ਮਹਾਰਾਜ, ਪ੍ਰਧਾਨ ਮੰਤਰੀ ਪ੍ਰਯੁਤ ਚਾਨ-ਓ-ਚਾ;

ਮਹਾਮਹਿਮ,

ਮਹਾਮਹਿਮਜਨ,

ਮੈਂ ਛੇਵੀਂ ਵਾਰ ਈਸਟ ਏਸ਼ੀਆ ਸਮਿਟ ਵਿੱਚ ਸ਼ਾਮਲ ਹੋ ਕੇ ਬਹੁਤ ਖੁਸ਼ ਹਾਂ। ਇਹ ਹੋਰ ਵੀ ਤਸੱਲੀ ਵਾਲੀ ਗੱਲ ਹੈ ਕਿ ਥਾਈਲੈਂਡ, ਭਾਰਤ ਦਾ ਇਤਿਹਾਸਿਕ ਅਤੇ ਨਜ਼ਦੀਕੀ ਮਿੱਤਰ, ਇਸ ਸੰਮੇਲਨ ਦੀ ਮੇਜ਼ਬਾਨੀ ਕਰ ਰਿਹਾ ਹੈ। ਭਾਰਤ ਈਸਟ ਏਸ਼ੀਆ ਸਮਿਟ ਵਿਧੀ ਨੂੰ ਉੱਚ ਪ੍ਰਾਥਮਿਕਤਾ ਦਿੰਦਾ ਹੈ। ਇਹ ਲੀਡਰਾਂ ਦੀ ਅਗਵਾਈ ਵਾਲਾ ਇਕੱਲਾ ਮਕੈਨਿਜ਼ਮ ਹੈ ਜੋ ਹਿੰਦ–ਪ੍ਰਸ਼ਾਂਤ ਖੇਤਰ ਵਿਚ ਸਹਿਯੋਗ ਲਈ ਪਲੈਟਫਾਰਮ ਹੈ, ਅਤੇ ਏਸ਼ੀਆ ਦੀ ਮੋਹਰੀ ਵਿਸ਼ਵਾਸ-ਨਿਰਮਾਣ ਵਿਧੀ ਹੈ। ਅਤੇ ਇਸ ਦੀ ਸਫ਼ਲਤਾ ਆਸੀਆਨ ਦੀ ਕੇਂਦਰੀ ਭੂਮਿਕਾ ਲਈ ਬਹੁਤ ਜ਼ਿਆਦਾ ਦੇਣਦਾਰ ਹੈ।

ਮਹਾਮਹਿਮ, ਮਹਾਮਹਿਮਜਨ,

ਸਾਡਾ ਸੰਸਾਰ ਅਸ਼ਾਂਤ ਸਮੇਂ ਵਿੱਚੋਂ ਲੰਘ ਰਿਹਾ ਹੈ। ਅੱਤਵਾਦ, ਹਿੰਸਕ ਕੱਟੜਪੰਥੀ, ਸਮੁੰਦਰੀ ਸਪੇਸ ਸਮੇਤ ਸਰੋਤਾਂ ਅਤੇ ਖੇਤਰ 'ਤੇ ਤਿੱਖਾ ਸੰਘਰਸ਼ ਸਾਡੇ ਸਮਿਆਂ ਦੀਆਂ ਪ੍ਰਮੁੱਖ ਸਮੱਸਿਆਵਾਂ ਹਨ। ਕੌਮਾਂਤਰੀ ਕਾਨੂੰਨ ਅਤੇ ਨਿਯਮ, ਜੋ ਕਿ ਸਮੁੰਦਰੀ ਡੋਮੇਨ ਜਿਵੇਂ ਕਿ UNCLOS ਨੂੰ ਨਿਯੰਤ੍ਰਿਤ ਕਰਦੇ ਹਨ, ਵਧ ਰਹੇ ਦਬਾਅ ਹੇਠ ਹਨ। ਸੀਮਾ ਪਾਰ ਦੀਆਂ ਚੁਣੌਤੀਆਂ ਜਿਵੇਂ ਕਿ ਜਲਵਾਯੂ ਪਰਿਵਰਤਨ, ਸਮੁੰਦਰੀ ਪ੍ਰਦੂਸ਼ਣ, ਅਤੇ ਸਰੋਤਾਂ ਦੀ ਅਨਿਯਮਿਤ ਅਤੇ ਬਹੁਤ ਜ਼ਿਆਦਾ ਸ਼ੋਸ਼ਣ ਸਾਡੀ ਧਰਤੀ ਨੂੰ ਅਸੁਰੱਖਿਅਤ ਬਣਾ ਰਹੇ ਹਨ।

