انٹرنیشنل فلم فیسٹیول آف انڈیا (آئی ایف ایف آئی) کےاہم جزو انڈین پینورما نے آج 25 فیچر فلموں اور 20 غیر فیچر فلموں کے انتخاب کا اعلان کیا ہے۔ منتخب فلمیں 20 سے 28 نومبر 2022 کو گوا میں منعقد ہونے والے 53ویں  انٹر نیشنل فلم فیسٹیول آف انڈیا میں دکھائی جائیں گی۔

نیشنل فلم ڈیولپمنٹ کارپوریشن، وزارت اطلاعات و نشریات، حکومت ہند کے زیر اہتمام انڈین پینوراما کا مقصد مذکورہ ضابطوں میں شرائط اور طریقہ کار کے مطابق فلمی، موضوعاتی اور جمالیاتی کمال کی  حامل فیچر اور غیر فیچر فلموں کا انتخاب کرنا ہے۔

انڈین  پینورما  کے لیے فلموں کا انتخاب ہندوستان بھر سے سنیما کی دنیا کی نامور شخصیات کے ذریعہ کیا جاتا ہے، جس میں فیچر فلموں کے لئے کل بارہ جیوری ارکان ہوتے ہیں اور غیر فیچر فلموں کے لئے چھ جیوری ارکان شامل  ہوتے ہیں ، جن کی قیادت  متعلقہ جیوری کے چیئرپرسن کرتے ہیں۔اپنی انفرادی مہارت کو بروئے کار لاتے ہوئے، نامور جیوری پینل اس اتفاق رائے میں یکساں طور پراپنا تعاون  پیش کرتے ہیں جو متعلقہ زمروں کی ہندوستانی پینورما فلموں کے انتخاب کا باعث بنتا ہے۔

فیچر فلمیں

بارہ ارکان پر مشتمل فیچر فلم جیوری کی سربراہی معروف ڈائریکٹر اور ایڈیٹر، چیئرپرسن جناب ونود گناترا کر رہےہیں ۔ فیچر فلم کی جیوری مندرجہ ذیل ممبران پر مشتمل ہے جو انفرادی طور پر مختلف مشہورو معروف فلموں، اور فلم سے متعلق اداروں اور  پیشوں  سے وابستہ ہیں، اور یہ جیوری ہندوستان کی فلم سازی سے منسلک مختلف النوع افراد کی مجموعی نمائندگی کرتی ہے:

جناب اے کارتک راجہ؛ سینماٹوگرافر

جناب آنند جیوتی؛ موسیقار، مصنف اور فلم ساز

محترمہ ڈاکٹر انورادھا سنگھ؛ فلم ساز اور ایڈیٹر

جناب اشوک کشیپ؛ پروڈیوسر، ڈائریکٹر اور سینماٹوگرافر

جناب انومولا پریم راج؛ ڈائریکٹر اور اسکرین رائٹر

محترمہ گیتا ایم گورپا؛ ساؤنڈ انجینئر

جناب ایمو سنگھ؛ پروڈیوسر، ڈائریکٹر اور رائٹر

جناب جگل ڈیباتا؛ پروڈیوسر، ڈائریکٹر اور سینماٹوگرافر

جناب سیلیش دیو؛ پروڈیوسر

جناب شیبو جی سوشیلن؛ پروڈیوسر

جناب وی این آدتیہ؛ پروڈیوسر، ڈائریکٹر اور اسکرین رائٹر

جناب وشنو شرما؛ مصنف اور فلم نقاد

53 ویں انٹر نیشنل فلم فیسٹیول آف انڈیا کے انڈین پینورما سیکشن میں نمائش کے لیے کل25 فیچر فلموں کا انتخاب کیا گیا ہے۔ ہندوستان کی 354 عصری فلموں کے وسیع پو ل سے منتخب کی گئیں یہ فیچر فلمیں ہندوستان کی فلم صنعت کی تابانی ، تنوع اور گوناگونیت کی عکاسی کرتی ہیں۔

