অৱাং নোংপোক লমদমগী চাউখৎ-থৌরাং, তুরিজম অমসুং কলচরগী কেন্দ্র মন্ত্রী, শ্রী কিশন রেদ্দীজীনা গুৱাহাতীদা পাংথোকপা নোর্থ ইস্তর্ন কাউন্সিলগী ৭০শুবা প্লেনরী মীফমদা ৱা ঙাঙখ্রে। অৱাং নোংপোক রাজ্য নিপানগী সেনিয়র ওফিসিএল অমসুং কেন্দ্রগী মন্ত্রীশিংগী মফমদা ৱা ঙাঙবদা, শ্রী কিশন রেদ্দীনা লমদম অসিগী চাউখৎ-থৌরাংগা মরী লৈনবা মরু ওইবা হীরমশিংদা মিৎয়েং চঙখি।

লদম অসিদা শান্তী পুরক্নবা অমসুং কন্নেক্তিবিতী হেন্না ফগৎহন্নবা ভারত সরকারনা লেপ্পা লৈতনা হোৎনদুনা লাক্লি অমসুং হীরমশিং অসি মশক থোকপা মায় পাকপা কয়াসু ফংলে হায়না মহাক্না হায়খি। ইকায় খুম্ননীংঙাই ওইরবা প্রধান মন্ত্রী, শ্রী নরেন্দ্র মোদীনা অৱাং নোংপোক লমদম চাউখত্তনা ভারতনা চাউখৎপা ঙম্লোই হায়না চেৎনা থাজৈ হায়না মহাক্না ফোংদোকখি।

মহাক্না এন.ই.আর.,আ ‘অমৃত সময়’দা চঙশিনখ্রে অমসুং ঐখোয়না মসিগী খুদোংচাবা মপুং ফানা লৌগদবনি অমসুং চাউখৎ-থৌরাংগী কান্নবা খুদিংমক য়াকাইহনগদবনি হায়না ফোংদোকখি। এন.ই.আর.বু ভারতকী গ্রোথ ইঞ্জিন ওইহনবগী পান্দম অসি কেন্দ্র অমসুং রাজ্য সরকারগী মরক্তা নীংথিনা তেংবাংমিন্নবা মতমদা ফংবা ঙমগনি হায়না ওফিসরশিংগী মফমদা থমখি।

লমদম অসিগী ইনফ্রাস্ত্রকচর অমসুং কন্নেক্তিবিতী হেন্না ফগৎহন্নবা স্তেকহোলদর, কেন্দ্র/রাজ্যগী এজেন্সী, প্রাইভেত সেক্তর খুদিংনা পুন্না থবক পাংথোকমিন্নদুনা অহেনবা মিৎয়েং চঙফম থোকই হায়না মহাক্না মখা তানা হায়খি।

এন.ই.আর. রাজ্যশিংগী জি.বি.এস.কী ১০%বু মপুং ফানা অমসুং পান্দমগী মখা পোন্না শিজিন্নবনা খোঙেজল য়াঙবা চাউখৎ-থৌরাং পুরক্কনি হায়না মহাক্না হায়খি। জি.বি.এস.কী ১০% শিজিন্নবগী থৌওংবু চাং নাইনা য়েংশিনগদবনি অমসুং মসিগী মখা পোন্না পোলিসীবু নৌনা শীন্দোকপা, দেতা বোত্তলনেক লৈহন্দবা অমসুং কেন্দ্রগী মরী লৈনবা মন্ত্রীশিংগা নীংথিনা তেংবাংমিন্নবগী থৌওংসু পাংথোক্কদবনি হায়না মহাক্না মখা তাখি। হায়রিবা অসিবু নীংথিনা শিজিন্ননবগীদমক্তা পোলিসী এমেন্দ তৌবা, কাঙলোন শেম্বনচিংবা থৌওং কয়াগী পাউতাক থম্নবা মহাক্না রাজ্য সরকারগী ওফিসিএলশিংদা হায়খি।

হন্দক্তা শেমখিবা এগ্রি তাস্ক ফোর্সনা মখোয়গী অরোয়বা রিপোর্ত অথুবা মতমদা পীরক্লগনি হায়না মহাক্না হায়খি। হন্দক্কী শেনবা চহিসিগী মনুংদা মপুং ফানা শিজিন্নবা ঙম্নবগীদমক্তা রিপোর্ত অসিনা ফংলকপা ৱারোলশিংগী কান্নবা লৌগদবনি হায়না মহাক্না হায়খি।