ਮਹਾਮਹਿਮ, ਮਹਾਮਹਿਮਜਨ,

ਇਸ ਵਿਆਪਕ ਹੱਲ ਦੀ ਖੋਜ ਲਈ ਹੀ ਭਾਰਤ ਇੰਡੋ-ਪੈਸਿਫਿਕ 'ਤੇ ਆਸੀਆਨ ਆਊਟਲੁੱਕ ਦਾ ਸੁਆਗਤ ਕਰਦਾ ਹੈ। ਇਸ ਸਮੁੰਦਰੀ ਖੇਤਰ ਵਿੱਚ ਆਸੀਆਨ ਦੀ ਕੇਂਦਰੀ ਭੂਮਿਕਾ ਹੈ। ਮੈਂ ਜੂਨ 2018 ਵਿੱਚ ਸਿੰਗਾਪੁਰ ਵਿੱਚ ਹਿੰਦ-ਪ੍ਰਸ਼ਾਂਤ ਬਾਰੇ ਭਾਰਤ ਦੇ ਆਪਣੇ ਦ੍ਰਿਸ਼ਟੀਕੋਣ ਦੀ ਰੂਪ–ਰੇਖਾ ਤਿਆਰ ਕੀਤੀ ਸੀ। ਇਸ ਤੋਂ ਪਹਿਲਾਂ, ਇੰਡੋਨੇਸ਼ੀਆ ਦੇ ਰਾਸ਼ਟਰਪਤੀ ਵਿਡੋਡੋ ਅਤੇ ਮੈਂ ਹਿੰਦ-ਪ੍ਰਸ਼ਾਂਤ ਵਿੱਚ ਸਮੁੰਦਰੀ ਸਹਿਯੋਗ ਬਾਰੇ ਇੱਕ ਸਾਂਝਾ ਦ੍ਰਿਸ਼ਟੀਕੋਣ ਤਿਆਰ ਕੀਤਾ ਸੀ। ਅਤੇ ਹੋਰ ਭਾਈਵਾਲਾਂ ਨੇ ਵੀ ਇਸੇ ਤਰ੍ਹਾਂ ਦੇ ਤਰੀਕੇ ਨਿਰਧਾਰਿਤ ਕੀਤੇ ਹਨ। ਇਨ੍ਹਾਂ ਸਾਰੀਆਂ ਪਹੁੰਚਾਂ ਵਿੱਚ ਸਪਸ਼ਟ ਕੇਂਦਰਮੁਖਤਾਵਾਂ ਹਨ।

