ఈ రోజు ఉదయం 7 గంటల వరకు ఉన్న తాత్కాలిక సమాచారం ప్రకారం; జాతీయ కొవిడ్‌-19 టీకా కార్యక్రమం 218.97 కోట్ల ( 2,18,97,88,104 ) డోసులను అధిగమించింది.

12-14 ఏళ్ల వారికి కొవిడ్‌-19 టీకాల కార్యక్రమం 2022 మార్చి 16 నుంచి ప్రారంభమైంది. అప్పటి నుంచి ఇప్పటి వరకు 4.10 కోట్లకు పైగా ( 4,10,72,203 ) టీకా మొదటి డోసులను వీరికి ఇచ్చారు. 18-59 సంవత్సరాల వారికి ముందు జాగ్రత్త టీకాలను 2022 ఏప్రిల్‌ 10వ తేదీ నుంచి ఇస్తున్నారు.

ఈ రోజు ఉదయం 7 గంటల వరకు ఉన్న తాత్కాలిక సమాచారం ప్రకారం: 

 దేశవ్యాప్త క్రియాశీల కేసుల సంఖ్య 28,593. మొత్తం పాజిటివ్‌ కేసుల్లో ఇది 0.06 శాతం.

భారతదేశ రికవరీ రేటు 98.75 శాతంగా ఉంది. గత 24 గంటల్లో 3,393 మంది రోగులు కోలుకున్నారు. దీంతో, కోలుకున్న రోగుల సంఖ్య (మహమ్మారి ప్రారంభమైనప్పటి నుంచి) 4,40,54,621 కి పెరిగింది.

గత 24 గంటల్లో 2,756 కొత్త కేసులు నమోదయ్యాయి. 

గత 24 గంటల్లో మొత్తం 2,39,546 పరీక్షలు చేశారు. దేశవ్యాప్తంగా ఇప్పటివరకు 89.69 కోట్లకు పైగా ( 89,69,87,772 ) పరీక్షలు నిర్వహించారు.

వారపు పాజిటివిటీ రేటు 1.28 శాతంగా, రోజువారీ పాజిటివిటీ రేటు 1.15 శాతంగా నమోదయ్యాయి.

****