ಭಾರತ್‌ ಮಾತಾ ಕೀ - ಜೈ!

ಭಾರತ್‌ ಮಾತಾ  ಕೀ - ಜೈ!

(ಸ್ಥಳೀಯ ಭಾಷೆಯಲ್ಲಿ ಆರಂಭಿಕ ಟಿಪ್ಪಣಿಗಳು)

ಮೊದಲನೆಯದಾಗಿ, ನಾನು ಚಂಬಾದ ಜನರ ಕ್ಷಮೆಯಾಚಿಸಲು ಬಯಸುತ್ತೇನೆ. ಏಕೆಂದರೆ ನಾನು ಕೆಲವು ವರ್ಷಗಳ ನಂತರ ಇಲ್ಲಿಗೆ ಬರುತ್ತಿದ್ದೇನೆ. ಆದರೆ ಮತ್ತೊಮ್ಮೆ ನಿಮ್ಮೆಲ್ಲರೊಂದಿಗೆ ಬಂದು ಸಂವಾದ ನಡೆಸುವ ಅವಕಾಶ ನನಗೆ ಸಿಕ್ಕಿರುವುದು ನನ್ನ ಅದೃಷ್ಟ. ಮತ್ತು ಇಂದು ನಿಮ್ಮ ಆಶೀರ್ವಾದವನ್ನು ಸಹ ಕೋರುತ್ತಿದ್ದೇನೆ.

ಎರಡು ದಿನಗಳ ಹಿಂದೆ, ನಾನು ಉಜ್ಜಯಿನಿಯ ಮಹಾಕಾಲ್‌ ನಗರದಲ್ಲಿದ್ದೆ. ಮತ್ತು ಇಂದು ನಾನು ಮಣಿ ಮಹೇಶ್‌ ನಾಡಿನಲ್ಲಿಇದ್ದೇನೆ. ಇಂದು ನಾನು ಈ ಐತಿಹಾಸಿಕ ಸ್ಥಳಕ್ಕೆ ಬಂದಾಗ, ನನ್ನ ಸ್ನೇಹಿತರೊಂದಿಗೆ ಇಲ್ಲಿಕಳೆದ ಕ್ಷಣಗಳು ಮತ್ತು ರಾಜ್ಮಾ-ಮದ್ರದಂತಹ ಕೆಲವು ಹಳೆಯ ನೆನಪುಗಳನ್ನು ನೆನಪಿಸಿಕೊಳ್ಳುವುದು ನನಗೆ ಸ್ವಾಭಾವಿಕವಾಗಿದೆ, ಅದು ನಿಜವಾಗಿಯೂ ಆಹ್ಲಾದಕರ ಅನುಭವಗಳಾಗಿವೆ.

ಚಂಬಾ ನನಗೆ ಸಾಕಷ್ಟು ಪ್ರೀತಿ ಮತ್ತು ಆಶೀರ್ವಾದಗಳನ್ನು ನೀಡಿದೆ. ಅದಕ್ಕಾಗಿಯೇ ಕೆಲವು ತಿಂಗಳ ಹಿಂದೆ, ಮಿಂಜರ್‌ ಮೇಳದ ಸಮಯದಲ್ಲಿ, ಶಿಕ್ಷಕರೊಬ್ಬರು ಪತ್ರವನ್ನು ಬರೆದಿದ್ದರು ಮತ್ತು ಚಂಬಾಗೆ ಸಂಬಂಧಿಸಿದ ವಿವಿಧ ವಿಷಯಗಳನ್ನು ನನ್ನೊಂದಿಗೆ ಹಂಚಿಕೊಂಡಿದ್ದರು. ನಾನು ಕೂಡ ನನ್ನ ‘ಮನ್‌ ಕಿ ಬಾತ್‌’ ಕಾರ್ಯಕ್ರಮದಲ್ಲಿಇದನ್ನು ದೇಶ ಮತ್ತು ವಿಶ್ವದೊಂದಿಗೆ ಹಂಚಿಕೊಂಡಿದ್ದೆ. ಆದ್ದರಿಂದ ಇಂದು ಚಂಬಾ ಸೇರಿದಂತೆ ಹಿಮಾಚಲ ಪ್ರದೇಶದ ದುರ್ಗಮ ಹಳ್ಳಿಗಳಿಗೆ ರಸ್ತೆಗಳು ಮತ್ತು ಉದ್ಯೋಗ ಸೃಷ್ಟಿಸುವ ವಿದ್ಯುತ್‌ ಯೋಜನೆಗಳನ್ನು ಸಮರ್ಪಿಸಲು ನನಗೆ ತುಂಬಾ ಸಂತೋಷವಾಗಿದೆ.

ನಾನು ನಿಮ್ಮ ನಡುವೆ ಇಲ್ಲಿವಾಸಿಸುತ್ತಿದ್ದಾಗ, ‘ಪರ್ವತದ ನೀರು ಮತ್ತು ಪರ್ವತದ ಯುವಕರನ್ನು ಸಾಮಾನ್ಯವಾಗಿ ಅದರ ಅಭಿವೃದ್ಧಿಗೆ ಬಳಸಲಾಗುವುದಿಲ್ಲ’ ಎಂಬ ಹಳೆಯ ಗಾದೆಯನ್ನು ನಾವು ತೊಡೆದುಹಾಕುವ ಅಗತ್ಯವಿದೆ ಎಂದು ನಾನು ಹೇಳುತ್ತಿದ್ದೆ. ಇಂದು ನಾವು ಆ ಹಳೆಯ ಸನ್ನಿವೇಶವನ್ನು ಬದಲಾಯಿಸಿದ್ದೇವೆ. ಈಗ ಇಲ್ಲಿನ ನೀರನ್ನು ನೀವು ಬಳಸಬಹುದು; ಮತ್ತು ಇಲ್ಲಿನ ಯುವಕರು ಅಭಿವೃದ್ಧಿಯ ಪ್ರಯಾಣವನ್ನು ಸಾಕಷ್ಟು ಉತ್ಸಾಹದಿಂದ ಮುಂದುವರಿಸುತ್ತಾರೆ. ನಿಮ್ಮ ಜೀವನವನ್ನು ಸುಲಭಗೊಳಿಸಿದ ಈ ಎಲ್ಲಾ ಯೋಜನೆಗಳಿಗಾಗಿ ನಿಮಗೆ ಹೃತ್ಪೂರ್ವಕ ಅಭಿನಂದನೆಗಳು!

ಸಹೋದರರೇ ಮತ್ತು ಸಹೋದರಿಯರೇ,

ಕೆಲವು ಸಮಯದ ಹಿಂದೆ, ಭಾರತವು ತನ್ನ ಸ್ವಾತಂತ್ರ್ಯದ 75 ವರ್ಷಗಳನ್ನು ಪೂರೈಸಿತು. ಇಂದು ನಾವು ಹೊಂದಿರುವ ಮೈಲಿಗಲ್ಲುಅಭಿವೃದ್ಧಿಯ ದೃಷ್ಟಿಯಿಂದ ಬಹಳ ನಿರ್ಣಾಯಕವಾಗಿದೆ, ಏಕೆಂದರೆ ಇಲ್ಲಿಂದ ನಾವು ಬಹುಶಃ ಯಾರೂ ಊಹಿಸಿರದ ಆ ಜಿಗಿತವನ್ನು ಮಾಡಬೇಕು. ಭಾರತದ ‘ಆಜಾದಿ ಕಾ ಅಮೃತ್ಕಾಲ್‌’ ಈಗಾಗಲೇ ಪ್ರಾರಂಭವಾಗಿದೆ ಮತ್ತು ನಾವು ‘ಅಭಿವೃದ್ಧಿ ಹೊಂದಿದ’ ಭಾರತದ ಸಂಕಲ್ಪವನ್ನು ಸಾಧಿಸಬೇಕು. ಪ್ರತಿಯೊಬ್ಬ ಭಾರತೀಯನ ಸಂಕಲ್ಪವನ್ನು ಈಗ ಈಡೇರಿಸಬೇಕಾಗಿದೆ. ಮುಂಬರುವ ಕೆಲವು ತಿಂಗಳುಗಳಲ್ಲಿ, ಹಿಮಾಚಲವು ರಚನೆಯಾಗಿ 75 ವರ್ಷಗಳನ್ನು ಪೂರೈಸಲಿದೆ. ಅಂದರೆ, ದೇಶವು ಸ್ವಾತಂತ್ರ್ಯದ 100 ವರ್ಷಗಳನ್ನು ಪೂರ್ಣಗೊಳಿಸಿದಾಗ, ಹಿಮಾಚಲ ಪ್ರದೇಶವು ಸಹ ಅದರ ರಚನೆಗೆ 100 ವರ್ಷಗಳನ್ನು ಪೂರೈಸುತ್ತದೆ. ಆದ್ದರಿಂದ, ಮುಂಬರುವ 25 ವರ್ಷಗಳ ಪ್ರತಿ ದಿನ, ಪ್ರತಿ ಕ್ಷ ಣವು ನಮಗೆಲ್ಲರಿಗೂ, ಎಲ್ಲಾ ದೇಶವಾಸಿಗಳಿಗೆ ಮತ್ತು ವಿಶೇಷವಾಗಿ ಹಿಮಾಚಲ ಪ್ರದೇಶದ ಜನರಿಗೆ ಅತ್ಯಗತ್ಯವಾಗಿದೆ.