EAS ਇੱਕ ਸੁਤੰਤਰ, ਖੁੱਲ੍ਹੇ, ਸਮਾਵੇਸ਼ੀ, ਪਾਰਦਰਸ਼ੀ, ਨਿਯਮਾਂ-ਅਧਾਰਿਤ, ਸ਼ਾਂਤੀਪੂਰਨ, ਖੁਸ਼ਹਾਲ ਇੰਡੋ-ਪੈਸਿਫਿਕ ਖੇਤਰ ਨੂੰ ਉਤਸ਼ਾਹਿਤ ਕਰਨ ਲਈ ਇੱਕ ਤਰਕਪੂਰਨ ਪਲੈਟਫਾਰਮ ਹੈ, ਜਿੱਥੇ ਪ੍ਰਭੂਸੱਤਾ ਅਤੇ ਖੇਤਰੀ ਅਖੰਡਤਾ ਅਤੇ ਕੌਮਾਂਤਰੀ ਕਾਨੂੰਨ ਦੀ ਵਰਤੋਂ ਖਾਸ ਕਰਕੇ UNCLOS ਨੂੰ ਸਾਰੇ ਰਾਜਾਂ ਨੂੰ ਬਰਾਬਰ ਦਾ ਭਰੋਸਾ ਦਿੱਤਾ ਜਾਂਦਾ ਹੈ। ਅਸੀਂ ਸਾਰੇ ਸਹਿਮਤ ਹਾਂ, ਅਤੇ ਇਹ ਸਾਡੇ ਸਾਰਿਆਂ ਦੇ ਫਾਇਦੇ ਲਈ ਹੈ ਕਿ ਹਿੰਦ–ਪ੍ਰਸ਼ਾਂਤ ਇੱਕ ਅਜਿਹੀ ਜਗ੍ਹਾ ਹੋਣੀ ਚਾਹੀਦੀ ਹੈ, ਜਿਸ ਵਿੱਚ ਸਮੁੰਦਰੀ ਯਾਤਰਾਵਾਂ ਦੀ ਆਜ਼ਾਦੀ, ਆਕਾਸ਼ ’ਚੋਂ ਉਡਾਣਾਂ, ਟਿਕਾਊ ਵਿਕਾਸ, ਵਾਤਾਵਰਣ ਅਤੇ ਸਮੁੰਦਰੀ ਵਾਤਾਵਰਣ ਦੀ ਸੁਰੱਖਿਆ, ਅਤੇ ਇੱਕ ਖੁੱਲ੍ਹਾ, ਸੁਤੰਤਰ, ਨਿਰਪੱਖ ਅਤੇ ਆਪਸੀ ਲਾਭਦਾਇਕ ਵਪਾਰ ਅਤੇ ਨਿਵੇਸ਼ ਪ੍ਰਣਾਲੀ ਸਾਰਿਆਂ ਲਈ ਗਾਰੰਟੀ ਹੈ।

ਇਸ ਭਾਵਨਾ ਵਿੱਚ, ਹਿੰਦ–ਪ੍ਰਸ਼ਾਂਤ 'ਤੇ ਆਸੀਆਨ ਦੇ ਦ੍ਰਿਸ਼ਟੀਕੋਣ ਵਿੱਚ ਤਰਜੀਹੀ ਖੇਤਰਾਂ ਅਤੇ ਸਥਿਰਤਾ 'ਤੇ ਸਾਂਝੇਦਾਰੀ ਲਈ ਆਗਾਮੀ EAS ਬਿਆਨ ਅਨੁਸਾਰ, ਮੈਂ ਸਾਡੇ ਸਾਂਝੇ ਸਮੁੰਦਰੀ ਵਾਤਾਵਰਣ ਨੂੰ ਸੁਰੱਖਿਅਤ ਕਰਨ ਹਿਤ ਹਿੰਦ-ਪ੍ਰਸ਼ਾਂਤ ਵਾਸਤੇ ਸਿਧਾਂਤਾਂ ਦਾ ਅਨੁਵਾਦ ਕਰਨ ਲਈ ਇੱਕ ਸਹਿਯੋਗੀ ਯਤਨ ਦਾ ਪ੍ਰਸਤਾਵ ਰੱਖਦਾ ਹਾਂ।

