হিরমশিং অসিদা খন্ন-নৈনবা পাংথোকখি

• দিস্ত্রিবিউসন সেক্তরগী শেন-থুমগী অমাং-অতোং অমসুং তুংকোইনা চৎনবা ঙমগদবা থবক,
• মৈগী থবকশিং মতমগা চুনবা মওংদা শেমগৎপা অমসুং ফগৎহনবা,
• দরকার ওইবা শেন থাদবা অমসুং পৱার সেক্তরদা অওনবশিং পুরকপা য়াওনা 24x7 মৈ ফংহন্নবা মৈ পীবগী থবকশিং চাউখৎহনবা

রাজ্যশিং অমসুং য়ু.তিশিংগী পৱার অমসুং নিউ অমসুং রিনিএবল ইনর্জি মিনিস্তরশিংগী মীফম অদু ওক্তোবর ১৪দগী ১৫, ২০২২ ফাওবা রাজস্থানগী উদয়পুরদা পাংথোকখ্রে। মীফম অদু পৱার অমসুং এন.ই.আরগী য়ুনিয়ন মিনিস্তর শ্রী আর.কে সিংহনা লুচিংখি। পৱারগী রাজ্য মন্ত্রী শ্রী কৃষন পাল গুরজার, রাজ্যশিংগী দিপুতি সি.এম/পৱার/এন.আর.ই মিনিস্তরশিং অমসুং রাজ্যশিং অমসুং য়ু.তিশিংগী প্রিন্সিপাল সেক্রেতরিশিংশু শরুক য়াখি।

মীফম মনুংদা দিস্ত্রিবিউসন সেক্তরগী শেন-থুমগী অমাং-অতোং অমসুং তুংকোইনা চৎনবা ঙমগদবা থবক, মৈগী থবকশিং মতমগা চুনবা মওংদা শেমগৎপা অমসুং ফগৎহনবা, দরকার ওইবা শেন থাদবা অমসুং পৱার সেক্তরদা অওনবশিং পুরকপা য়াওনা 24x7 মৈ ফংহন্নবা মৈ পীবগী থবকশিং চাউখৎহনবগী কুপ্না খন্নখি। হায়রিবা মরুওইবা ৱাফমশিং অসিগী মতাংদা রাজ্যশিংগী মখোয়গী ওইবা ৱাফমশিং অমসুং পাউতাকশিং থমখি।

মৈ য়েন্থোকপগী থবক্কী মরুওইবা অদু খন্নরদুনা, এগ্রেগেত তেক্নিকেল এন্দ কম্মর্সিএল (এ তি এন্দ সি)গী পুৎথবা শেনফমশিং হন্থহন্নবা থবকশিং পায়খৎনবা মীফম অদুদা খন্নখি। মৈগী তারিফশিং, সবসিদি একাউন্তিং পাংথোকপা অমসুং রাজ্য সরকারশিংনা মতম চানা সবসিদিশিং পীথোকপা, রাজ্য সরকারশিংগী দিপার্তমেন্তশিংনা মতমচানা অতোনবা শেনফমশিং পীথোকপা অমসুং মৈ পুথোকপা কম্পেনিশিংদা পীথোকফম থোকপা শেনফমশিং মতম চানা পীথোক্নবা ইলেক্ত্রিসিতি(লেত পেমেন্ত সর্চার্জ এন্দ রিলেতেদ মেত্তরস)রুলস, ২০২২ ঙাক্না চৎনবগী মতাংদা কুপ্না খন্নখি।

এ.তি অমসুং সিগী মাঙলিবশিং হন্থহন্নবা, অথুবদা কঞ্জুমরশিংদা স্মার্দ মিতরশিং পানবা অমসুং ইনর্জি একাউন্তিংগী থবকশিংগীদমক সিস্তেম মিতরিং পায়খৎপা হায়না মীফম অসিদা খন্নখি। তোঙান-তোঙানবা মখলগী কঞ্জুমরশিংদা পীরিবা সবসিদি অসি চপ চানা শীজিন্নখিবা মৈ অদুদা য়ুম্ফম ওইরগা য়ুনিত অমদা পারগা সবসিদি পীবা হায়না মীফম অসিদা য়ানখি। মৈ ফংহন্নবা পায়খৎলিবা থবকশিং অসি ফিবম ফগৎনবা পায়খৎলিবা থবকশিং খুমাঙ চাউশিল্লে হায়না মীফম অদুদা থমখি।

রাজ্যশিংগী দিস্ত্রিবিউসন কম্পেনিশিংগী শেন-থুমগী ফিবম অমসুং থবক ফজনা পাংথোকপা হেনগৎহন্নবা রিভেম্প দিস্ত্রিবিউসন সেক্তর স্কিম(আর দি এস এস)গী মখাদা রাজ্য অয়াম্বা মখোয়গী এক্সন প্লানশিং মমাংদা পীশিনখ্রে।

