ಇಂಟರ್ ನ್ಯಾಷನಲ್ ಫಿಲ್ಮ್ ಫೆಸ್ಟಿವಲ್ ಆಫ್ ಇಂಡಿಯಾ(ಐಎಫ್ಎಫ್ಐ)ದ ಪ್ರಮುಖ ಭಾಗವಾಗಿರುವ ಭಾರತೀಯ ಪನೋರಮಾವು ಇಂದು 25 ಫೀಚರ್ ಚಲನಚಿತ್ರಗಳು ಮತ್ತು 20 ನಾನ್-ಫೀಚರ್ ಚಲನಚಿತ್ರಗಳನ್ನು ಅಧಿಕೃತ ಆಯ್ಕೆ ಪಟ್ಟಿಯನ್ನು ಪ್ರಕಟಿಸಿದೆ. ಗೋವಾದಲ್ಲಿ 2022 ನವೆಂಬರ್ 20ರಿಂದ 28ರ ವರೆಗೆ ಜರುಗಲಿರುವ ಭಾರತ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವ(ಐಎಫ್ಎಫ್ಐ)ದಲ್ಲಿ ಆಯ್ಕೆಯಾದ ಈ ಚಲನಚಿತ್ರಗಳು ಪ್ರದರ್ಶನ ಕಾಣಲಿವೆ.

ಭಾರತ ಸರ್ಕಾರದ ವಾರ್ತಾ ಮತ್ತು ಪ್ರಸಾರ ಖಾತೆ ಸಚಿವಾಲಯದ ರಾಷ್ಟ್ರೀಯ ಚಲನಚಿತ್ರ ಅಭಿವೃದ್ಧಿ ನಿಗಮ ಆಯೋಜಿಸಿರುವ ಭಾರತೀಯ ಪನೋರಮಾವು ತನ್ನ ನಿಯಮಗಳಡಿ ಬರುವ ಷರತ್ತುಗಳು ಮತ್ತು ಕಾರ್ಯವಿಧಾನಗಳಿಗೆ ಅನುಗುಣವಾಗಿ, ಸಿನಿಮೀಯ, ವಿಷಯಾಧಾರಿತ ಮತ್ತು ಸೌಂದರ್ಯ ಉತ್ಕೃಷ್ಟತೆಯ ಫೀಚರ್(ವೈಶಿಷ್ಟ್ಯ) ಮತ್ತು ನಾನ್-ಫೀಚರ್(ವೈಶಿಷ್ಟ್ಯವಲ್ಲದ) ಚಲನಚಿತ್ರಗಳನ್ನು ಆಯ್ಕೆ ಮಾಡುವ ಉದ್ದೇಶ ಅಥವಾ ಗುರಿ ಹೊಂದಿದೆ.

ಭಾರತೀಯ ಪನೋರಮಾದ ಚಲನಚಿತ್ರಗಳ ಆಯ್ಕೆ ಸಮಿತಿಯಲ್ಲಿ ಜಾಗತಿಕ ಚಿತ್ರರಂಗದ ದಿಗ್ಗಜರು ತೀರ್ಪುಗಾರರಾಗಿದ್ದಾರೆ. ಫೀಚರ್ ಚಲನಚಿತ್ರಗಳ ವಿಭಆಗದಲ್ಲಿ 12 ತೀರ್ಪುಗಾರರು ಮತ್ತು ನಾನ್-ಫೀಚರ್ ಚಲನಚಿತ್ರಗಳ ವಿಭಾಗದಲ್ಲಿ 6 ತೀರ್ಪುಗಾರರು ಸೇರಿ ಈ ಚಲನಚಿತ್ರಗಳನ್ನು ಆಯ್ಕೆ ಮಾಡಿದ್ದಾರೆ. ಈ ವಿಭಾಗಗಳಲ್ಲಿ ಅಧ್ಯಕ್ಷರ ನೇತೃತ್ವದಲ್ಲಿ ಆಯ್ಕೆ ಪ್ರಕ್ರಿಯೆ ನಡೆದಿದೆ. ಆಯ್ಕೆ ಸಮಿತಿಯ ತೀರ್ಪುಗಾರರು ತಮ್ಮ ವೈಯಕ್ತಿಕ ಪರಿಣತಿಯೊಂದಿಗೆ ಚಿತ್ರಗಳ ಆಯ್ಕೆಗೆ ಸಮತೋಲಿತ ಕೊಡುಗೆ ನೀಡಿದ್ದು, ಇದು ಆಯಾ ವರ್ಗಗಳ ಭಾರತೀಯ ಪನೋರಮಾ ಚಲನಚಿತ್ರಗಳ ಆಯ್ಕೆಗೆ ಕಾರಣವಾಗಿದೆ.