ਮੈਂ ਇਸ ਸੰਦਰਭ ਵਿੱਚ ਹਿੰਦ-ਪ੍ਰਸ਼ਾਂਤ ਮਹਾਸਾਗਰ ਦੀ ਪਹਿਲ ਦਾ ਸੁਝਾਅ ਦਿੰਦਾ ਹਾਂ।

ਇਸ ਵਿੱਚ, ਟਿਕਾਊ ਵਿਕਾਸ ਲਕਸ਼ 14 - ਜੋ ਕਿ ਸੰਸਾਰ ਨੂੰ ਸਮੁੰਦਰੀ ਡੋਮੇਨ ਨੂੰ "ਸੁਰੱਖਿਅਤ ਅਤੇ ਟਿਕਾਊ ਰੂਪ ਵਿੱਚ ਵਰਤਣ" ਲਈ ਕਹਿੰਦਾ ਹੈ - ਸਾਨੂੰ ਇੱਕ ਸੁਰੱਖਿਅਤ, ਸਲਾਮਤ ਅਤੇ ਸਥਿਰ ਸਮੁੰਦਰੀ ਡੋਮੇਨ ਬਣਾਉਣ ਲਈ ਪ੍ਰਤੱਖ ਯਤਨ ਕਰਨੇ ਚਾਹੀਦੇ ਹਨ। ਸਾਨੂੰ ਸਾਰਿਆਂ ਲਈ ‘ਜ਼ਰੂਰੀ’ ਨੂੰ ਪਛਾਣਨਾ ਚਾਹੀਦਾ ਹੈ। ਖੇਤਰ ਦੇ ਰਾਜ, ਅਤੇ ਇਸ ਵਿੱਚ ਦਿਲਚਸਪੀ ਰੱਖਣ ਵਾਲੇ, ਪਲਾਸਟਿਕ ਦੇ ਕੂੜੇ ਸਮੇਤ ਸਮੁੰਦਰਾਂ ਦੀ ਸੁਰੱਖਿਆ ਲਈ ਸਹਿਯੋਗੀ ਤੌਰ 'ਤੇ ਕੰਮ ਕਰਨ; ਸਮਰੱਥਾ ਬਣਾਉਣ ਅਤੇ ਸਰੋਤਾਂ ਨੂੰ ਨਿਰਪੱਖ ਤੌਰ 'ਤੇ ਸਾਂਝਾ ਕਰਨ; ਆਫ਼ਤ ਦੇ ਜੋਖਮ ਨੂੰ ਘਟਾਉਣਾ; ਵਿਗਿਆਨ, ਤਕਨਾਲੋਜੀ ਅਤੇ ਅਕਾਦਮਿਕ ਸਹਿਯੋਗ ਨੂੰ ਵਧਾਉਣਾ; ਅਤੇ ਮੁਫਤ, ਨਿਰਪੱਖ ਅਤੇ ਆਪਸੀ ਲਾਹੇਵੰਦ ਵਪਾਰ ਤੇ ਸਮੁੰਦਰੀ ਆਵਾਜਾਈ ਨੂੰ ਉਤਸ਼ਾਹਿਤ ਕਰਨਾ।

ਹਰੇਕ ਖੇਤਰ ਵਿੱਚ ਕੰਮ ਦੀ ਅਗਵਾਈ ਇੱਕ ਜਾਂ ਦੋ ਦੇਸ਼ ਕਰ ਸਕਦੇ ਹਨ। ਇਹ ਸਰਕਾਰਾਂ ਨੂੰ ਵਿਸ਼ਵ–ਪੱਧਰੀ ਚੁਣੌਤੀਆਂ ਦੇ ਸਹਿਯੋਗੀ ਹੱਲ ਦੀ ਮੰਗ ਕਰਨ ਵਾਲੀ ਜਨਤਕ ਰਾਇ ਨਾਲ ਬਿਹਤਰ ਢੰਗ ਨਾਲ ਜੋੜਨ ਵਿੱਚ ਮਦਦ ਕਰੇਗਾ। ਇਹ ਪਹਿਲ ਸੱਚਮੁੱਚ ਖੁੱਲ੍ਹੀ, ਸਮਾਵੇਸ਼ੀ ਅਤੇ ਸਹਿਯੋਗੀ ਹੋਵੇਗੀ। ਅਤੇ ਇਹ ਸੰਸਥਾਗਤ ਜੜ੍ਹਾਂ ਨੂੰ ਸਹਿਭਾਗੀਆਂ ਦੀ ਇੱਛਾ ਅਨੁਸਾਰ, ਕਦਮ-ਦਰ-ਕਦਮ ਵਿਕਸਿਤ ਕਰ ਸਕਦਾ ਹੈ।

