প্রধান মন্ত্রী শ্রী নরেন্দ্র মোদীনা লুচিংদুনা হয়েং অয়ুক কাউন্সিল ওফ সান্তিফিক এন্দ ইন্দস্ত্রিএল রিছর্স(সি এস আই আর)গী মীফম পাংথোক্লগনি। মীফম অসিদা শরুক য়ানবা সি.এস.আই.আর সোসাইতিগী মেম্বর খুদিংমক চেবাউ পীখ্রে।

সি.এস.আই.আর অসি সাইন্স অমসুং তেক্নোলোজি মিনিস্ত্রিগী সাইন্তিফিক অমসুং ইন্দস্ত্রিএল রিছর্স দিপার্তমেন্তগী মখাদা লৈবা সোসাইতি অমনি অমসুং প্রধান মন্ত্রীনা সোসাইতিগী প্রসিদেন্দনি।

মীফম অদুদা সোসাইতিগী ভাইস-প্রসিদেন্দ ওইরিবা সাইন্স অমসুং তেক্নোলোজিগী য়ুনিয়ন মিনিস্তর দোক্তর জিতেন্দ্র সিংহ, য়ুনিয়ন ফাইনান্স মিনিস্তর নিরমালা সিতারমন, কম্মর্স অমসুং ইন্দস্ত্রিগী য়ুনিয়ন মিনিস্তর পিয়ুস গোয়ালশু শরুক য়াগনি। সি.এস.আই.আর সোসাইতিদা শক্নাইরবা সান্তিস্তশিং, ইন্দস্ত্রিলিএলিস্তশিং অমসুং সাইন্তিফিক মিনিস্ত্রিশিংগী সেনিয়র ওফিসিএলশিং য়াওরি। সি.এস.আই.আরগী থবকশিং য়েংশিন্নবা অমসুং মসিনা তুংদা পাংথোক্কদবা থবকশিং খন্ননবা সোসাইতি অসিনা চহি খুদিংগী মীফম পাংথোকই।

সি.এস.আই.আর সোসাইতিগী মীফম অমসুং সি.এস.আই.আরনা মাইপাক্না পাংথোকখিবা থবকশিংগী মতাংদা মেদিয়াদা ৱা ঙাংবদা দোক্তর জিতেন্দ্রনা সিংহনা হায়খি হৌজিক সি.এস.আই.আরগী রিছর্সকী থবকশিং মরুওইনা গ্রিন ইনর্জি তেক্নোলোজিশিং, ভারতকী খুঙ্গংশিংদা থবক পীনবা অমসুং শেন্থোক হেনগৎহন্নবা এস.তি.আইনা থবক পায়খৎনবা লম্বীদা মীৎয়েং থম্লে। উদোগকী সেক্তর খুদিংমক্তা মশাগী ওক্নবা পুথোক্নবা থবক হেনগৎহনবা, ইনফ্রাস্ত্রকচর চাউখৎহনবা অমসুং মরুওইবা সাইন্স অমসুং তেক্নোলোজিগী হুমেন রিছোর্স চাউখৎহনবা হায়বসি সি.এস.আই.আরগী পান্দম্নি অমসুং আর অমসুং দিগী থবক তৌরিবা ইন্সতিতুৎশিংনা আর্তিফিসিএল ইন্তিলিজেন্স অমসুং মেছিন লার্নিং শীজিন্নরে।

দোক্তর জিতেন্দ্রনা হায়খি সি.এস.আই.আর ভিজন ২০৩০ অমসুং National Vision@2047গী মতুংইন্না সি.এস.আই.আর মপাঙ্গল কনখৎহন্নবা ভারত অসি সাইন্সকী থবকশিং পৱারহাওস অমা ওইনা শেমগৎনবা অমসুং লৈবাক্কী দরকার ওইবা তেক্নোলোজি পীবদা মশা-মরোমদোম লেপচবা ঙম্নবা মীৎয়েং থম্লে। হৌজিক সি.এস.আই.আরনা ইন্দস্ত্রিগা থবক তৌমিন্নবা হেনগৎলে অমসুং ইন্দস্ত্রিগা পুন্না থবক তৌমিন্নবা অমসুং সি.এস.আই.আরনা শেন থাদবা প্রোজেকশিংগা পুন্না থবক তৌমিন্নবা হেনগৎলে। পি.পি.পি মোদেল পায়খৎপগী মথক্তা, ইনর্জি থিম থবক ওইনা পাংথোক্লে, এগ্রি-বাইও-নিউত্রিতেক, স্পিসিএলিতি কেমিকেলস, এরোস্পেস অমসুং অনা-লায়েংগী থিমশিংদা সি.এস.আই.আর তেক্নোলোজিশিং য়োকখৎনবা সি.এস.আই.আর লেব খরনা স্তার্দ-অপশিংদা খুদোংচাবা পীরে।

