মন্ত্রীমন্দল
মন্ত্রী মন্দলনা শেনবা চহি ২০২১-২২গীদমক রেলৱেগী কর্মচারীশিংদা নুমিৎ ৭৮গা মান্নবা প্রদক্তিবিতী লিঙ্ক বোনস পীবদা অয়াবা পীখ্রে
Posted On:
12 OCT 2022 4:23PM by PIB Imphal
প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রী-মন্দলনা ঙসি শেনবা চহি ২০২১-২২গীদমক রেলৱেগী কর্মচারীশিংদা প্রদক্তিবিতী লিঙ্ক বোনস পীনবগীদমক এক্স-পোস্ত ফেক্তো অয়াবা পীখ্রে।
ইলিজিবল ওইবা রেলৱেগী কর্মচারীশিংদা পি.এল.বি. অসি দশেরা/পুজাগী ছুতিশিংগী মমাংদা চহি খুদিংগী পীদুনা লাক্লি। চহি অসিদসু পি.এল.বি.গী শেনফম অসি নুমিৎ ৭৮গী খুৎশুমলশিংগা মান্নৈ অমদি মসি নন-গেজেতেদ রেলৱেগী কর্মচারী লাখ ১১.২৭তা পীগনি। ইলিজিবল ওইবা রেলৱেগী কর্মচারী অমদা পীগদবা খ্বাইদগী য়াম্বা শেনফম অসি নুমিৎ ৭৮গী লুপা ১৭,৯৫১/-নি। মথক্তা পনখ্রিবা শেনফম অসি তোঙান-তোঙানবা কাংলুপশিংদা পীরি মমিং ওইনা পল্লবদা ত্রেক মেন্তেনরশিং, দ্রাইভরশিং অমসুং গার্দশিং, স্তেসন মাস্তরশিং, সুপর্ভাইজরশিং, তেক্নিসিয়ম, তেক্নিয়ন হেল্পর, কন্ত্রোলর, পোইন্তসমেন, মিনিস্ত্রিএল স্তাফ অমসুং অতোপ্পা গ্রুপ ‘সি’ স্তাফশিংনি।
রেলৱেগী কর্মচারীশিংদা নুমিৎ ৭৮গী পি.এল.বি পীগদৌরিবা অসিদা চংগদবা ফাইনান্সিএল ইমপ্লিকেসন অসি লুপা করোর ১৮৩২.০৯রোম ওইরবা য়াই পানরি। কোবিদ-১৯গী মতুংদা থেংনখিবা শীংনবশিংনা শেল-থুমগী ফীভমদা পীবা চৈথেং লৈজরবসু পি.এল.বি. পীনবগী ৱারেপ অসি লৌখিবনি।
পি.এল.বি. পীবগী তশেংবা নুমিৎশিংগী মশিং অসিনা অপীবা ফোর্ম্যুলাদা য়ুম্ফম ওইরগা পাখিবা নুমিৎশিংদগী হেল্লি। পি.এল.বি. পীবগী থৌওং অসি রেলৱেজকী পরফোর্মেন্স হেনগৎহন্নবফগী মাইকৈদা থবক তৌনবা রেলৱেগী কর্মচারীশিংবু ইথিল পীনবগী ইনসেন্তিব অমা ওইরি।
***********
(Release ID: 1867207)
Visitor Counter : 137
Read this release in:
Tamil
,
Kannada
,
Odia
,
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Telugu
,
Malayalam