ಫೀಚರ್ ಚಲನಚಿತ್ರಗಳು

ಫೀಚರ್ ಚಲನಚಿತ್ರಗಳ ಆಯ್ಕೆ ಸಮಿತಿಯು 12 ಸದಸ್ಯರನ್ನು ಒಳಗೊಂಡಿದ್ದು, ಖ್ಯಾತ ನಿರ್ದೇಶಕ ಮತ್ತು ಸಂಪಾದಕ ಶ್ರೀ ವಿನೋದ್ ಗಣತ್ರ ಅವರು ಸಮಿತಿಯ ಅಧ್ಯಕ್ಷರಾಗಿ ನೇತೃತ್ವ ವಹಿಸಿದ್ದರು. ಫೀಚರ್ ಚಲನಚಿತ್ರಗಳ ಆಯ್ಕೆ ಸಮಿತಿಯು ವಿವಿಧ ಮೆಚ್ಚುಗೆ ಪಡೆದ ಚಲನಚಿತ್ರಗಳು ಮತ್ತು ಚಲನಚಿತ್ರ-ಸಂಬಂಧಿತ ವೃತ್ತಿಗಳನ್ನು ಪ್ರತ್ಯೇಕವಾಗಿ ಪ್ರತಿನಿಧಿಸುವ ಕೆಳಗಿನ ಸದಸ್ಯರನ್ನು ಒಳಗೊಂಡಿದೆ. ಆದರೆ ಒಟ್ಟಾರೆ, ವೈವಿಧ್ಯಮಯ ಭಾರತೀಯ ಹಿತಾಸಕ್ತಿ ಹೊಂದಿರುವ ಬಳಗವನ್ನು ಪ್ರತಿನಿಧಿಸುತ್ತದೆ:

1. ಶ್ರೀ. ಎ. ಕಾರ್ತಿಕ್ ರಾಜ; ಸಿನಿಮಾಟೋಗ್ರಾಫರ್
2. ಶ್ರೀ. ಆನಂದ ಜ್ಯೋತಿ; ಸಂಗೀತಗಾರ, ಕಥೆಗಾರ ಮತ್ತು ಚಲನಚಿತ್ರ ನಿರ್ಮಾಪಕ
3. ಶ್ರೀಮತಿ ಡಾ. ಅನುರಾಧಾ ಸಿಂಗ್; ಚಲನಚಿತ್ರ ನಿರ್ಮಾಪಕ ಮತ್ತು ಸಂಕಲನಕಾರ
4. ಶ್ರೀ. ಅಶೋಕ್ ಕಶ್ಯಪ್; ನಿರ್ಮಾಪಕ, ನಿರ್ದೇಶಕ ಮತ್ತು ಸಿನಿಮಾಟೋಗ್ರಾಫರ್
5. ಶ್ರೀ ಎನುಮುಲ ಪ್ರೇಮರಾಜ್; ನಿರ್ದೇಶಕ ಮತ್ತು ಚಿತ್ರಕಥೆಗಾರ
6. ಶ್ರೀಮತಿ ಗೀತಾ ಎಂ ಗುರಪ್ಪ; ಶಬ್ಧ ತಂತ್ರಜ್ಞ
7. ಶ್ರೀ ಇಮೋ ಸಿಂಗ್; ನಿರ್ಮಾಪಕ, ನಿರ್ದೇಶಕ ಮತ್ತು ಕಥೆಗಾರ
8. ಶ್ರೀ. ಜುಗಲ್ ಡಿಬಾಟ; ನಿರ್ಮಾಪಕ, ನಿರ್ದೇಶಕ ಮತ್ತು ಸಿನಿಮಾಟೋಗ್ರಾಫರ್
9. ಶ್ರೀ. ಸೈಲೇಶ್ ದವೆ; ನಿರ್ಮಾಪಕ
10. ಶ್ರೀ. ಶಿಬು ಜಿ ಸುಶೀಲನ್; ನಿರ್ಮಾಪಕ
11. ಶ್ರೀ ವಿ.ಎನ್. ಆದಿತ್ಯ; ನಿರ್ಮಾಪಕ, ನಿರ್ದೇಶಕ ಮತ್ತು ಚಿತ್ರಕಥೆಗಾರ
12. ಶ್ರೀ. ವಿಷ್ಣು ಶರ್ಮ; ಲೇಖಕ ಮತ್ತು ಚಲನಚಿತ್ರ ವಿಮರ್ಶಕ

