مرکزی وزیر خزانہ اور کارپوریٹ امور محترمہ نرملا سیتارامن نے سالانہ میٹنگ 2022 واشنگٹن ڈی سی میں ورلڈ بینک کی ترقیاتی کمیٹی کے عشائیہ کے دوران کل دیر شام "سیکھنے سے متعلق  نقصانات: بچوں، نوجوانوں اور مستقبل کی پیداواری صلاحیتوں پر کووڈ  کے بھاری اثرکے بارے میں کیا کریں " کے عنوان سے مقالے پر مبنی  بحث میں حصہ لیا۔

اپنے ابتدائی کلمات میں، وزیر خزانہ نے کہا کہ ہر شریک ملک اس بات سے اتفاق کرتا ہے کہ کووڈ 19  کے سبب  اسکولوں کے بند رہنے  کے تناظر میں سیکھنے کی بازیابی اور مہارت کی بہتری پر مسلسل  توجہ ضروری ہے۔

اپنے ہندوستان کے مخصوص تجربے کا اشتراک کرتے ہوئے، محترمہ سیتا رمن نے دو اقدامات کا اشتراک کیا جو ہندوستان نے سیکھنے کے نقصان پر کووڈ 19 وبائی امراض کے اثرات کے حوالے سے اٹھائے ہیں:

نومبر 2021 میں، ہندوستان نے سیکھنے کی قابلیت کا جائزہ لینے کے لیے،تین ، پانچ، سات اور نو کے 3.4 ملین طلباء کا احاطہ کرتے ہوئے، نیشنل اچیومنٹ سروے (این اے ایس)  کا انعقاد کیا۔ اس سے پتہ چلتا ہے کہ قومی اوسط کارکردگی نسبتاً درجات کے لیے این اے ایس  2017 کے مقابلے میں 9فیصد تک گر گئی ہے۔

مارچ 2022 میں، بھارت نے گریڈ -3 کے طلباء کے لیے نیشنل فاؤنڈیشن لرننگ اسٹڈی کا آغاز کیا۔ یہ ون آن ون  تجزیہ کے لیے دنیا کا سب سے بڑا نمونہ تھا اور یہ پہلی بار تھا کہ ہندستان میں 20 زبانوں میں عالمی مہارت کے فریم ورک پر مبنی ہندسوں اور فہم کے بینچ مارکس کو بطور ذریعہ تعلیم استعمال کیا گیا۔

وزیر خزانہ نے اس بات پر زور دیا کہ یہ دونوں کوششیں نہ صرف مسئلے کی شدت کا مستند اندازہ فراہم کرتی ہیں بلکہ انتظامی اقدامات  کے لیے ثبوت پر مبنی منصوبہ بندی بھی کرتی ہیں۔ وزیر خزانہ نے یہ مثالیں ورلڈ بینک کے ساتھ شیئر کیں تاکہ وہ اس تجربے کو دوسرے ممالک کے ساتھ شیئر کر سکے۔

وزیر خزانہ نے مزید کہا کہ ہندوستان کا ڈیجیٹل پلیٹ فارم، دکشا ، جس کی شناخت ہندوستان کے ذریعہ 12 ڈیجیٹل گلوبل گڈز میں سے ایک کے طور پر کی گئی ہے، اب عوامی ڈومین میں ہے۔ محترمہ سیتا رمن نے کہا  کہ گزشتہ سال  ہندوستان اس پلیٹ فارم کے ذریعے ایلیمنٹری اسکول کے بچوں کو کیو آر  کوڈڈ نصابی کتابیں فراہم کرنے والا دنیا کا پہلا ملک بن گیا ۔ وزیر خزانہ نے تمام دلچسپی رکھنے والے ممالک کو دکشا  کی پیشکش بھی کی اور کہا کہ عالمی بینک ڈیجیٹل تعلیم کو عالمی سطح پر بڑھانے کے لیے اس موقع پر غور کر سکتا ہے۔

وزیر خزانہ نے مزید کہا کہ ہندوستان نے قومی تعلیمی پالیسی کا مسودہ 5 سالہ انتہائی شراکتی اور کثیر الجہتی مشاورت پر مبنی  قومی تعلیمی پالیسی کا مسودہ   اپ لوڈ کیا ہے۔ چونکہ یہ پالیسی جولائی 2020 میں جاری کی گئی تھی،  لہذا اسے تعلیم پر وبائی امراض کے اثرات سے آگاہ کیا گیا تھا اور یہ ایک نئے قومی نصاب کے فریم ورک کی بنیاد بناتی ہے۔

محترمہ سیتارامن نے کہا کہ اس طرح کے انتہائی شراکتی مشاورتی عمل نے معیاری سیکھنے، بنیادی مہارتوں کی ضرورت، تدریس اور سیکھنے کے وسائل کے بہتر معیار، اور ہر سیکھنے والے کے لیے ہنر پر مبنی تعلیم میں بڑی دلچسپی پیدا کی ہے۔ ہندوستان نے حال ہی میں ودیانجلی 2.0 آن لائن پلیٹ فارم کا آغاز کیا ہے تاکہ رضاکاروں کو ان کی پسند کے اسکولوں سے براہ راست منسلک کیا جاسکے اور سیکھنے کی بحالی میں تیزی لانے میں مدد کی جاسکے۔

محترمہ سیتا رمن کو یہ دیکھ کر خوشی ہوئی کہ ہندوستان کے  گول  پروگرام کے مقالے میں ایک حوالہ ہے، جو بنیادی مہارتوں کی تعمیر کے لیے ٹیکنالوجی کے قابل علاج پروگرام کو نافذ کرنے میں مدد کر رہا ہے۔

وزیر خزانہ نے نوٹ کیا کہ اس مقالے میں ہندوستان کے "صحیح سطح پر سکھائیں" اقدام کا بھی حوالہ دیا گیا ہے، ایک اچھی مشق کے طور پر، جو  بچوں کو عمر یا گریڈ کے بجائے سیکھنے کی ضروریات کی بنیاد پر تدریسی گروپوں میں تقسیم کرتا ہے۔

محترمہ سیتا رمن نے شرکاء کو مطلع کیا کہ ہندوستان نے ایک متبادل تعلیمی کیلنڈر بھی متعارف کرایا ہے جس میں نصاب پر مبنی سیکھنے کے نتائج کا احاطہ کرنے والا ہفتہ وار منصوبہ ہے۔ اسی طرح، اساتذہ کو لیس کرنے کے لیے ہندوستان نے ایک مربوط ٹیچر ٹریننگ پروگرام نشٹھا شروع کیا ہے۔

اپنے خطاب کے اختتام پر، محترمہ  سیتا رمن نے زور دیا کہ عالمی بینک کو چاہیے کہ وہ اپنی علمی طاقت کو استعمال کرتے ہوئے ممالک کو سیکھنے کے نقصان کی بازیابی کا ایکشن پلان تیار کرنے میں مدد کرے تاکہ گمشدہ  نسل، کم پیداواریت، کمائی اور بڑھتی ہوئی سماجی بے چینی کی وجہ سے مستقبل میں ہونے والے مجموعی معاشی نقصانات کو روکا جا سکے۔

***

ش ح ۔ م م ۔  م ر

U.NO: 11446