ಸ್ನೇಹಿತರೇ,

ನಮ್ಮ ಹಿಂದಿನ ಅನುಭವವು ನಮಗೆ ಏನು ಹೇಳುತ್ತದೆ? ಶಾಂತಾ ಜೀ ಮತ್ತು ಧುಮಾಲ್‌ ಜೀ ಈ ಸ್ಥಳಕ್ಕಾಗಿ ತಮ್ಮ ಜೀವನವನ್ನು ಹೇಗೆ ಮುಡಿಪಾಗಿಟ್ಟಿದ್ದರು ಎಂಬುದನ್ನು ನಾವು ನೋಡಿದ್ದೇವೆ. ಹಿಮಾಚಲದಲ್ಲಿತಮ್ಮ ಆಡಳಿತಾವಧಿಯಲ್ಲಿ, ಭಾರತೀಯ ಜನತಾ ಪಕ್ಷ ದ ನಾಯಕರು ಮತ್ತು ಕಾರ್ಯಕರ್ತರು ಹಿಮಾಚಲದ ಹಕ್ಕುಗಳಿಗಾಗಿ, ವಿದ್ಯುತ್‌, ನೀರು, ಅಭಿವೃದ್ಧಿ ಮತ್ತು ಅದರ ಪಾಲಿನಂತಹ ಮೂಲಭೂತ ಹಕ್ಕುಗಳಿಗಾಗಿ ಪ್ರತಿಯೊಂದು ಸಣ್ಣ ವಿಷಯಕ್ಕೂ ದೆಹಲಿಗೆ ಭೇಟಿ ನೀಡಬೇಕಾಗಿತ್ತು. ಆದರೆ ದೆಹಲಿಯಲ್ಲಿ ಹಿಮಾಚಲದ ಈ ಬೇಡಿಕೆಗಳನ್ನು ಯಾರೂ ಕೇಳುವುದಿಲ್ಲ. ಹಿಮಾಚಲದ ಕಡತಗಳು ಒಂದು ಡೆಸ್ಕ್‌ನಿಂದ ಇನ್ನೊಂದಕ್ಕೆ ತಿರುಗುತ್ತಲೇ ಇದ್ದವು. ಆದ್ದರಿಂದಲೇ ನೈಸರ್ಗಿಕ ಸಂಪನ್ಮೂಲಗಳು, ಸಾಂಸ್ಕೃತಿಕ ಮತ್ತು ಆಧ್ಯಾತ್ಮಿಕ ಅಂಶಗಳಿಂದ ಸಮೃದ್ಧವಾಗಿದ್ದ ಚಂಬಾದಂತಹ ಪ್ರದೇಶಗಳು ಅಭಿವೃದ್ಧಿಯ ಓಟದಲ್ಲಿಹಿಂದೆ ಉಳಿದಿದ್ದವು. 75 ವರ್ಷಗಳ ನಂತರ ನಾನು ಅದರ ಬಗ್ಗೆ ವಿಶೇಷ ಗಮನ ಹರಿಸಬೇಕಾಯಿತು, ಏಕೆಂದರೆ ಅದರ ಸಾಮರ್ಥ್ಯ‌ದ ಬಗ್ಗೆ ನನಗೆ ತಿಳಿದಿತ್ತು.

ಸೌಲಭ್ಯಗಳ ಕೊರತೆಯಿಂದಾಗಿ ಇಲ್ಲಿವಾಸಿಸುವ ಜನರ ಜೀವನವು ಕಷ್ಟಕರವಾಗಿತ್ತು. ಹೊರಗಿನಿಂದ ಬರುವ ಪ್ರವಾಸಿಗರು ಇಲ್ಲಿಗೆ ಹೇಗೆ ತಲುಪಲು ಸಾಧ್ಯ? nಜೈರಾಮ್‌ ಜೀ ನಮಗೆ ಚಂಬಾದ ಹಾಡನ್ನು ನೆನಪಿಸಿದರು

ಪರಿಸ್ಥಿತಿಯ ಸ್ಥಿತಿಯನ್ನು ವಿವರಿಸಲು ಇದು ಸಾಕು. ಅಂದರೆ, ಇಲ್ಲಿಗೆ ಬರಲು ಸಾಕಷ್ಟು ಉತ್ಸುಕತೆ ಇತ್ತು, ಆದರೆ ಇಲ್ಲಿಗೆ ತಲುಪುವುದು ಅಷ್ಟು ಸುಲಭವಾಗಿರಲಿಲ್ಲ. ಜೈರಾಮ್‌ ಜೀ ಅವರು ಕೇರಳದ ಮಗಳು ದೇವಿಕಾಳನ್ನು ಉಲ್ಲೇಖಿಸಿದರು. ಅವರು ಕೇರಳ ನಾಡಿನಲ್ಲಿ ಹಿಮಾಚಲಿ ಜಾನಪದ ಗೀತೆಯನ್ನು ಹಾಡಿದ್ದಾರೆ. ‘ಏಕ್‌ ಭಾರತ್‌ ಶ್ರೇಷ್ಠ ಭಾರತ್‌’ ಕನಸು ನನಸಾಗುವುದು ಹೀಗೆ. ಹಿಮಾಚಲವನ್ನು ಎಂದೂ ನೋಡದ ಅಥವಾ ಹಿಂದಿ ಭಾಷೆಯೊಂದಿಗೆ ಎಂದಿಗೂ ಸಂಬಂಧ ಹೊಂದಿರದ ಹುಡುಗಿಯೊಬ್ಬಳು ಚಂಬಾದ ಹಾಡುಗಳನ್ನು ಪೂರ್ಣ ಭಕ್ತಿಯಿಂದ ಹಾಡಿದಾಗ, ಚಂಬಾದ ಶಕ್ತಿಯ ಪುರಾವೆಗಳು ನಮಗೆ ಸಿಗುತ್ತವೆ. ‘ಏಕ್‌ ಭಾರತ್‌ ಶ್ರೇಷ್ಠ ಭಾರತ್‌’ ಎಂಬ ಸಂದೇಶವು ದೇಶಾದ್ಯಂತ ಹರಡುವಂತೆ ಮಗಳು ದೇವಿಕಾಳನ್ನು ತುಂಬಾ ಹೊಗಳಿದ್ದಕ್ಕಾಗಿ ನಾನು ಚಂಬಾ ಅವರಿಗೆ ಆಭಾರಿಯಾಗಿದ್ದೇನೆ. ‘ಏಕ್‌ ಭಾರತ್‌-ಶ್ರೇಷ್ಠ ಭಾರತ್‌’ ಬಗ್ಗೆ ಚಂಬಾದ ಜನರ ಈ ಭಾವನೆಯನ್ನು ನೋಡಿ ನಾನು ದಿಗ್ಭ್ರಮೆಗೊಂಡೆ.