انڈین پینوراما 2022 میں منتخب 25 فیچر فلموں کی فہرست حسب ذیل ہے:

مین اسٹریم سنیما سیکشن

انڈین پینورما 2022 کی افتتاحی فیچر فلم کے لیے فیچر فلم جیوری کا انتخاب مسٹر پرتھوی کونانور کی ہدایت کاری میں بننے والی فلم ’ہڈینیلنٹو‘ (کنڑ) ہے۔

غیر فیچر فلمیں

چھ ارکان پر مشتمل غیر فیچر فلم جیوری کی سربراہی معروف فلم ساز، پروڈیوسر، مصنف اور قومی فلم ایوارڈ یافتہ، چیئرپرسن جناب اوینم ڈورین نے کی۔ غیر فیچر جیوری مندرجہ ذیل ممبران پر مشتمل ہے جو انفرادی طور پر مختلف مشہور و معروف فلموں، اور فلم سے متعلقہ اداروں اور پیشوں سے وابستہ ہیں۔  یہ جیوری ہندوستان کی فلم سازی سے منسلک مختلف النوع افراد کی مجموعی نمائندگی کرتی ہے:

جناب  چندر شیکھر اے؛ فلم نقاد، صحافی اور میڈیا اکیڈمیشین

جناب  ہریش بھیمانی، فلمساز، اسکرپٹ رائٹر، اینکر اور اداکار

جناب منیش سینی؛ فلم ساز، مصنف اور ایڈیٹر

جناب پی امیش نائک؛ فلم ساز اور صحافی

جناب راکیش متل؛ فلم نقاد، صحافی اور مصنف

جناب سنسکر ڈیسائی؛ فلم ساز، اسکرپٹ رائٹر، ماہر تعلیم

53 ویں انٹر نیشنل فلم فیسٹیول آف انڈیا کے انڈین پینورما سیکشن میں نمائش کے لیے کل20 غیرفیچر فلموں کا انتخاب کیا گیا ہے۔ ہندوستان کی 242 عصری فلموں کے وسیع پو ل سے منتخب کی گئیں یہ غیر فیچر فلمیں ہندوستانی فلم صنعت کے ابھرتے ہوئے معروف و مشہور  فلم سازوں کی دستاویزی، تحقیق ، تفریح اور عصری ہندوستانی اقدار کی بہترین عکاسی کرتی ہیں۔

انڈین پینورما 2022 میں منتخب 20 غیر فیچر فلموں کی فہرست درج ذیل ہے:

انڈین پینورما، 2022 کی افتتاحی غیر فیچر فلم کے لیے جیوری کا انتخاب 'دی شو مسٹ گو آن' (انگریزی) ہے جس کی ہدایت کاری محترمہ دیویا کواسجی نے کی ہے۔

سینما آرٹ کی مدد سے ہندوستان کی بھرپور ثقافت اور ورثے کے ساتھ ہندوستانی فلموں کو فروغ دینے کے لیےہندوستانی انٹرنیشنل فلم فیسٹیول کے تحت انڈین پینورما کو 1978 میں متعارف کرایا گیا تھا۔ اپنے قیام سے ہی، انڈین پینورما سال کی بہترین ہندوستانی فلموں کی نمائش کے لیے پوری طرح وقف ہے۔ فلم آرٹ کو فروغ دینے کے مقصدسےانڈین پینورما سیکشن کے لیے منتخب فلموں کی ہندوستان اور بیرون ملک بین الاقوامی فلم فیسٹیول میں ، دو طرفہ ثقافتی تبادلے کے پروگراموں کے تحت منعقد ہونے والے انڈین فلم ویکس میں اور ثقافتی تبادلے کے پروٹوکول کے باہرہونے والے اور خصوصی ہندوستانی فلم فیسٹیول اور خصوصی انڈین پینورما فیسٹیول میں غیر منافع بخش طور پر نمائش کی جائیں گی۔

۔۔۔۔۔۔۔۔۔۔۔۔۔۔۔۔۔۔۔۔۔

(ش ح ۔ رض  ۔ ج ا  (

11737