53ನೇ ಐಎಫ್ಎಫ್ಐನ ಭಾರತೀಯ ಪನೋರಮಾ ವಿಭಾಗದಲ್ಲಿ 354 ಅರ್ಹತಾ ಸಮಕಾಲೀನ ಭಾರತೀಯ ಚಲನಚಿತ್ರಗಳ ಪೈಕಿ 25 ಫೀಚರ್ ಚಲನಚಿತ್ರಗಳ ಪ್ಯಾಕೇಜ್ ಅನ್ನು ಪ್ರದರ್ಶನಕ್ಕೆ ಆಯ್ಕೆ ಮಾಡಲಾಗಿದೆ. ಕೆಳಗಿನ ಚಲನಚಿತ್ರಗಳ ಪ್ಯಾಕೇಜ್ ಭಾರತೀಯ ಚಲನಚಿತ್ರೋದ್ಯಮದ ಚೈತನ್ಯ ಮತ್ತು ವೈವಿಧ್ಯತೆಯನ್ನು ಪ್ರತಿಬಿಂಬಿಸುತ್ತದೆ.

2022 ಭಾರತೀಯ ಪನೋರಮಾಕ್ಕೆ ಆಯ್ಕೆಯಾಗಿರುವ 25 ಫೀಚರ್ ಚಲನಚಿತ್ರಗಳ ಪಟ್ಟಿ ಇಂತಿದೆ:

ಮುಖ್ಯವಾಹಿನಿಯ ಸಿನಿಮಾ ವಿಭಾಗ

 ಭಾರತೀಯ ಪನೋರಮಾ 2022ರ ಆರಂಭಿಕ ಚಲನಚಿತ್ರವಾಗಿ ಫೀಚರ್ ಫಿಲ್ಮ್ ತೀರ್ಪುಗಾರರ ಆಯ್ಕೆಯು ಶ್ರೀ ಪೃಥ್ವಿ ಕೊಣನೂರು ನಿರ್ದೇಶನದ 'ಹದಿನೇಳೆಂಟು' (ಕನ್ನಡ) ಪ್ರದರ್ಶನವಾಗಲಿದೆ.