ಸ್ನೇಹಿತರೇ,

ಇಂದು ಹಿಮಾಚಲವು ಡಬಲ್‌ ಎಂಜಿನ್‌ ಸರ್ಕಾರದ ಶಕ್ತಿಯನ್ನು ಹೊಂದಿದೆ. ಈ ಡಬಲ್‌ ಎಂಜಿನ್‌ ನ ಶಕ್ತಿಯು ಹಿಮಚಲದ ಬೆಳವಣಿಗೆಯನ್ನು ದುಪ್ಪಟ್ಟು ವೇಗದಿಂದ ಮುಂದಕ್ಕೆ ತಳ್ಳಿದೆ. ಹಿಂದಿನ ಸರ್ಕಾರಗಳು ಕೆಲಸ ಮಾಡಲು ಸುಲಭವಾದ ಸ್ಥಳಗಳಲ್ಲಿಅಥವಾ ಕೆಲಸದ ಹೊರೆ ಕಡಿಮೆ ಇರುವ ಮತ್ತು ರಾಜಕೀಯ ಲಾಭಗಳು ಹೆಚ್ಚು ಇರುವ ಸ್ಥಳಗಳಲ್ಲಿ ಸೌಲಭ್ಯಗಳನ್ನು ಒದಗಿಸುತ್ತಿದ್ದವು. ಆದ್ದರಿಂದ, ಸೌಲಭ್ಯಗಳು ದುರ್ಗಮ ಪ್ರದೇಶಗಳು ಮತ್ತು ಬುಡಕಟ್ಟು ಪ್ರದೇಶಗಳನ್ನು ಅಂತಿಮವಾಗಿ ಮಾತ್ರ ತಲುಪಲು ಬಳಸಲಾಗುತ್ತಿತ್ತು. ಆದರೆ ಈ ಪ್ರದೇಶಗಳಲ್ಲಿಈ ಸೌಲಭ್ಯಗಳು ಹೆಚ್ಚು ಅಗತ್ಯವಾಗಿದ್ದವು. ಇದರ ಪರಿಣಾಮವಾಗಿ, ರಸ್ತೆಗಳು, ವಿದ್ಯುತ್‌ ಮತ್ತು ನೀರಿನಂತಹ ಸೌಲಭ್ಯಗಳು ಗುಡ್ಡಗಾಡು ಪ್ರದೇಶಗಳು ಮತ್ತು ಬುಡಕಟ್ಟು ಪ್ರದೇಶಗಳನ್ನು ಅಂತಿಮವಾಗಿ ತಲುಪುತ್ತಿದ್ದವು. ಆದರೆ ಡಬಲ್‌ ಇಂಜಿನ್‌ ಸರ್ಕಾರದ ಕೆಲಸದ ಸಂಸ್ಕೃತಿ ವಿಭಿನ್ನವಾಗಿದೆ. ಜನರ ಜೀವನವನ್ನು ಸುಲಭಗೊಳಿಸುವುದು ನಮ್ಮ ಆದ್ಯತೆಗಳಾಗಿವೆ. ಅದಕ್ಕಾಗಿಯೇ ನಾವು ಬುಡಕಟ್ಟು ಪ್ರದೇಶಗಳು ಮತ್ತು ಗುಡ್ಡಗಾಡು ಪ್ರದೇಶಗಳಿಗೆ ಗರಿಷ್ಠ ಒತ್ತು ನೀಡುತ್ತಿದ್ದೇವೆ.

ಸ್ನೇಹಿತರೇ,

ಈ ಮೊದಲು ಪರ್ವತಗಳಲ್ಲಿ, ಅನಿಲ ಸಂಪರ್ಕಗಳು ಕೆಲವೇ ಜನರಿಗೆ ಮಾತ್ರ ಸಿಗುತ್ತಿದ್ದವು. ಧುಮಾಲ್‌ ಅವರು ಮುಖ್ಯಮಂತ್ರಿಯಾಗಿದ್ದಾಗ, ಇಲ್ಲಿನ ಜನರ ಮನೆಗಳಲ್ಲಿ ವಿದ್ಯುತ್‌ ಒಲೆಗಳನ್ನು ಹೇಗೆ ತರುವುದು ಎಂದು ಅವರು ರಾತ್ರಿಯಿಡೀ ಯೋಚಿಸುತ್ತಿದ್ದರು ಎಂದು ನನಗೆ ಇನ್ನೂ ನೆನಪಿದೆ. ಅವರು ವಿವಿಧ ಯೋಜನೆಗಳನ್ನು ರೂಪಿಸುತ್ತಿದ್ದರು. ನಾವು ಈಗ ಆ ಸಮಸ್ಯೆಗಳನ್ನು ಪರಿಹರಿಸಿದ್ದೇವೆ. ಮತ್ತು, ಡಬಲ್‌ ಇಂಜಿನ್‌ ಸರ್ಕಾರವು ಅದನ್ನು ಪ್ರತಿ ಮನೆಗೂ ಪ್ರವೇಶಿಸುವಂತೆ ಮಾಡಿದೆ.

ಒಂದು ಕಾಲದಲ್ಲಿನೀರು ಸರಬರಾಜಿಗೆ ಪ್ರವೇಶ ಪಡೆದವರು ಅತ್ಯಂತ ಶ್ರೀಮಂತರು ಅಥವಾ ರಾಜಕೀಯ ಸಂಪರ್ಕವನ್ನು ಹೊಂದಿದ್ದರು ಎಂದು ನಂಬಲಾಗಿತ್ತು. ಆದರೆ ಇಂದು, ಚಂಬಾ, ಲಾಹೌಲ್‌ ಸ್ಪಿತಿ ಮತ್ತು ಕಿನ್ನೌರ್‌ ಹರ್‌ ಘರ್‌ ಜಲ್‌ ಅಭಿಯಾನದ ಅಡಿಯಲ್ಲಿಶೇ. 100 ರಷ್ಟು  ನೀರಿನ ವ್ಯಾಪ್ತಿಯನ್ನು ಹೊಂದಿರುವ ಹಿಮಾಚಲದಲ್ಲಿ ಮೊದಲನೆಯದು.

ಈ ಜಿಲ್ಲೆಗಳಿಗೆ, ಹಿಂದಿನ ಸರ್ಕಾರಗಳು ಇವು ದುರ್ಗಮ ಜಿಲ್ಲೆಗಳು ಎಂದು ನೆಪ ಹೇಳುತ್ತಿದ್ದವು. ಆದ್ದರಿಂದ ಅಭಿವೃದ್ಧಿ ಸಾಧ್ಯವಾಗಲಿಲ್ಲ. ನೀರು ಸರಬರಾಜಿನ ಅನುಕೂಲವು ಮಹಿಳೆಯರಿಗೆ ಮಾತ್ರವಲ್ಲದೆ, ಕುಡಿಯುವ ನೀರಿನೊಂದಿಗೆ ಜೀವವನ್ನು ಉಳಿಸುತ್ತಿರುವ ನವಜಾತ ಶಿಶುಗಳನ್ನು ಸಹ ತಲುಪುತ್ತಿದೆ. ಅಂತೆಯೇ, ಗರ್ಭಿಣಿಯರು ಅಥವಾ ಮಕ್ಕಳು ಲಸಿಕೆಗಳನ್ನು ಪಡೆಯಲು ಸಾಕಷ್ಟು ತೊಂದರೆಗಳನ್ನು ಎದುರಿಸಬೇಕಾಯಿತು. ಇಂದು ಎಲ್ಲಾ ರೀತಿಯ ಲಸಿಕೆಗಳು ಹಳ್ಳಿಯ ಆರೋಗ್ಯ ಕೇಂದ್ರಗಳಲ್ಲಿಯೇ ಲಭ್ಯವಿವೆ. ಆಶಾ ಮತ್ತು ಅಂಗನವಾಡಿ ಸಹೋದರಿಯರು ಮನೆಮನೆಗೆ ತೆರಳಿ ಸೌಲಭ್ಯಗಳನ್ನು ಒದಗಿಸುತ್ತಿದ್ದಾರೆ. ಮಾತೃವಂದನಾ ಯೋಜನೆಯಡಿ ಗರ್ಭಿಣಿಯರಿಗೆ ಸಾವಿರಾರು ರೂಪಾಯಿಗಳ ನೆರವನ್ನು ಸಹ ನೀಡಲಾಗುತ್ತಿದೆ.