ਅਸੀਂ ਹਿੰਦ-ਪ੍ਰਸ਼ਾਂਤ ਮਹਾਸਾਗਰ ਪਹਿਲ ਪ੍ਰਤੀ ਹਾਂ–ਪੱਖੀ ਦ੍ਰਿਸ਼ਟੀਕੋਣ ਲਈ ਆਸਟ੍ਰੇਲੀਆ ਦੇ ਧੰਨਵਾਦੀ ਹਾਂ।

ਮੈਂ ਦਿਲਚਸਪੀ ਰੱਖਣ ਵਾਲੇ ਦੇਸ਼ਾਂ ਨੂੰ ਸਮੁੰਦਰੀ ਸੁਰੱਖਿਆ ਅਤੇ ਆਫ਼ਤ ਜੋਖਮ ਘਟਾਉਣ ਦੇ ਥੰਮ੍ਹਾਂ 'ਤੇ ਭਾਰਤ ਦੀ ਪਹਿਲ ਵਿੱਚ ਸ਼ਾਮਲ ਹੋਣ ਦਾ ਸੁਝਾਅ ਵੀ ਦਿੰਦਾ ਹਾਂ। ਜਿਵੇਂ ਕਿ ਅਸੀਂ ਆਸਟ੍ਰੇਲੀਆ ਅਤੇ ਇੰਡੋਨੇਸ਼ੀਆ ਦੇ ਨਾਲ ਅਗਲੇ ਫਰਵਰੀ ਵਿੱਚ ਚੌਥੀ EAS ਸਮੁੰਦਰੀ ਸੁਰੱਖਿਆ ਵਰਕਸ਼ਾਪ ਦੀ ਮੇਜ਼ਬਾਨੀ ਕਰਾਂਗੇ, ਅਸੀਂ ਉਸ ਤਾਰੀਖ ਤੋਂ ਸੁਰੱਖਿਆ ਥੰਮ੍ਹ 'ਤੇ ਕੰਮ ਸ਼ੁਰੂ ਕਰ ਸਕਦੇ ਹਾਂ।

ਭਾਰਤ ਨੇ ਬਾਘ, ਸ਼ੇਰ, ਹਾਥੀ, ਗੈਂਡਾ ਅਤੇ ਬਰਫ਼ਾਨੀ ਚੀਤੇ ਅਤੇ ਪ੍ਰਵਾਸੀ ਸਮੁੰਦਰੀ ਜੰਗਲੀ ਜੀਵਾਂ ਵਰਗੇ ਮੈਗਾ-ਜੰਤੂਆਂ ਦੀ ਸੰਭਾਲ ਵਿੱਚ ਸਭ ਤੋਂ ਵਧੀਆ ਅਭਿਆਸਾਂ ਨੂੰ ਸਾਂਝਾ ਕਰਨ ਦੇ ਦ੍ਰਿਸ਼ਟੀਕੋਣ ਨਾਲ ਪਰਵਾਸੀ ਜੰਗਲੀ ਜੀਵ ਪ੍ਰਜਾਤੀਆਂ ਦੀ ਸੁਰੱਖਿਆ 'ਤੇ ਇੱਕ EAS ਸੈਮੀਨਾਰ ਦਾ ਆਯੋਜਨ ਕਰਨ ਦਾ ਪ੍ਰਸਤਾਵ ਵੀ ਰੱਖਿਆ ਹੈ। ਈਵੈਂਟ ਜੰਗਲੀ ਜੀਵਨ ਅਤੇ ਇਸ ਦੇ ਹਿੱਸਿਆਂ ਅਤੇ ਉਤਪਾਦਾਂ ਵਿੱਚ ਗ਼ੈਰ–ਕਾਨੂੰਨੀ ਵਪਾਰ ਦੇ ਨਿਯੰਤਰਣ ਲਈ ਵਿਚਾਰ ਵਿਕਸਿਤ ਕਰ ਸਕਦਾ ਹੈ; ਚੋਟੀ ਦੇ ਸ਼ਿਕਾਰੀਆਂ ਅਤੇ ਹੋਰ ਪ੍ਰਜਾਤੀਆਂ ਨੂੰ ਬਚਾਉਣ ਲਈ ਜ਼ਮੀਨ ਅਤੇ ਸਮੁੰਦਰ 'ਤੇ ਪਾਰ-ਸੀਮਾ ਦੇ ਸੁਰੱਖਿਅਤ ਖੇਤਰਾਂ 'ਤੇ ਚਰਚਾ ਕਰੋ; ਅਤੇ ਇੱਕ ਹਰੇ ਅਰਥਵਿਵਸਥਾ ਦਾ ਮੰਚ ਵਿਕਸਿਤ ਕਰੋ, ਖਾਸ ਕਰਕੇ ਪਹਾੜੀ ਖੇਤਰਾਂ ਵਿੱਚ।

