উপ-রাস্ত্রপতি শ্রী জগদিপ ধনকারনা দিপাৱালি লাকপদা মীয়ামদা য়াইফ-পাউজেল পীরক্লি। মহাক্কী পাউজেলগী মপুংফাবা ৱারোল মখাদা লৈরে:

“মঙালগী কুহ্মৈ দিপাৱালি লাকপদা ঐখোয়গী লৈবাক্কী মীয়াম অমসুং মপান লৈবাকশিংদা লৈরিবা ভারতমচাশিংদা, ঐনা ঐগী য়াইফ-পাউজেল পীজরি অমসুং তরাম্না ওকচরি।

শ্রী রামনা ইমা সিতা অমসুং লক্ষনগা লোয়ন্না চহি ১৪ লোই থারুরবা মতুংদা অয়োধ্যদা হল্লকখিবা নুমিৎ অদু নিংশিংবা ওইনা মমাংঙৈদগী হৌনা হরাও-তয়াম্না দিপাৱালি পাংথোক্তুনা লাক্লি অমসুং শ্রী রামনা লাইনিংবশিংদগী লৌশিং ফংখি অমসুং ফত্তবশিং মাইথিবা পীনবা অশুকপা উমংদা লৈরিবা মীয়াম অমতা ওইনা পুনশিনখি। ঐখোয়গী ফিদম্নফম ওইরবা অমসুং মীয়ামগী খনবা লৈঙাক রাম রাজ্যগী হৌরকপা অসিনা দিপাৱালিগী মরুওইবা অমশু ওইহল্লে। শ্রী রামগী শেংলবা পুন্সিদা ঐখোয়না থম্লিবা থাজবা অসি কুহ্মৈ অসিনা অমুক্কা হেন্না চেৎশিনহল্লে। ফিদম্নফম ওইবা নিংথৌ অমা ওইনা, হায়বা ইনবা মচানুপা অমা ওইনা, মাইথিবা পীবা ঙমদ্রবা লান্মী অমা ওইনা, অচুম্বা চৎপা পুন্সি অমা ওইনা, মহাক্না শেমখিবা ‘মর্য়াদা’না মহাক মীওইবা খুন্নাইনা তমজনফম ওইরবা ‘পুরুসোত্তম’ রাম ওইহনখি।

দিপাৱালি অসি লন-থুমগী লাইরেম্বী ইমা লক্ষমী অমসুং লৌশিং অমসুং লাইবক ফবগী ঈশ্বর ভাগবন গনেস ইরাৎ-থৌনিবগী থৌরম অমসুনি।

মৈগী কুহ্মৈ অসিনা ঐখোয়গী পুন্সিদা লৌশিং, নুংঙাই-য়াইফবা অমসুং ইং-তপ্পা পুরকপা ওইরসনু। থাউমৈগী মঙালনা ঐখোয়গী লৈবাক্তা থাজবা, হরাওবা, হকচাং ফবা অমসুং নুংশি-চান্ননা হিংমিন্নবা পুরকপা ওইরসনু”।

*****