੀਆਂ ਅਤੇ ਹੋਰ ਨੇਤਾਵਾਂ ਨੂੰ ਮੁਖਤਿਬ ਹੋਏ, ਜਿਨ੍ਹਾਂ ਵਿੱਚ ਏਸ਼ੀਆ, ਅਫ਼ਰੀਕਾ, ਲੈਟਿਨ ਅਮਰੀਕਾ, ਕੈਰੇਬੀਅਨ ਅਤੇ ਯੂਰਪ ਦੇ ਮੈਂਬਰ ਦੇਸ਼ ਸ਼ਾਮਲ ਸੀ। ਇਸ ਸਮਿਟ ਨੂੰ ਸੰਯੁਕਤ ਰਾਸ਼ਟਰ ਮਹਾਸਭਾ ਦੇ ਪ੍ਰਧਾਨ ਪ੍ਰੋਫੈਸਰ ਤਿਜਾਨੀ ਮੁਹੰਮਦ ਬਾਂਡੇ, ਸੰਯੁਕਤ ਰਾਸ਼ਟਰ ਦੇ ਸਕੱਤਰ ਜਨਰਲ ਸ਼੍ਰੀ ਐਂਟੋਨੀਓ ਗੁਟੇਰੇਸ, ਅਫ਼ਰੀਕੀ ਸੰਘ ਦੇ ਚੇਅਰਪਰਸਨ ਮੂਸਾ ਫਾਕੀ ਮਹਾਮਤ, ਯੂਰਪੀ ਸੰਘ ਦੇ ਉੱਚ ਪ੍ਰਤੀਨਿਧੀ ਜੋਸੇਫ ਬੋਰੇਲ ਤੋਂ ਇਲਾਵਾ ਵਿਸ਼ਵ ਸਿਹਤ ਸੰਗਠਨ ਦੇ ਡਾਇਰੈਕਟਰ ਜਨਰਲ ਡਾ. ਟੇਡ੍ਰੋਸ ਗ਼ੇਬ੍ਰੇਯੇਸਸ ਸ਼ਾਮਲ ਸਨ।

ਕੁੱਲ ਮਿਲਾ ਕੇ ਐੱਨਏਐੱਮ ਨੇਤਾਵਾਂ ਨੇ ਕੋਵਿਡ-19 ਦੇ ਪ੍ਰਭਾਵ ਦਾ ਮੁੱਲਾਂਕਣ ਕੀਤਾ, ਸੰਭਾਵੀ ਉਪਚਾਰਾਂ ਲਈ ਜ਼ਰੂਰਤਾਂ ਦੀ ਪਹਿਚਾਣ ਕੀਤੀ ਅਤੇ ਕਾਰਵਾਈ ਤੇ ਕੇਂਦ੍ਰਿਤ ਫਾਲੋ-ਅੱਪ ਉਪਾਵ ਕਰਨ ਦੀ ਤਾਕੀਦ ਕੀਤੀ। ਇਸ ਸਮਿਟ ਤੋਂ ਬਾਅਦ, ਨੇਤਾਵਾਂ ਨੇ ਕੋਵਿਡ-19 ਦੇ ਖ਼ਿਲਾਫ਼ ਲੜਾਈ ਵਿੱਚ ਅੰਤਰਰਾਸ਼ਟਰੀ ਏਕਤਾ ਦੇ ਮਹੱਤਵ ਨੂੰ ਰੇਖਾਂਕਿਤ ਕਰਦੇ ਹੋਏ ਇੱਕ ਐਲਾਨ ’ਤੇ ਵੀ ਸਹਿਮਤੀ ਜਤਾਈ। ਨੇਤਾਵਾਂ ਨੇ ਕੋਵਿਡ-19 ਦੇ ਖ਼ਿਲਾਫ਼ ਲੜਾਈ ਵਿੱਚ ਆਪਣੀਆਂ ਬੁਨਿਆਦੀ ਡਾਕਟਰੀ, ਸਮਾਜਿਕ ਅਤੇ ਮਨੁੱਖਤਾਵਾਦੀ ਜ਼ਰੂਰਤਾਂ ਨੂੰ ਦਰਸਾਉਂਦੇ ਹੋਏ ਇੱਕ ਆਮ ਡੇਟਾਬੇਸ ਟੀਅਰ ਕਰਦੇ ਹੋਏ ਮੈਂਬਰ ਰਾਜਾਂ ਦੀਆਂ ਜ਼ਰੂਰਤਾਂ ਦੀ ਪਹਿਚਾਣ ਕਰਨ ਦੇ ਲਈ ਇੱਕ ‘ਟਾਸਕ ਫੋਰਸ’ ਬਣਾਉਣ ਦਾ ਵੀ ਐਲਾਨ ਕੀਤਾ।

*****

ਡੀਐੱਸ/ ਐੱਲਪੀ