ಇಂದು, ಆಯುಷ್ಮಾನ್‌ ಭಾರತ್‌ ಯೋಜನೆಯಡಿ 5 ಲಕ್ಷ  ರೂ.ಗಳವರೆಗೆ ಉಚಿತ ಚಿಕಿತ್ಸೆ ನೀಡಲಾಗುತ್ತಿದೆ. ಈ ಯೋಜನೆಯ ಅತಿದೊಡ್ಡ ಫಲಾನುಭವಿಗಳು ಎಂದಿಗೂ ಆಸ್ಪತ್ರೆಗಳಿಗೆ ಹೋಗಲು ಸಾಧ್ಯವಾಗದ ಜನರು, ವಿಶೇಷವಾಗಿ ನಮ್ಮ ತಾಯಂದಿರು ಮತ್ತು ಸಹೋದರಿಯರು. ಅವರ ಕಾಯಿಲೆ ಎಷ್ಟೇ ಗಂಭೀರವಾಗಿದ್ದರೂ, ಎಷ್ಟೇ ನೋವನ್ನು ಸಹಿಸಬೇಕಾಗಿ ಬಂದರೂ ಅದನ್ನು ಮನೆಯವರಿಗೆ ತಿಳಿಸುತ್ತಿರಲಿಲ್ಲ. ಆದರೂ ಮನೆಯಲ್ಲಿಎಲ್ಲರಿಗೂ ಸೇವೆ ಮಾಡುತ್ತಲೇ ಇರುತ್ತಾರೆ. ಅನಾರೋಗ್ಯದ ವಿಷಯ ಮನೆಯವರಿಗೆ ತಿಳಿದರೆ ಆಸ್ಪತ್ರೆಗೆ ಕರೆದುಕೊಂಡು ಹೋಗುತ್ತಾರೆ ಎಂದು ಅವರು (ಆಕೆ) ಭಾವಿಸುತ್ತಿದ್ದರು. ಆಸ್ಪತ್ರೆಗಳು ದುಬಾರಿ ಮತ್ತು ವೆಚ್ಚಗಳು ಹೆಚ್ಚಿರುವ ಕಾರಣ ಆ ನಂತರ ಮಕ್ಕಳು ಸಾಲದ ಸುಳಿಯಲ್ಲಿ ಸಿಲುಕಬಹುದು ಎಂದು ಅವರು ನೋವನ್ನು ನುಂಗುತ್ತಿದ್ದರು. ಹಾಗೆಯೇ ಮಕ್ಕಳನ್ನು ಸಾಲದಲ್ಲಿ ಬೀಳಲು ಬಿಡುತ್ತಿರಲಿಲ್ಲ. ಪ್ರೀತಿಯ ತಾಯಂದಿರೇ ಮತ್ತು ಸಹೋದರಿಯರೇ, ನಿಮ್ಮ ಈ ಮಗನಿಗೆ ನಿಮ್ಮ ನೋವು ಅರ್ಥವಾಗದಿದ್ದರೆ, ಮತ್ಯಾರಿಗಾಗುವುದು? ಹೀಗಾಗಿ ಆಯುಷ್ಮಾನ್‌ ಭಾರತ್‌ ಯೋಜನೆಯಡಿ ಬಡ ಕುಟುಂಬಗಳಿಗೆ 5 ಲಕ್ಷ  ರೂ.ವರೆಗೆ ಉಚಿತ ಚಿಕಿತ್ಸೆ ನೀಡಲಾಗುತ್ತಿದೆ.

ಸ್ನೇಹಿತರೇ,

ರಸ್ತೆಗಳ ಕೊರತೆಯಿಂದಾಗಿ, ಈ ಪ್ರದೇಶದಲ್ಲಿಶಿಕ್ಷ ಣವನ್ನು ಪಡೆಯುವುದು ಸಹ ಕಷ್ಟಕರವಾಗಿತ್ತು. ಅನೇಕ ಹೆಣ್ಣುಮಕ್ಕಳು ಬಹಳ ದೂರ ನಡೆಯಬೇಕಾಗಿರುವುದರಿಂದ ಶಾಲೆಯಿಂದ ಹೊರಗುಳಿಯಬೇಕಾಯಿತು. ಅದಕ್ಕಾಗಿಯೇ ಇಂದು ನಾವು ಹಳ್ಳಿಗಳ ಬಳಿ ಉತ್ತಮ ಔಷಧಾಲಯಗಳು ಮತ್ತು ಸ್ವಾಸ್ಥ್ಯ ಕೇಂದ್ರಗಳನ್ನು ಸ್ಥಾಪಿಸುತ್ತಿದ್ದೇವೆ, ಮತ್ತೊಂದೆಡೆ ನಾವು ಜಿಲ್ಲೆಯಲ್ಲಿ ವೈದ್ಯಕೀಯ ಕಾಲೇಜುಗಳನ್ನು ಸಹ ತೆರೆಯುತ್ತಿದ್ದೇವೆ, 

ಸ್ನೇಹಿತರೇ.

ನಾವು ಲಸಿಕೆ ಅಭಿಯಾನವನ್ನು ನಡೆಸುತ್ತಿದ್ದಾಗ, ಹಿಮಾಚಲದ ಪ್ರವಾಸೋದ್ಯಮ ಕ್ಷೇತ್ರಕ್ಕೆ ಯಾವುದೇ ಅಡೆತಡೆ ಇರಬಾರದು ಎಂದು ನನ್ನ ಹೃದಯದಲ್ಲಿ ಸ್ಪಷ್ಟವಾಗಿತ್ತು. ಆದ್ದರಿಂದ ಮೊದಲು ಹಿಮಾಚಲದ ಲಸಿಕಾಕರಣದ ಕೆಲಸವನ್ನು ತ್ವರಿತಗೊಳಿಸಲಾಯಿತು. ಮತ್ತು ಹಿಮಾಚಲವು ಲಸಿಕೆ ಪ್ರಕ್ರಿಯೆಯನ್ನು ಪೂರ್ಣಗೊಳಿಸಿದ ಮೊದಲಿಗರು. ಇತರ ರಾಜ್ಯಗಳು ಇದನ್ನು ಅನುಸರಿಸಿದವು. ಮತ್ತು ನಿಮ್ಮ ಜೀವಗಳನ್ನು ಉಳಿಸಲು ಹಗಲಿರುಳು ಶ್ರಮಿಸಿದ ಜೈರಾಮ್‌ ಜೀ ಮತ್ತು ಅವರ ಸರ್ಕಾರವನ್ನು ನಾನು ಅಭಿನಂದಿಸುತ್ತೇನೆ.

ಸಹೋದರರೇ.

ಇಂದು, ಡಬಲ್‌ ಇಂಜಿನ್‌ ಸರ್ಕಾರದ ಪ್ರಯತ್ನವು ಪಾದಚಾರಿ ರಸ್ತೆಗಳು ಪ್ರತಿ ಹಳ್ಳಿಯನ್ನು ವೇಗವಾಗಿ ತಲುಪುವುದನ್ನು ಖಚಿತಪಡಿಸಿಕೊಳ್ಳುವುದು. 2014 ಕ್ಕಿಂತ 8 ವರ್ಷಗಳ ಮೊದಲು, ಹಿಮಾಚಲದಲ್ಲಿಕೇವಲ 7000 ಕಿ.ಮೀ ಗ್ರಾಮೀಣ ರಸ್ತೆಗಳನ್ನು ಮಾತ್ರ ನಿರ್ಮಿಸಲಾಗಿದೆ ಎಂದು ಊಹಿಸಿಕೊಳ್ಳಿ. ಈಗ ಈ ಅಂಕಿಅಂಶಗಳನ್ನು ನೆನಪಿಡಿ. ಎಷ್ಟು ಕಿಲೋಮೀಟರ್‌? ಅದು 7000 ಕಿ.ಮೀ ಆಗಿತ್ತು! ಮತ್ತು ಆ ಸಮಯದಲ್ಲಿಎಷ್ಟು ಖರ್ಚು ಮಾಡಲಾಯಿತು? 1800 ಕೋಟಿ ರೂ.ಗಳನ್ನು ಖರ್ಚು ಮಾಡಲಾಗಿದೆ. ಆದರೆ ನಾವು ಎಂಟು ವರ್ಷಗಳಲ್ಲಿ12,000 ಕಿ.ಮೀ ಉದ್ದದ ಹಳ್ಳಿ ರಸ್ತೆಗಳನ್ನು 5000 ಕೋಟಿ ರೂ.ಗಳ ವೆಚ್ಚದಲ್ಲಿನಿರ್ಮಿಸಿದ್ದೇವೆ. ನಿಮ್ಮ ಜೀವನವನ್ನು ಬದಲಾಯಿಸಲು ನಾನು ನನ್ನ ಕೈಲಾದಷ್ಟು ಪ್ರಯತ್ನಿಸಿದ್ದೇನೆ. ಅಂದರೆ, ಈ ಮೊದಲು ಹೋಲಿಸಿದರೆ ಸುಮಾರು ದುಪ್ಪಟ್ಟು ರಸ್ತೆಗಳನ್ನು ನಿರ್ಮಿಸಲಾಗಿದ್ದು, ದುಪ್ಪಟ್ಟು ಹೂಡಿಕೆ ಮಾಡಲಾಗಿದೆ.