ನಾನ್-ಫೀಚರ್ ಚಲನಚಿತ್ರಗಳು

6 ಸದಸ್ಯರನ್ನು ಒಗೊಂಡ ನಾನ್-ಫೀಚರ್ ಚಲನಚಿತ್ರಗಳ ತೀರ್ಪುಗಾರರ ಸಮಿತಿಯು  ಖ್ಯಾತ ಚಲನಚಿತ್ರ ನಿರ್ಮಾಪಕ, ನಿರ್ಮಾಪಕ, ಕಥೆಗಾರ ಮತ್ತು ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿ ವಿಜೇತ ಶ್ರೀ ಓಯಿನಮ್ ಡೋರೆನ್ ಅವರ ಅಧ್ಯಕ್ಷತೆಯಲ್ಲಿತ್ತು. ವಿವಿಧ ಮೆಚ್ಚುಗೆ ಪಡೆದ ಚಲನಚಿತ್ರಗಳು ಮತ್ತು ಚಲನಚಿತ್ರ-ಸಂಬಂಧಿತ ವೃತ್ತಿಗಳನ್ನು ಪ್ರತ್ಯೇಕವಾಗಿ ಪ್ರತಿನಿಧಿಸುವ ಕೆಳಗಿನ ಸದಸ್ಯರನ್ನು ಒಳಗೊಂಡಿರುವ ನಾನ್-ಫೀಚರ್ ಆಯ್ಕೆ ಸಮಿತಿ ರಚಿಸಲಾಗಿದೆ. 

1. ಶ್ರೀ ಚಂದ್ರಶೇಖರ್ ಎ; ಚಲನಚಿತ್ರ ವಿಮರ್ಶಕ, ಪತ್ರಕರ್ತ ಮತ್ತು ಮಾಧ್ಯಮ ಶಿಕ್ಷಣ ತಜ್ಞ.
2. ಶ್ರೀ ಹರೀಶ್ ಭೀಮಾನಿ, ಚಲನಚಿತ್ರ ನಿರ್ಮಾಪಕ, ಚಿತ್ರಕಥೆಗಾರ, ಆಂಕರ್ ಮತ್ತು, ನಟ
3. ಶ್ರೀ ಮನೀಶ್ ಸೈನಿ; ಚಲನಚಿತ್ರ ನಿರ್ಮಾಪಕ, ಲೇಖಕ ಮತ್ತು ಸಂಪಾದಕ
4. ಶ್ರೀ ಪಿ. ಉಮೇಶ್ ನಾಯ್ಕ್; ಚಲನಚಿತ್ರ ನಿರ್ಮಾಪಕ ಮತ್ತು ಪತ್ರಕರ್ತ
5. ಶ್ರೀ ರಾಕೇಶ್ ಮಿತ್ತಲ್; ಚಲನಚಿತ್ರ ವಿಮರ್ಶಕ, ಪತ್ರಕರ್ತ ಮತ್ತು ಲೇಖಕ
6. ಶ್ರೀ ಸಂಸ್ಕಾರ ದೇಸಾಯಿ; ಚಲನಚಿತ್ರ ನಿರ್ಮಾಪಕ, ಚಿತ್ರಕಥೆಗಾರ, ಶಿಕ್ಷಣ ತಜ್ಞ

53ನೇ ಐಎಫ್‌ಎಫ್‌ಐನಲ್ಲಿ ಭಾರತೀಯ ಪನೋರಮಾ ವಿಭಾಗದಲ್ಲಿ ಪ್ರದರ್ಶನಕ್ಕಾಗಿ 20 ನಾನ್-ಫೀಚರ್ ಚಲನಚಿತ್ರಗಳ ಪ್ಯಾಕೇಜ್ ಆಯ್ಕೆಮಾಡಲಾಗಿದೆ. ನಾನ್-ಫೀಚರ್ ಚಲನಚಿತ್ರಗಳ ಪ್ಯಾಕೇಜ್ ಉದಯೋನ್ಮುಖ ಮತ್ತು ಸ್ಥಾಪಿತ ಚಲನಚಿತ್ರ ನಿರ್ಮಾಪಕರ ಸಾಮರ್ಥ್ಯ ದಾಖಲೆ, ಮನರಂಜನೆ ಮತ್ತು ಸಮಕಾಲೀನ ಭಾರತೀಯ ಮೌಲ್ಯಗಳನ್ನು ಪ್ರತಿಬಿಂಬಿಸುತ್ತದೆ.