ਮੈਂ ਇਹ ਵੀ ਪ੍ਰਸਤਾਵ ਰੱਖਦਾ ਹਾਂ ਕਿ ਸਾਨੂੰ ਗ਼ੈਰ-ਕਾਨੂੰਨੀ, ਗ਼ੈਰ-ਰਿਪੋਰਟਡ ਅਤੇ ਗ਼ੈਰ-ਲਾਇਸੈਂਸੀ ਮੱਛੀ ਫੜਨ 'ਤੇ 2017 ਆਸੀਆਨ ਖੇਤਰੀ ਫੋਰਮ ਦੇ ਬਿਆਨ ਨੂੰ ਲਾਗੂ ਕਰਨ ਲਈ ਕੰਮ ਕਰਨਾ ਚਾਹੀਦਾ ਹੈ। ਰੋਜ਼ੀ-ਰੋਟੀ ਦੀ ਸੁਰੱਖਿਆ ਅਤੇ ਭੋਜਨ ਸੁਰੱਖਿਆ 'ਤੇ ਅਜਿਹੀਆਂ ਗਤੀਵਿਧੀਆਂ ਦੇ ਪ੍ਰਭਾਵ ਨੂੰ ਪਹਿਚਾਣਦਿਆਂ - ਅਤੇ ਇਸ ਲਈ ਸਮਾਜਿਕ ਸਥਿਰਤਾ - ਸਮੁੰਦਰੀ ਰਾਜਾਂ ਅਤੇ ਟਾਪੂਆਂ ਵਿੱਚ, ਅਸੀਂ ਇਸ ਵੱਡੇ ਸੁਰੱਖਿਆ ਮੁੱਦੇ 'ਤੇ ਇੱਕ ਸਮਾਗਮ ਦੀ ਮੇਜ਼ਬਾਨੀ ਕਰਨ ਲਈ ਤਿਆਰ ਹਾਂ।

ਅੰਤ ਵਿੱਚ, ਮੈਂ ਅਗਲੇ ਸਾਲ ਈਸਟ ਏਸ਼ੀਆ ਸਮਿਟ ਵਿਧੀ ਦੀ ਪ੍ਰਧਾਨਗੀ ਕਰਨ ਲਈ ਵੀਅਤਨਾਮ ਨੂੰ ਵਧਾਈਆਂ ਅਤੇ ਸ਼ੁਭਕਾਮਨਾਵਾਂ ਦੇਣਾ ਚਾਹਾਂਗਾ। ਅਸੀਂ ਵੀਅਤਨਾਮ ਨਾਲ ਕੰਮ ਕਰਨ ਦੀ ਆਸ ਰੱਖਦੇ ਹਾਂ।

ਮਹਾਮਹਿਮ, ਸ੍ਰੀਮਾਨ ਚੇਅਰਮੈਨ; ਮਹਿਮਹਿਮ; ਮਹਿਮਹਿਮਜਨ, ਮੈਂ ਇੱਕ ਵਾਰ ਫਿਰ ਤੁਹਾਡਾ ਸਾਰਿਆਂ ਦਾ ਧੰਨਵਾਦ ਕਰਦਾ ਹਾਂ।

 ********

ਡੀਐੱਸ/ਐੱਲਪੀ