ಹಿಮಾಚಲದ ನೂರಾರು ಗ್ರಾಮಗಳು ಮೊದಲ ಬಾರಿಗೆ ರಸ್ತೆ ಸಂಪರ್ಕ ಹೊಂದಿವೆ. ಇಂದು ಪ್ರಾರಂಭವಾದ ಈ ಯೋಜನೆಯು ಹಳ್ಳಿಗಳಲ್ಲಿ3,000 ಕಿ.ಮೀ.ಗಳ ಹೊಸ ರಸ್ತೆಗಳನ್ನು ಸಹ ನಿರ್ಮಿಸಲಿದೆ. ಚಂಬಾ ಮತ್ತು ಇತರ ಬುಡಕಟ್ಟು ಪ್ರದೇಶಗಳ ಗ್ರಾಮಗಳು ಹೆಚ್ಚು ಪ್ರಯೋಜನ ಪಡೆಯುತ್ತವೆ. ಅಟಲ್‌ ಸುರಂಗದಿಂದ ಚಂಬಾದ ಅನೇಕ ಪ್ರದೇಶಗಳು ಸಹ ಸಾಕಷ್ಟು ಪ್ರಯೋಜನವನ್ನು ಪಡೆಯುತ್ತಿವೆ. ಈ ಕಾರಣದಿಂದಾಗಿ, ಈ ಪ್ರದೇಶಗಳು ವರ್ಷವಿಡೀ ದೇಶದ ಇತರ ಭಾಗಗಳೊಂದಿಗೆ ಸಂಪರ್ಕ ಹೊಂದಿವೆ. ಅಂತೆಯೇ, ಕೇಂದ್ರ ಸರ್ಕಾರದ ವಿಶೇಷ ‘ಪರ್ವತಮಾಲಾ’ ಯೋಜನೆಯನ್ನು ನೀವು ಬಜೆಟ್‌ನಲ್ಲಿ ಘೋಷಿಸಿರುವುದನ್ನು ನೀವು ನೋಡಿರಬಹುದು. ಇದರ ಅಡಿಯಲ್ಲಿ, ಕಾಂಗ್ರಾ, ಬಿಲಾಸ್‌ಪುರ, ಸಿರ್‌ಮೌರ್‌, ಕುಲ್ಲುಮತ್ತು ಚಂಬಾ ಜಿಲ್ಲೆಗಳಲ್ಲಿ ರೋಪ್‌ವೇಗಳ ಜಾಲವನ್ನು ಅಭಿವೃದ್ಧಿ ಪಡಿಸಲಾಗುತ್ತಿದೆ. ಇದು ಸ್ಥಳೀಯ ಜನರು ಮತ್ತು ಪ್ರವಾಸಿಗರಿಬ್ಬರಿಗೂ ಪ್ರಯೋಜನವನ್ನು ನೀಡುತ್ತದೆ.

ಸಹೋದರ ಮತ್ತು ಸಹೋದರಿಯರೇ,

ಕಳೆದ ಎಂಟು ವರ್ಷಗಳಲ್ಲಿನೀವು ನಿಮ್ಮ ಸೇವೆ ಮಾಡಲು ನನಗೆ ಅವಕಾಶ ನೀಡಿರುವುದರಿಂದ, ನಿಮ್ಮ ಸೇವಕರಲ್ಲಿಒಬ್ಬರಾಗಿ ಹಿಮಾಚಲ ಪ್ರದೇಶಕ್ಕೆ ಹಲವಾರು ಯೋಜನೆಗಳನ್ನು ನೀಡುವ ಸುಯೋಗವನ್ನು ನಾನು ಪಡೆದಿದ್ದೇನೆ ಮತ್ತು ನನ್ನ ಜೀವನದಲ್ಲಿಅಪಾರ ಸಂತೃಪ್ತಿಯ ಭಾವನೆ ಇದೆ. ಈ ಹಿಂದೆ ರಾಜಕೀಯ ನಾಯಕರು ವಿನಂತಿಯೊಂದಿಗೆ ದೆಹಲಿಗೆ ಭೇಟಿ ನೀಡುತ್ತಿದ್ದರು ಅಥವಾ ಯೋಜನೆಗಳು ಮತ್ತು ಅನುಮತಿಗಳಿಗಾಗಿ ಅವರನ್ನು ಬೇಡಿಕೊಳ್ಳುತ್ತಿದ್ದರು. ಇಂದು, ಹಿಮಾಚಲದ ಮುಖ್ಯಮಂತ್ರಿ ನನ್ನ ಬಳಿಗೆ ಬಂದರೆ, ಅವರು ಚಂಬಾದಿಂದ ಕರವಸ್ತ್ರವನ್ನು ಅಥವಾ ಚಂಬಾ ಅವರ ವಿಶೇಷ ತಾಲ್‌ನ ಉಡುಗೊರೆಯನ್ನು ತಮ್ಮೊಂದಿಗೆ ತರುತ್ತಾರೆ. ಮತ್ತು ಅದೇ ಸಮಯದಲ್ಲಿಅವರು ಕೆಲವು ಯೋಜನೆಗಳನ್ನು ಪೂರ್ಣಗೊಳಿಸುವ ಬಗ್ಗೆ ಅಥವಾ ಹೊಸ ಯೋಜನೆಯ ಕೆಲಸವನ್ನು ಪ್ರಾರಂಭಿಸುವ ಬಗ್ಗೆ ಮಾಹಿತಿ ಅಥವಾ ಸುವಾರ್ತೆಯನ್ನು ನಮಗೆ ನೀಡುತ್ತಾರೆ.

ಈಗ ಹಿಮಾಚಲದ ಜನರು ತಮ್ಮ ಹಕ್ಕುಗಳಿಗಾಗಿ ಅಂಗಲಾಚುವುದಿಲ್ಲ. ಈಗ ಅವರು ತಮ್ಮ ಹಕ್ಕುಗಳನ್ನು ಪಡೆಯಲು ಮತ್ತು ನಮಗೆ ಆದೇಶಗಳನ್ನು ನೀಡಲು ದೆಹಲಿಗೆ ಬರುತ್ತಾರೆ. ಈ ಆದೇಶಗಳು ಸಾರ್ವಜನಿಕರಿಂದ ಬಂದಿವೆ ಮತ್ತು ನೀವು ನನ್ನ ಹೈಕಮಾಂಡ್‌. ಸಹೋದರ ಸಹೋದರಿಯರೇ, ನಿಮ್ಮ ಆಜ್ಞೆಗಳು ನನ್ನ ಸೌಭಾಗ್ಯವೆಂದು ನಾನು ಭಾವಿಸುತ್ತೇನೆ! ಆದ್ದರಿಂದ, ನಿಮ್ಮೆಲ್ಲರ ಸೇವೆ ಮಾಡುವ ಸಂತೋಷವು ಒಟ್ಟಾರೆಯಾಗಿ ವಿಭಿನ್ನ ಭಾವನೆಯಾಗಿದೆ.

ಸ್ನೇಹಿತರೇ,

ಹಿಂದಿನ ಸರ್ಕಾರಗಳ ಆಡಳಿತಾವಧಿಯಲ್ಲಿ, ಹಿಮಾಚಲ ಪ್ರದೇಶವು ಈ ದಿನಗಳಲ್ಲಿಒಂದೇ ಬಾರಿಗೆ ಪಡೆಯುವ ಅಭಿವೃದ್ಧಿ ಯೋಜನೆಗಳ ಉಡುಗೊರೆಯನ್ನು ಯಾರೂ ಊಹಿಸಿರಲಿಲ್ಲ. ಕಳೆದ 8 ವರ್ಷಗಳಲ್ಲಿ ದೇಶಾದ್ಯಂತ ಗುಡ್ಡಗಾಡು ಪ್ರದೇಶಗಳು, ದುರ್ಗಮ ಪ್ರದೇಶಗಳು ಮತ್ತು ಬುಡಕಟ್ಟು ಪ್ರದೇಶಗಳಲ್ಲಿ ಕ್ಷಿಪ್ರಗತಿಯ ಅಭಿವೃದ್ಧಿಯ ದೊಡ್ಡ ಯಜ್ಞ ಅಥವಾ ಯಾಗ ನಡೆಯುತ್ತಿದೆ. ಹಿಮಾಚಲದ ಚಂಬಾ, ಪಂಗಿ, ಭರ್‌ಮೌರ್‌, ಛೋಟಾ-ಬಾರಾ ಭಂಗಲ್‌, ಗಿರಿಪಾರ್‌, ಕಿನ್ನೌರ್‌ ಮತ್ತು ಲಾಹೌಲ್‌-ಸ್ಪಿತಿ ಇದರ ಲಾಭವನ್ನು ಪಡೆಯುತ್ತಿವೆ.

