ইন্তরনেসনেল ফিল্ম ফেস্তিবেল ওফ ইন্দিয়া(ইফি)গী মরুওইবা শরুক অমা ওইরিবা ইন্দিয়ান পেনোরামাদা উৎনবা খনগৎলবা ফিচর ফিল্ম ২৫ অমসুং নন-ফিচর ফিল্ম ২০ ঙসি লাউথোক্লে। লাক্লিবা নবেম্বর ২০দগী নবেম্বর ২৮ ফাওবা গৱাদা পাংথোক্কদবা ৫৩শুবা ইফিদা খনগৎলবা ফিল্মশিং উৎকনি।

ভারত সরকারগী ইনফোর্মেসন অমসুং ব্রোদকাস্তিং মিনিস্ত্রিগী নেসনেল ফিল্ম দিবলপমেন্ত কোর্পোরেসন্না শীনবা ইন্দিয়ান পেনোরামাগী পান্দমদি ইন্দিয়ান পেনোরামাগী চৎন-কাংলোনশিংদা য়াওরিবা ফিচর ফিল্মশিং অমসুং নন-ফিচর ফিল্মশিংগী সেনিমাতিক, থিমেতিক অমসুং এথেস্তিকগী গুনশিং য়াওরবা ফিল্মশিং খনবনি।

ইন্দিয়ান পেনোরামাগী ফিল্ম খনবগী থবক অসি ভারত শীনবা থুংনা লৈরিবা শক্নাইরবা সেনিমাগী মীওইশিংনা পাংথোক্লি। মসিদা ফিচর ফিল্মশিং খন্নবা জুরি মেম্বর ১২ অমসুং নন-ফিচর ফিল্মশিং খন্নবা জুরি মেম্বর ৬ লৈরি অমসুং মখোয় মখোয়গী চিয়রপর্সনশিং লৈরি। মখোয় মশাগী ওইবা হৈজবা খঙজবশিং অদুদা য়ু্ম্ফম ওইরগা, শক্নাইরবা জুরি পেনেলশিং অদুনা অমতা ওইনা য়ানদুনা ইন্দিয়ান পেনোরামাগী ফিল্মশিং খনবনি।

ফিচর ফিল্মশিং

মেম্বর ১২না শাবা ফিচর ফিল্ম জুরি অদু শক্নাইরবা দিরেক্তর অমসুং ইদিতর শ্রী বিনোদ গনাত্রানা চিয়রপর্সন ওইরি। ফিচরগী জুরি ওইরিবা ফিল্মগী লমদা শক্নাইরবা অমসুং ফিল্মগা মরী লৈনবা শীনফমশিংদা লৈরিবা মীওইশিং অদুদি :

1. শ্রী এ. কার্তিক রাজা, সেনিমাতোগ্রাফর
2. শ্রী অনন্দ জয়তি; শৈবানবা, অইবা অমসুং ফিল্মমেকর
3. শ্রীমতি দোক্তর অনুরাধা সিংহ; ফিল্মমের অমসুং ইদিতর
4. শ্রী অশোক কশ্যাপ; প্রদুসর, দিরেক্তর অমসুং সেনিমাতোগ্রাফর
5. শ্রী ইনুমুলা প্রেমরাজ; দিরেক্তর অমসুং স্কৃনরাইতর
6. শ্রীমতি গিতা এম গুরুপ্পা; সাউন্দ ইঞ্জিনিয়ার
7. শ্রী ইমো সিংহ; প্রদুসর, দিরেক্তর অমসুং অইবা
8. শ্রী জুগাল দেবতা; প্রদুসর, দিরেক্তর অমসুং সেনিমাতোগ্রাফর
9. শ্রী সাইলেস দাবে; প্রদুসর
10. শ্রী সিবু জি সুসেলান; প্রদুসর
11. শ্রী ভি.এন অদিত্য; প্রদুসর, দিরেক্তর অমসুং স্কৃনরাইতর
12. শ্রী বিষ্ণু শর্ম্ম; অইবা অমসুং ফিল্ম ক্রিতিক

নৌনা পুথোকপা ভারতকী ফিচর ফিল্ম ৩৫৪দগী ৫৩শুবা ইফিগী ইন্দিয়ান পেনোরামা সেক্সন্দা উৎনবা ফিচর ফিল্ম ২৫ খনগৎপনি। মখাদা পীরিবা ফিচর ফিল্মশিং অসিদা ভারতকী ফিল্ম উদোগকী ফজবা অমসুং মখল-মথেল অমসুং খেন্নবা কয়া উবা ফংগনি।

