প্রধান মন্ত্রী শ্রী নরেন্দ্র মোদীনা ওক্তোবর ১৯, ২০২২দা গুজরাতকী গান্ধীনগরদা পাংথোকপা ১২শুবা দিফেন্স এক্সপো ২০২২দা ইন্দিয়া পেভিলিয়ন্দা হিন্দুস্থান এরোনোতিক্স লিমিতেৎ(হাল)না লৈবাক অসিদা দিজাইন তৌবা অমসুং শাবা ত্রেন্নর এয়রক্রাফ ঐচ.তি.তি-৪০ মাইখুম হাংদোকখ্রে। থৌরম অদুদা দিফেন্স মিনিস্তর শ্রী রাজনাথ সিংহ অমসুং গুজরাতকী চীফ মিনিস্তর শ্রী ভুপেন্দ্রভাই পতেলশু শরুক য়াখি। এয়ারক্রাফ অসি খ্বাইদগী নৌবা তেক্নোলোজিনা শাবনি অমসুং পাইলোতশিংনা নুংঙাইনবা মওংদা দিজাইন তৌবনি। মসিদা লনাই উদোগশিংগা লোয়ন্না পু্ন্না চৎমিন্নদুনা মচাকশিংগী চাদা ৬০ হেন্না লৈবাক অসিদা শাবনি অমসুং মসি অত্মানির্ভর ভারতকী ময়েক লারবা খুদম অমনি।

ঐচ.তি.তি-৪০ অসি ফ্লাইত ত্রেনিং, এরোবেতিক্স, ইন্সত্রুমেন্ত ফ্লাইয়িং অমসুং ক্লোজ ফোর্মেসন ফ্লাইতশিংদা মরুওইনা শীজিন্নগনি অমসুং অতোপ্পা হিরমশিং হায়বদি নেভিগেসন অমসুং নুমিদাং পাইবদা শীজিন্নগনি। ভারতকী ঙাক-শেনগী ফোর্মশিংগী মরুওইবা ত্রেনিংগী দরকার ওইবশিং ফংনবা খ্বাইদগী ফবা তেক্নোলোজিদা দিজাইন তৌবগী খুদম অমনি।

চেকশিন্না চাংয়েং তৌরবা তর্বো-প্রোপ ইঞ্জিন অমদা শাবা এয়রক্রাফ অসিদা খ্বাইদগী নৌবা এভিওনিক্সশিং, এয়র-কন্দিসন কেবিন অমা অমসুং ইজেক্সন সিতশিং য়াওরি। এয়রক্রাফ অসিদা পাইলোতশিং হোংদোক-হোংজিন য়াবগী খুদোংচাবশিং, হোত-রিফুয়েল্লিং অমসুং হোত-তর্নএরাউন্দ তাইমগী খুদোংচাবশিং য়াওরি। সর্তিফিকেত পীনবগী দরকার ওইবা তেস্তশিং অহানবা ফ্লাইদতগী থারগা শুপ্নগী চহি ৬গী মনুংদা পাংথোকপা ঙমখ্রে।

ঐচ.তি.তি-৪০ অসি সিস্তেম খুদিংম চাংয়েং তৌবা লোইখ্রে, মসিদা পি.এস.ক্বিউ.আর পর্ফোমেন্স, হোত ৱেদর, সি লেভেল, ক্রোস ৱিন্দ ত্রাইয়েলশিং অমসুং এসিস্তেৎ তেক্নিকেল ত্রাইয়েলশিং য়াওরি। এয়রক্রাফ অসি নোংগী ঈশিং ঙাকথোকপা ঙম্বা অদু উৎখ্রে। এয়রক্রাফ অসি পাইবা য়াবগী প্রোবিসনেল ক্লিয়ারেন্স অদু সেন্তর ফোর মিলিতরি এয়রৱারদিনেস এন্দ সর্তিফিকেসন(সেমিলাক)দগী ফংলে।

*****