ಕಳೆದ ವರ್ಷ, ಚಂಬಾ ದೇಶದ 100 ಕ್ಕೂ ಹೆಚ್ಚು ಮಹತ್ವಾಕಾಂಕ್ಷೆಯ ಜಿಲ್ಲೆಗಳಲ್ಲಿ ಅಭಿವೃದ್ಧಿಯಲ್ಲಿ ಸುಧಾರಣೆಗೆ ಸಂಬಂಧಿಸಿದಂತೆ ಎರಡನೇ ಸ್ಥಾನದಲ್ಲಿದೆ. ಚಂಬಾಗೆ ನನ್ನ ವಿಶೇಷ ಅಭಿನಂದನೆಗಳು! ಇಲ್ಲಿಪ್ರಶಂಸನೀಯ ಕೆಲಸ ಮಾಡಿದ ಇಲ್ಲಿನ ಸರ್ಕಾರಿ ನೌಕರರನ್ನು ಸಹ ನಾನು ಅಭಿನಂದಿಸುತ್ತೇನೆ! ಕೆಲವು ಸಮಯದ ಹಿಂದೆ ನಮ್ಮ ಸರ್ಕಾರವು ಮತ್ತೊಂದು ಪ್ರಮುಖ ನಿರ್ಧಾರವನ್ನು ತೆಗೆದುಕೊಂಡಿದೆ. ಸಿರ್‌ಮೌರ್‌ನ ಗಿರಿಪಾರ್‌ ಪ್ರದೇಶದ ಹಟ್ಟಿ ಸಮುದಾಯಕ್ಕೆ ಬುಡಕಟ್ಟು ಸ್ಥಾನಮಾನ ನೀಡುವ ನಿರ್ಧಾರವು ಬುಡಕಟ್ಟು ಜನರ ಕಲ್ಯಾಣ ಮತ್ತು ಅಭಿವೃದ್ಧಿಯ ದೃಷ್ಟಿಯಿಂದ ನಮ್ಮ ಸರ್ಕಾರದ ಆದ್ಯತೆಯನ್ನು ತೋರಿಸುತ್ತದೆ.

ಸ್ನೇಹಿತರೇ,

ದೀರ್ಘಕಾಲದವರೆಗೆ, ದೆಹಲಿ ಮತ್ತು ಹಿಮಾಚಲದ ಸರ್ಕಾರಗಳು ಚುನಾವಣೆಯ ಸಮಯದಲ್ಲಿಮಾತ್ರ ದೇಶದ ಈ ದುರ್ಗಮ ಪ್ರದೇಶಗಳ ಬಗ್ಗೆ ಯೋಚಿಸುತ್ತಿದ್ದವು. ಆದರೆ ಡಬಲ್‌ ಎಂಜಿನ್‌ ಸರ್ಕಾರವು ಹಗಲಿರುಳು 24x7 ನಿಮ್ಮ ಸೇವೆಯಲ್ಲಿದೆ. ಕೊರೋನಾ ಸಾಂಕ್ರಾಮಿಕ ರೋಗದ ಕಠಿಣ ಅವಧಿಯಲ್ಲಿ, ನೀವು ಯಾವುದೇ ತೊಂದರೆಯನ್ನು ಎದುರಿಸುವುದಿಲ್ಲ ಎಂದು ಖಚಿತಪಡಿಸಿಕೊಳ್ಳಲು ನಾವು ನಮ್ಮ ಕೈಲಾದಷ್ಟು ಪ್ರಯತ್ನಿಸಿದ್ದೇವೆ.

ಇಂದು ಗ್ರಾಮೀಣ ಕುಟುಂಬಗಳು ಮತ್ತು ಬಡ ಕುಟುಂಬಗಳಿಗೆ ಉಚಿತ ಪಡಿತರವನ್ನು ನೀಡಲಾಗುತ್ತಿದೆ. ಯಾವುದೇ ಮನೆಯಲ್ಲಿಅಡುಗೆ ಮಾಡುವುದನ್ನು ನಿಲ್ಲಿಸಲು ಬಿಡದ ಭಾರತ ಸರ್ಕಾರದ ಉಪಕ್ರಮದಿಂದ ಜಗತ್ತು ಆಶ್ಚರ್ಯಚಕಿತವಾಗಿದೆ. ಆದ್ದರಿಂದ ಆಹಾರ ಧಾನ್ಯಗಳನ್ನು ಪ್ರತಿ ಬಡ ಕುಟುಂಬಕ್ಕೆ ಉಚಿತವಾಗಿ ತಲುಪಿಸಲಾಗುತ್ತದೆ. ಇದು ಯಾವುದೇ ಬಡ ಕುಟುಂಬವನ್ನು ಹಸಿವಿನಿಂದ ಬಳಲಲು ಬಿಡಲಿಲ್ಲ.

ಸಹೋದರ ಸಹೋದರಿಯರೇ,

ಎಲ್ಲರಿಗೂ ಸಮಯಕ್ಕೆ ಸರಿಯಾಗಿ ಲಸಿಕೆ ನೀಡಲಾಗಿದೆ ಎಂದು ಖಚಿತಪಡಿಸಿಕೊಳ್ಳಲು, ಲಸಿಕೆ ಅಭಿಯಾನವನ್ನು ತ್ವರಿತಗೊಳಿಸಲಾಯಿತು. ಹಿಮಾಚಲ ಪ್ರದೇಶಕ್ಕೂ ಆದ್ಯತೆ ನೀಡಲಾಯಿತು. ಇದಕ್ಕಾಗಿ, ನಾನು ಅಂಗನವಾಡಿ ಸಹೋದರಿಯರು, ಆಶಾ ಕಾರ್ಯಕರ್ತರು ಮತ್ತು ಆರೋಗ್ಯ ಇಲಾಖೆ ಕಾರ್ಯಕರ್ತರನ್ನು ಅಭಿನಂದಿಸಲು ಬಯಸುತ್ತೇನೆ. ಜೈರಾಮ್‌ ಜೀ ಅವರ ನಾಯಕತ್ವದಲ್ಲಿ, ನೀವು ಕೋವಿಡ್‌ ಲಸಿಕೆ ವಿಷಯದಲ್ಲಿ ಹಿಮಾಚಲವನ್ನು ದೇಶದಲ್ಲಿನಾಯಕನನ್ನಾಗಿ ಮಾಡಿದ್ದೀರಿ.

ಸ್ನೇಹಿತರೇ,

ಸೇವಾ ಪ್ರಜ್ಞೆಯು ಅಂತರ್ಗತ ಸ್ವರೂಪ, ಸಂಕಲ್ಪ ಮತ್ತು ಆಧ್ಯಾತ್ಮಿಕ ಸಾಧನೆಯಾದಾಗ ಮಾತ್ರ ಅಂತಹ ಅಭಿವೃದ್ಧಿ ಕಾರ್ಯಗಳು ನಡೆಯುತ್ತವೆ. ಗುಡ್ಡಗಾಡು ಮತ್ತು ಬುಡಕಟ್ಟು ಪ್ರದೇಶಗಳಲ್ಲಿಉದ್ಯೋಗವು ಮತ್ತೊಂದು ಪ್ರಮುಖ ಸವಾಲಾಗಿದೆ. ಅದಕ್ಕಾಗಿಯೇ ನಾವು ಈ ಸ್ಥಳದ ಶಕ್ತಿಯನ್ನು ಇಲ್ಲಿನ ಜನರ ಶಕ್ತಿಯನ್ನಾಗಿ ಮಾಡಲು ಪ್ರಯತ್ನಿಸುತ್ತಿದ್ದೇವೆ. ಬುಡಕಟ್ಟು ಪ್ರದೇಶಗಳಲ್ಲಿನ ನೀರು ಮತ್ತು ಅರಣ್ಯದ ಸಂಪತ್ತು ಅಮೂಲ್ಯವಾಗಿದೆ. ಚಂಬಾ ದೇಶದ ಜಲವಿದ್ಯುಚ್ಛಕ್ತಿಯನ್ನು ಮೊದಲು ಉತ್ಪಾದಿಸಿದ ಪ್ರದೇಶಗಳಲ್ಲಿಒಂದಾಗಿದೆ.