ইন্দিয়ান পেনোরামা ২০২২গী খনগৎলবা ফিচর ফিল্ম ২৫ গী মমিং মখাদা লৈরে:

মেনস্ত্রিম সেনিমা সেক্সন

ফিচর ফিল্ম জুরিগী অপাম্বা মতুংইন্না পৃথিবী কোনানুরনা দিরেক্সন পীবা ফিল্ম “হাদিনেলেনতু”(কন্নারা)না ইন্দিয়ান পেনোরামা ২০২২গী হৌদোকপা ফিল্ম ওইনা উৎলগনি।

নন-ফিচর ফিল্মশিং

মীওই ৬না শাবা নন-ফিচর ফিল্ম জুরি অদু শক্নাইরবা ফিল্মমেকর, প্রদুসর, অইবা অমসুং নেসনেল ফিল্ম এৱার্দ ফংলবা শ্রী ওইনাম দোরেননা চিয়রপর্সন ওইখি। নন-ফিচরগী জুরি ওইরিবা ফিল্মগী লমদা শক্নাইরবা অমসুং ফিল্মগা মরী লৈনবা শীনফমশিংদা লৈরিবা মীওইশিং অদুদি:

1. শ্রী চন্দ্রসেখর এ; ফিল্ম ক্রিতিক, পাউমী অমসুং মেদিয়া একাদেমিসিয়ান
2. শ্র্রী হরিস বিমানি, ফিল্মমেকর, স্ক্রিপরাইতর, এনকর অমসুং এক্তর
3. শ্রী মনিস সাইনি; ফিল্মমেকর, অইবা অমসুং ইদিতর
4. শ্রী পি. উমেস নাইক; ফিল্মমেকর অমসুং পাউমী
5. শ্রী রাকেস মিত্তল; ফিল্ম ক্রিতিক, পাউমী অমসুং অইবা
6. শ্রী সঙ্কর দেসাই; ফিল্মমেকর, স্ক্রিপরাইতর অমসুং একাদেমিসিয়ান

নৌনা পুথোকপা ভারতকী নন-ফিচর ফিল্ম ২৪২ দগী ৫৩শুবা ইফিগী ইন্দিয়ান পেনোরামা সেক্সন্দা উৎনবা নন-ফিচর ফিল্ম ২০ খনগৎপনি। খনগৎলবা নন-ফিচর ফিল্মশিং অদুদা শক্নাইরবা ফিল্মমেকরশিংনা দোকুমেন্ত তৌনবা, থিজিন্নবা, নুংঙাইহন্নবা অমসুং ভারতকী মতম অসিগী হৌজিক ওইরিবা ফিভমশিং উৎনবা হোৎনবা ময়েক লানা উবা ফংলি।

ইন্দিয়ান পেনোরামা ২০২২গী খনগৎলবা নন-ফিচর ফিল্ম ২০ গী মমিং মখাদা লৈরে:

নন-ফিচর ফিল্ম জুরিগী অপাম্বা মতুংইন্না দিব্য কোসৱাজিনা দিরেক্সন পীবা ‘দ সো মস্ত গো ওন’(ইংলিস)না ইন্দিয়ান পেনোরামা ২০২২গী নন-ফিচরগী হৌদোকপা ফিল্ম ওইনা উৎলগনি।

ভারতকী ফিল্মশিং অমসুং ইনাকখুল্লবা ভারতকী কলচর য়োকখৎনবা পান্দমদা ইফিগী শরুক অমা ওইনা ১৯৭৮তা ইন্দিয়ান পেনোরামা হৌদোকখি। মসি হেক হৌদোকপদগী হৌনা, ইন্দিয়ান পেনোরামানা চহি অমদা পুথোকপা ভারতকী খ্বাইফগী ফবা ফিল্মশিং উৎনবা মপুংফানা কৎথোক্তুনা লাক্লি। ফিল্ম আর্ত য়োকখৎনবা পান্দমদা, ইন্দিয়ান পেনোরামাদা খল্লবা ফিল্মশিং ভারত অমসুং মপান লৈবাকশিংদা পাংথোকপা মালেমগী ফিল্ম ফেস্তিবেলশিংদা শেন লৌদনা উৎকনি অমসুং লৈবাক অনিগী মরক্তা পাংথোকপা কলচরেল একচেঞ্জ প্রোগ্রামশিং, ভারতকী ফিল্মশিংগী অখন্নবা ফেস্তিবেলশিং অমসুং ভারত্তা পাংথোকপা অখন্নবা ইন্দিয়ান পেনোরামা ফেস্তিবেলশিংদা উৎকনি।

*****