মিনিস্তরনা মখা তানা হায়খি ফোর-এম থিমগী অমোৎ-অকায়শিংদগী শেন তান্নবা তেক্নোলোজিশিং অমসুং তোঙান-তোঙান ধাতুশিং লৌথোক্নবা অমসুং শেংদোক্নবগী মতাংদা স্তার্দ-অপ খর অমসুং এম.এস.এম.ই খর থৱায় য়াওবা হৌরে। গুজরাতকী হায়দ্রাজিন হায়দ্রেত পুথোক্নবা প্লান্ত অসি কেমিকেল থিমগী সি.এস.আই.আর তেক্নোলোজিগী প্রমান্নি অমসুং মপান্দগী পুশিল্লকপদগী মহুৎশীনবা ঙম্লে। সি.এস.আই.আরগী এরোমা মিসন অসি মাইপাক্লে অমসুং জে অমসুং কেদা পর্পল রিভোলুসন্না ভারতকী পুৱারিদা অহোঙবা পুরক্লে অমসুং ভারত অসি মপান্দগী লৈরম্বদগী মপান্দা থাদোকপা ঙমহল্লে। মহারাস্ত্রগী স্তিল স্লেগ লম্বী, ৱাতর মেপ্পিংদা সি.এস.আই.আরগী হেলিবোর্ন তেক্নোলোজি শীজিন্নবা অসি সি.এস.আই.আরনা মরী লৈনবা মিনিস্ত্রিশিংগা পুন্না থবক তৌমিন্নবগী খুদমশিংনি।

সি.এস.আই.আরগী দি.জি অমসুং দি.এস.আই.আরগী সেক্রেতরি, দোক্তর এন কলাইসেলভিনা হায়খি ভারত শীনবা থুংনা লৈরিবা লেবোরেতোরি ৩৭ অমসুং আউতরিচ সেন্তরশিংগী মখাদা সি.এস.আই.আরগী থবকশিং পাংথোক্লি। ইং ১৯৪২দা লিংখৎখিবা সি.এস.আই.আর, ইকুই কুইদনা চহি ৮০ মপুংফাখ্রে অমসুং মসিগী পুৱারিদা ভারতকী উদোগ অমসুং মীয়ামগীদমক সি.এস.আই.আরনা মশক থোকপা থবক কয়া পাংথোকখ্রে। কোবিদ-১৯ লাইচৎ মনুংদা লাইচৎ লাকশিন্নবা সি.এস.আই.আরগী লেবশিংনা তেক্নোলোজি কয়া পুথোকখি।

সি.এস.আই.আর সোসাইতিগী হয়েংগী মীফম অদুদা শরুক য়াগদবা শক্নাইরবা মীওইশিংগী মনুংদা ফাইনান্স সেক্রেতরি অমসুং এক্সপেন্দিচর সেক্রেতরি দোক্তর তি.ভি সোমান্থান, দিফেন্স মিনিস্ত্রিগী দিফেন্স প্রদক্সন দিপার্তমেন্তগী সেক্রেতরি দোক্তর অজয় কুমার, ঐচ.আর.দি মিনিস্ত্রিগী হায়র ইজুকেসন দিপার্তমেন্তগী সেক্রেতরি শ্রী কে সঞ্জয় মুর্তি, হেল্থ অমসুং ফেমিলি ৱেলফিয়ার মিনিস্ত্রিগী হেল্থ রিছর্স দিপার্তমেন্তগী সেক্রেতরি দোক্তর রজিব বাহল, এগ্রিকলচরেল রিছর্স ইজুকেসন দিপার্তমেন্তগী সেক্রেতরি দোক্তর হিমান্সু পাথক, দিফেন্স রিছর্স অমসুং দিবলপমেন্তগী চিয়ারমেন অমসুং দিফেন্স রিছর্স এন্দ দিবলপমেন্ত দিপার্তমেন্তগী সেক্রেতরি দোক্তর সমির ভি. কমাত, সি.এস.আই.আরগী দি.জি দোক্তর এন.কলাইসেলভি য়াওরি।

*****