ಇಂದು ಶಂಕುಸ್ಥಾಪನೆ ನೆರವೇರಿಸಿದ ಯೋಜನೆಗಳು ವಿದ್ಯುತ್‌ ಉತ್ಪಾದನೆಯ ವಿಷಯದಲ್ಲಿ ಚಂಬಾ ಮತ್ತು ಹಿಮಾಚಲದ ಪಾಲನ್ನು ಹೆಚ್ಚಿಸಲಿವೆ. ಚಂಬಾ ಮತ್ತು ಇಡೀ ಹಿಮಾಚಲವು ಇಲ್ಲಿಉತ್ಪತ್ತಿಯಾಗುವ ವಿದ್ಯುತ್‌ ನಿಂದ ನೂರಾರು ಕೋಟಿ ರೂಪಾಯಿಗಳನ್ನು ಗಳಿಸುತ್ತದೆ. ಈ ಸ್ಥಳದ ಯುವಕರಿಗೆ ಉದ್ಯೋಗಾವಕಾಶಗಳು ದೊರೆಯಲಿವೆ. ಕಳೆದ ವರ್ಷವೂ ನನಗೆ 4 ಪ್ರಮುಖ ಜಲವಿದ್ಯುತ್‌ ಯೋಜನೆಗಳ ಉದ್ಘಾಟನೆ ಮತ್ತು ಶಂಕುಸ್ಥಾಪನೆ ಮಾಡುವ ಅವಕಾಶ ಸಿಕ್ಕಿತ್ತು. ಕೆಲವು ದಿನಗಳ ಹಿಂದೆ ಬಿಲಾಸ್ಪುರದಲ್ಲಿ ಉದ್ಘಾಟನೆಗೊಂಡ ಹೈಡ್ರೋ ಎಂಜಿನಿಯರಿಂಗ್‌ ಕಾಲೇಜು ಹಿಮಾಚಲ ಪ್ರದೇಶದ ಯುವಕರಿಗೂ ಪ್ರಯೋಜನಕಾರಿಯಾಗಲಿದೆ.

ಸ್ನೇಹಿತರೇ,

ಈ ಸ್ಥಳವು ತೋಟಗಾರಿಕೆ, ಕಲೆ ಮತ್ತು ಕರಕುಶಲತೆಗೆ ಹೆಸರುವಾಸಿಯಾಗಿದೆ. ಚಂಬಾದ ಹೂವುಗಳು, ಚಂಬಾದ ಚುಖ್‌, ರಾಜ್ಮಾ ಮದ್ರಾ, ಚಂಬಾದ ಚಪ್ಪಲಿಗಳು, ಚಂಬಾದ ಥಾಲ್‌ ಮತ್ತು ಪಾಂಗಿಯ ತಂಗಿ ಮುಂತಾದ ನಮ್ಮ ಪರಂಪರೆಯ ವಿವಿಧ ಉತ್ಪನ್ನಗಳನ್ನು ನಾವು ಹೊಂದಿದ್ದೇವೆ. ನಾನು ಸ್ವಸಹಾಯ ಗುಂಪುಗಳ ಸಹೋದರಿಯರನ್ನು ಸಹ ಶ್ಲಾಘಿಸುತ್ತೇನೆ. ಏಕೆಂದರೆ ಅವರು ಈ ಉತ್ಪನ್ನಗಳನ್ನು ಉತ್ತೇಜಿಸಲು ಸರ್ಕಾರದ ಪ್ರಯತ್ನಗಳಿಗೆ ಉತ್ತೇಜನ ನೀಡುತ್ತಿದ್ದಾರೆ, ಅಂದರೆ ವೋಕಲ್‌ ಫಾರ್‌ ಲೋಕಲ್‌. ಅಂತಹ ಉತ್ಪನ್ನಗಳನ್ನು ಒಂದು ಜಿಲ್ಲೆ ಒಂದು ಉತ್ಪನ್ನ ಯೋಜನೆಯಡಿ ಉತ್ತೇಜಿಸಲಾಗುತ್ತಿದೆ. ಈ ವಿಷಯಗಳನ್ನು ವಿದೇಶಿ ಅತಿಥಿಗಳಿಗೆ ಪ್ರಸ್ತುತಪಡಿಸುವುದು ನನ್ನ ಪ್ರಯತ್ನವಾಗಿದೆ, ಇದರಿಂದ ಹಿಮಾಚಲದ ಹೆಸರು ಮತ್ತು ವೈಭವವು ಇಡೀ ಪ್ರಪಂಚದಾದ್ಯಂತ ಹರಡುತ್ತದೆ ಮತ್ತು ಹಿಮಾಚಲದ ಉತ್ಪನ್ನಗಳ ಬಗ್ಗೆ ಹೆಚ್ಚು ಹೆಚ್ಚು ಜನರು ತಿಳಿದುಕೊಳ್ಳುತ್ತಾರೆ. ಹಿಮಾಚಲದ ಹಳ್ಳಿಗಳು ತಯಾರಿಸಿದ ವಸ್ತುಗಳನ್ನು ಯಾರಿಗಾದರೂ ನೀಡಲು ನಾನು ನೆನಪಿನ ಕಾಣಿಕೆಯಾಗಿ ತೆಗೆದುಕೊಳ್ಳುತ್ತೇನೆ.

ಸಹೋದರ ಮತ್ತು ಸಹೋದರಿಯರೇ,

ಡಬಲ್‌ ಇಂಜಿನ್‌ ಸರ್ಕಾರವು ತನ್ನ ಸಂಸ್ಕೃತಿ, ಪರಂಪರೆ ಮತ್ತು ನಂಬಿಕೆಯನ್ನು ಗೌರವಿಸುವ ಸರ್ಕಾರವಾಗಿದೆ. ಚಂಬಾ ಸೇರಿದಂತೆ ಇಡೀ ಹಿಮಾಚಲ ಪ್ರದೇಶವು ಆಧ್ಯಾತ್ಮಿಕತೆ ಮತ್ತು ಪರಂಪರೆಯ ನಾಡು. ಇದನ್ನು ದೇವಭೂಮಿ ಎಂದು ಕರೆಯಲಾಗುತ್ತದೆ. ಒಂದು ಕಡೆ ಪವಿತ್ರ ಮಣಿಮಹೇಶ್‌ ಧಾಮ್‌ ಇದ್ದರೆ, ಮತ್ತೊಂದೆಡೆ ಭರ್‌ಮೌರ್‌ನಲ್ಲಿಚೌರಾಸಿ ದೇವಾಲಯವಿದೆ. ಶಿಮ್ಲಾ, ಕಿನ್ನೌರ್‌, ಕುಲ್ಲುಮೂಲಕ ಹಾದುಹೋಗುವ ಮಣಿಮಹೇಶ್‌ ಯಾತ್ರೆಯಾಗಿರಲಿ ಅಥವಾ ಶ್ರೀಖಂಡ ಮಹಾದೇವ್‌ ಅವರ ಯಾತ್ರೆಯಾಗಲಿ; ಪ್ರಪಂಚದಾದ್ಯಂತದ ಭೋಲೆನಾಥದ ಭಕ್ತರಿಗೆ ಇವು ಬಹಳ ನಿರ್ಣಾಯಕವಾಗಿವೆ. ಸ್ವಲ್ಪ ಸಮಯದ ಹಿಂದೆ ಜೈರಾಮ್‌ ಜೀ ಅವರು ದಸರಾ ದಿನದಂದು ಕುಲ್ಲುವಿನಲ್ಲಿ ನಡೆದ ಅಂತಾರಾಷ್ಟ್ರೀಯ ದಸರಾ ಉತ್ಸವದಲ್ಲಿ ಭಾಗವಹಿಸುವ ಅವಕಾಶ ನನಗೆ ದೊರೆತಿದೆ ಎಂದು ಉಲ್ಲೇಖಿಸಿದ್ದರು. ಅಂತೆಯೇ, ಇಂದು ಮಿಂಜರ್‌ ಜಾತ್ರೆಯ ಭೂಮಿಗೆ ಬರುವ ಅವಕಾಶ ನನಗೆ ಸಿಕ್ಕಿತು.