ಭಾರತೀಯ ಪನೋರಮಾ 2022ಕ್ಕೆ ಆಯ್ಕೆಯಾದ ನಾನ್-ಫೀಚರ್ ಚಲನಚಿತ್ರಗಳ ಪಟ್ಟಿ ಇಂತಿದೆ:

ಭಾರತೀಯ ಪನೋರಮಾ, 2022ರ ನಾನ್-ಫೀಚರ್ ವಿಭಾಗದಲ್ಲಿ ತೀರ್ಪುಗಾರರ ಆಯ್ಕೆಯು ಶ್ರೀಮತಿ ದಿವ್ಯಾ ಕೊವಾಸ್ಜಿ ನಿರ್ದೇಶನದ 'ದಿ ಶೋ ಮಸ್ಟ್ ಗೋ ಆನ್' (ಇಂಗ್ಲಿಷ್) ಚಲನಚಿತ್ರವು ಪ್ರದರ್ಶನಗೊಳ್ಳಲಿದೆ.

ಸಿನಿಮಾ ಕಲೆಯ ಮೂಲಕ ಭಾರತದ ಶ್ರೀಮಂತ ಸಂಸ್ಕೃತಿ ಮತ್ತು ಪರಂಪರೆ ಹೊಂದಿರುವ ಭಾರತೀಯ ಚಲನಚಿತ್ರಗಳನ್ನು ಉತ್ತೇಜಿಸಲು ಐಎಫ್ಎಫ್ಐ ಭಾಗವಾಗಿ 1978ರಲ್ಲಿ ಭಾರತೀಯ ಪನೋರಮಾ ಆರಂಭಿಸಲಾಯಿತು. ಆರಂಭದಿಂದಲೂ ವರ್ಷದ ಅತ್ಯುತ್ತಮ ಭಾರತೀಯ ಚಲನಚಿತ್ರಗಳನ್ನು ಪ್ರದರ್ಶಿಸಲು ಭಾರತೀಯ ಪನೋರಮಾವು ಸಂಪೂರ್ಣ ಮೀಸಲಾಗಿದೆ. ಭಾರತೀಯ ಪನೋರಮಾ ವಿಭಾಗಕ್ಕೆ ಆಯ್ಕೆಯಾದ ಚಲನಚಿತ್ರಗಳನ್ನು ಚಲನಚಿತ್ರ ಕಲೆ ಉತ್ತೇಜಿಸುವ ಗುರಿಯೊಂದಿಗೆ ಭಾರತ ಮತ್ತು ವಿದೇಶಗಳಲ್ಲಿ ನಡೆಯುವ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವಗಳು, ದ್ವಿಪಕ್ಷೀಯ ಸಾಂಸ್ಕೃತಿಕ ವಿನಿಮಯ ಕಾರ್ಯಕ್ರಮಗಳು ಮತ್ತು ವಿಶೇಷ ಭಾರತೀಯ ಚಲನಚಿತ್ರಗಳ ಅಡಿಯಲ್ಲಿ ನಡೆಯುವ ಭಾರತೀಯ ಚಲನಚಿತ್ರ ವಾರಗಳಲ್ಲಿ ಪ್ರದರ್ಶನಗೊಳ್ಳುತ್ತವೆ. ಇವು ಲಾಭರಹಿತ ಪ್ರದರ್ಶನ ಕಾರ್ಯಕ್ರಮಗಳಾಗಿವೆ. ಸಾಂಸ್ಕೃತಿಕ ವಿನಿಮಯ ಪ್ರೋಟೋಕಾಲ್‌ಗಳ ಹೊರಗಿನ ಉತ್ಸವಗಳು ಮತ್ತು ಭಾರತದಲ್ಲಿ ನಡೆಯುವವಿಶೇಷ ಭಾರತೀಯ ಪನೋರಮಾ ಉತ್ಸವಗಳಲ್ಲೂ ಪ್ರದರ್ಶನ ಕಾಣುತ್ತವೆ.

******