থবক অমসুং থৌশিল খুদিংমক মৈ থাল্লিবশিংদা মৈ ফজনা অমসুং চাংনাইনা ফংহন্নবা মাইকৈদা মীৎয়েং চঙগদবনি। অইং-অশাগী খল হোংলকপগী পান্দমশিং ফংবা ঙম্নবা লৈবাক অসিনা থমখিবা থাজবশিংগী মতুংইন্না ২০৭০দা নেত জিরোগী পান্দম ফংনবা অমসুং ২০৩০ ফাওবগী মনুংদা গিগৱাত ৫০০গী নন-ফোসিলগী মৈ পুথোক্নবা পান্দম ফংনবগী মরুওইবা থৌদাং অসি রিনিউএবল ইনর্জি দিপার্তমেন্ত অসিনি।

রিনিউএবল ইনর্জিগী লমদা হৌখিবা চহি খর অসিদা মাইপাকপা থবক কয়া পাংথোকখ্রে। রিনিউএবল ইনর্জি প্রোজেকশিং য়াংনা পায়খৎনবা থৌশিল শেম্বা, ইন্সতিতুৎশিংনা মতেং পাংবগী দরকার ওইবশিং অদু মীফম অসিদা খন্নখি অমসুং ভারত সরকারগী নন-ফোসিলগী মৈ পুথোক্নবগী পান্দমশিং অদু ফংনবা রাজ্যশিংনা মতেং পাংগদবনি। তোঙান-তোঙানবা মতেং পীদুনা আর.ই সেক্তরদা লৈবাক অসিদা মেনুফেকচরিংগী থবকশিং হেনগৎহন্নবা ঙাক্লৌ শেম্নবশু মীফম অদুদা তকশিনখি।

গিগৱাত ৪০গী পান্দম অদু ফংবা ঙম্নবা রাজ্যশিংনা খোঙজেল য়াংনা সোলার রুপতোপ সিস্তেমশিং থমগদবনি। পি.এম কুসুম স্কিমগী মখাদা সোলারদগী মৈ পুথোকপগী থবক য়াংখৎহন্নবা রাজ্যশিংগী পুক্নিং থৌগৎখি। তুংদা মৈ মরাংকাইনা ফংহনবা ঙম্নবা, বেস য়াওনা ইনর্জি তুঙশিন্দুনা থম্নবা থবক পায়খৎকদবনি অমসুং পম্প স্তোরেজ হায়দ্রো প্রোজেকশিং পায়খৎকদবনি। গ্রিন হায়দ্রোজেন, ওফ সোর ৱিন্দ, ওফ গ্রিদ অমসুং দিসেন্ত্রেলাইজ রিনিউএবল ইনর্জি(দি আর ই) য়াওনা অনৌবা তেক্নোলোজিশিং শীজিন্নবা দরকার ওইরে।  

লৈবাক অসিগী খুন্নাই অমসুং শেন-থুমগী ফিবম ফগৎনবা 24x7 মৈ ফংহনবা অসি য়াম্না মরুওই। লাক্লিবা চহি ১০ অসিদা লৈবাক অসিগী মৈ দরকার ওইবা অসি শরুক অনি হেনগৎকনি অমসুং মসিগী দরকার ওইবা মৈ ফংহনবা ঙম্নবা মৈ পুথোকপা, ত্রান্সমিসন অমসুং মৈ ফংহনবগী থবকশিংদা লুপা কোতি লাখ ৫০ থাদবা দরকার ওইগনি। মরম অদুনা হায়রিবা শেনফম অসি তোঙান-তোঙানবা মাইকৈদগী শেন থাদবা তঙাইফদে।

লৈবাক অসিদা লনাই কম্পেনিশিং মপুংফানা শরুক য়াবা ঙম্নবা ললোন-ইতিক্কী থবকশিং লাইহন্দুনা য়াম্লবা শেনফম কয়া থাদরকপা দরকার ওইরে। ভারত সরকারনা এল.পি.এস রুলস ২০২২, ইলেক্ত্রিসিতি(তাইমলি রিকভরি ওফ কোস্ত দিউ তু চেঞ্জ ইন লো)রুলস, ২০২১, ইলেক্ত্রিসিতি(প্রোমোসন আর.ই থ্রু গ্রিন ইনর্জি ওপন এসেস)রুলস, ২০২২ চৎনহল্লে অমসুং মৈ য়োনবগী থবকশিংদা আর.তি.এম, জি.তি.এ.এম অমসুং জি.দি.এ.এম হৌদোক্লে।

পৱার সেক্তরগী থম্লিবা পান্দমশিং অসি ফংনবা রাজ্যশিংনা মতেং পাংনবা য়ুনিয়ন মিনিস্তরনা অপীল তৌখি।

*****