ಒಂದು ಕಡೆ ನಾವು ಅಂತಹ ಶ್ರೀಮಂತ ಪರಂಪರೆಯನ್ನು ಹೊಂದಿದ್ದರೆ, ಮತ್ತೊಂದೆಡೆ ಡಾಲ್‌ಹೌಸಿ, ಖಜ್ಜಿಯಾರ್‌ನಂತಹ ಹಲವಾರು ಪ್ರವಾಸಿ ಸ್ಥಳಗಳಿವೆ. ಅವರು ಅಭಿವೃದ್ಧಿ ಹೊಂದಿದ ಹಿಮಾಚಲದ ಶಕ್ತಿಯಾಗಲಿದ್ದಾರೆ. ಡಬಲ್‌ ಎಂಜಿನ್‌ ನ ಸರ್ಕಾರ ಮಾತ್ರ ಈ ಶಕ್ತಿಯನ್ನು ಗುರುತಿಸುತ್ತದೆ. ಅದಕ್ಕಾಗಿಯೇ ಹಿಮಾಚಲವು ಈ ಬಾರಿ ಹಳೆಯ ಸಂಪ್ರದಾಯವನ್ನು ಬದಲಾಯಿಸಲು ಮನಸ್ಸು ಮಾಡಿದೆ ಮತ್ತು ಹೊಸ ಸಂಪ್ರದಾಯವನ್ನು ಸೃಷ್ಟಿಸುತ್ತದೆ.

ಸ್ನೇಹಿತರೇ,

ನಾನು ಈ ಮೈದಾನವನ್ನು ತಲುಪಿದಾಗ, ನಾನು ಎಲ್ಲವನ್ನೂ ನೋಡುತ್ತಿದ್ದೆ. ಹಿಮಾಚಲದ ಪ್ರತಿಯೊಂದು ಬಿಟ್‌, ಪ್ರತಿಯೊಂದು ಬೀದಿ ಮತ್ತು ಪ್ರದೇಶದ ಬಗ್ಗೆ ನನಗೆ ತಿಳಿದಿದೆ. ಈ ರೀತಿಯ ಬೃಹತ್‌ ಪ್ರಮಾಣದಲ್ಲಿ ರ್ಯಾಲಿಯನ್ನು ಆಯೋಜಿಸುವುದು ತುಂಬಾ ಕಷ್ಟ. ಆದ್ದರಿಂದ ಜನರನ್ನು ನೋಡಿದ ನಂತರ, ರ್ಯಾಲಿಯ ಜನಸಮೂಹವು ಇಡೀ ರಾಜ್ಯದಿಂದ ಬಂದಿದೆಯೇ ಎಂದು ನಾನು ಮುಖ್ಯಮಂತ್ರಿಯನ್ನು ಕೇಳಿದೆ. ಇಲ್ಲ, ಈ ಜನರು ಚಂಬಾ ಜಿಲ್ಲೆಯಿಂದ ಮಾತ್ರ ಬಂದಿದ್ದಾರೆ ಎಂದು ಅವರು ಹೇಳಿದರು.

ಸ್ನೇಹಿತರೇ,

ಇದು ರ್ಯಾಲಿಯಲ್ಲಿ; ಹಿಮಾಚಲಕ್ಕೆ ಉಜ್ವಲ ಭವಿಷ್ಯದ ಸಂಕಲ್ಪವನ್ನು ನಾನು ನೋಡಬಲ್ಲೆ. ನಾನು ಇಂದು ಇಲ್ಲಿ ರ್ಯಾಲಿಯನ್ನು ನೋಡುತ್ತಿಲ್ಲ. ಹಿಮಾಚಲಕ್ಕೆ ಉಜ್ವಲ ಭವಿಷ್ಯದ ಸಾಮರ್ಥ್ಯ‌ವನ್ನು ನಾನು ನೋಡುತ್ತಿದ್ದೇನೆ ಮತ್ತು ನಾನು ನಿಮ್ಮ ಸಾಮರ್ಥ್ಯ‌ಗಳ ದೊಡ್ಡ ಅಭಿಮಾನಿಯಾಗಿದ್ದೇನೆ. ನಾನು ನಿಮ್ಮ ನಿರ್ಣಯಗಳ ಹಿಂದೆ ಗೋಡೆಯಂತೆ ನಿಲ್ಲುತ್ತೇನೆ. ಸ್ನೇಹಿತರೇ, ನಾನು ನಿಮಗೆ ಆ ಆಶ್ವಾಸನೆಯನ್ನು ನೀಡಲು ಬಂದಿದ್ದೇನೆ. ನಾನು ಯಾವಾಗಲೂ ನಿಮ್ಮೊಂದಿಗೆ ಇರುತ್ತೇನೆ ಎಂದು ನಾನು ನಿಮಗೆ ಭರವಸೆ ನೀಡುತ್ತೇನೆ. ಇಂತಹ ಭವ್ಯ ಮತ್ತು ಉತ್ಸಾಹಭರಿತ ಕಾರ್ಯಕ್ರಮವನ್ನು ಆಯೋಜಿಸಿದ್ದಕ್ಕಾಗಿ ನಾನು ನಿಮ್ಮನ್ನು ಅಭಿನಂದಿಸುತ್ತೇನೆ. ಪ್ರಸ್ತುತ ಹಬ್ಬಗಳು ನಡೆಯುತ್ತಿವೆ. ಮತ್ತು ಅಂತಹ ಹಬ್ಬಗಳಲ್ಲಿತಾಯಂದಿರು ಮತ್ತು ಸಹೋದರಿಯರು ತಮ್ಮ ಮನೆಗಳನ್ನು ತೊರೆಯುವುದು ಕಷ್ಟ. ಆದರೂ, ಅನೇಕ ತಾಯಂದಿರು ಮತ್ತು ಸಹೋದರಿಯರು ನನ್ನನ್ನು ಮತ್ತು ನಮ್ಮೆಲ್ಲರನ್ನು ಆಶೀರ್ವದಿಸಲು ಬಂದಿದ್ದಾರೆ. ನಾನು ಹೆಚ್ಚಿನದನ್ನು ಕೇಳಲು ಸಾಧ್ಯವಿಲ್ಲ.

ಈ ವಿವಿಧ ಅಭಿವೃದ್ಧಿ ಯೋಜನೆಗಳಿಗಾಗಿ ನಾನು ಮತ್ತೊಮ್ಮೆ ನಿಮ್ಮೆಲ್ಲರನ್ನು ಅಭಿನಂದಿಸುತ್ತೇನೆ. ಮತ್ತು ಈಗ ಹಿಮಾಚಲವು ವಂದೇ ಭಾರತ್‌ ರೈಲನ್ನು ದೆಹಲಿಯವರೆಗೆ ಪಡೆಯುತ್ತಿದೆ. ನಾನು ನಿಮಗೆ ಶುಭ ಹಾರೈಸುತ್ತೇನೆ!

ನಿಮ್ಮ ಎರಡೂ ಕೈಗಳನ್ನು ಗಾಳಿಯಲ್ಲಿಟ್ಟುಕೊಂಡು, ನನ್ನೊಂದಿಗೆ ಗಟ್ಟಿಯಾಗಿ ಹೇಳಿ -

ಭಾರತ್‌ ಮಾತಾ ಕೀ ಜೈ!

ಭಾರತ್‌ ಮಾತಾ ಕೀ ಜೈ!

ಭಾರತ್‌ ಮಾತಾ ಕೀ ಜೈ!

ಭಾರತ್‌ ಮಾತಾ ಕೀ ಜೈ!

ಹಕ್ಕು ನಿರಾಕರಣೆ: ಇದು ಪ್ರಧಾನಮಂತ್ರಿ ಅವರ ಭಾಷಣದ ಅಂದಾಜು ಅನುವಾದವಾಗಿದೆ. ಮೂಲ ಭಾಷಣವನ್ನು ಹಿಂದಿಯಲ್ಲಿ ನೀಡಲಾಗಿದೆ.

*****