মরু ওইবা সেক্তরশিংগী “মপাঙ্গল অমসুং অশোনবা মফমশিং য়েংশিনবা” অমসুং “গেপ লৈবশিংবু” মশক খঙদোকপগী মথৌ তাই হায়না মহাক্না হায়খি। মসিনা চাউখৎ-থৌরাংগী চুনবা পান্দম থম্বদা তেংবাংগনি। এন.ই.আর.গী জিলাশিংগী এস.দি.জি. ইন্দেক্স, এস্পিরেস্নেল দিস্ত্রিক্ত, মী তাবা অর্বানগী মফমশিংগী কন্নেক্তিবিতী অমসুং পোভর্তী ইন্দেক্স লেভেলগুম্বা ফেক্তর কয়াবু প্রোজেক্ত খনবদা য়েংশিনফম থোকই হায়না মহাক্না হায়খি। তেন্দর তৌবগী অফবা কাঙলোন শেম্নবা অমসুং মসিবু নীংথিনা য়েংশিন্নবা মহাক্না ওফিসিএলশিংদা হায়খি।

লদম অসিগী মতিক কয়াগী মপুং ফাবা কান্নবা লৌনবগীদমক্তা দোনর মন্ত্রালয়না তুরিজম তাস্ক ফোর্স অমা শেম্লে হায়না মন্ত্রীনা লমদমসিগী তুরিজমগী পোতেন্সিএল খঙলদুনা হায়খি। তুরিজম ইনফ্রাস্ত্রকচর চাউখৎহনবা, স্কিলিং অমসুং কেপাসিতী বিলদিং তৌবনা লমদম অসিগী তুরিজম চাউখৎহনবগী মরু ওইবা মিৎয়েং চঙফম ওইগদবনি হায়না মহাক্না হায়খি।

এন.ই.আর.গী নহাশিংদা থবক হেন্না পীবা ঙমহন্নবগীদমক্তা সেক্যুরিতী সর্ভিস ইন্দস্তী কয়ানা পীরিবা খুদোংচাবা কয়াসু ঐখোয়না খঙদোকফম থোকই হায়না মহাক্না মিৎয়েং চঙখি।

মন্ত্রীনা প্রাইভেত ইনভেস্তমেন্ত তঙাই ফদবগী হীরমদা অহেনবা মিৎয়েং চঙখি। এন.ই.আর.দা ইনভেস্তমেন্ত ফ্রেন্দলী ওইবা ইনভাইরনমেন্ত অমা লৈহন্নবা কেন্দ্র অমসুং রাজ্য সরকারনা পুন্না থবক তৌমিন্নবগী মথৌ তাই হায়না মহাক্না হায়খি। খ্বাইদগী অহানবা মিৎয়েং চঙফম থোকপা অমসুং পান্দম থমগদবা সেক্তর খরা মশক খঙদোকপা অমসুং হায়রিবা সেক্তরশিং অসিদা লৈবা খুদোংচাদবা কয়া লৌথোক্তুনা লমদম অসিদা ইনভেস্তমেন্ত তৌবা য়াবগী মতিক হেনগৎহনবগী মথৌ তাই হায়না মহাক্না হায়খি।

এন.ই.আর.গীদমক্তা গ্লোবেল ইনভেস্তর সম্মিত অমা অথুবা মতমদা শীনফম থোকই অমসুং রাজ্য সরকারশিংনা ইনভেস্তর ফ্রেন্দলী ওইবা ইনভাইরনমেন্ত অমা শেম্নবা থবক পায়খৎপা হৌফম থোকই হায়না মন্ত্রীনা হায়খি। ইনভেস্তরশিংগী অপাম্বগী মখা পোন্না পোলিসীদা অহোংবা পুরকপা, লেন্দ বেঙ্ক দিজিতাইজ তৌবা, প্লোত লেভেল ইনফোর্মেসন ফংহনবা, থবক-থৌওং লায়থোকহনবা, সিঙ্গল ৱিন্দো ক্লিয়ারেন্স সীস্তেম শেম্বা, খুদক্তা ইনভেস্ত তৌবা য়াবা প্রোজেক্তশিংগী ইনভেন্তরী শেম্বা, রাজ্যশিংদা ইনভেস্তরশিংবু নীংথিনা লমজিংবা অমসুং তেংবাংনবা সেন্তর লৈহনবা, এপ্রোচ রোদ কন্নেক্তিবিতী, ৱাতর সপ্লাইনচিংবা সপ্পোর্তিং ইনফ্রাস্ত্রকচরদা ইনভেস্ত তৌবনচিংবা থৌওং কয়াগী মহাক্না ৱাহৌদোক থমখি। লাক্কদৌরিবা থা খরসিদা লদম অসিদা গ্লোবেল ইনভেস্তর সম্মিত অমা শীন্নবা থৌরাং য়াৎনবা অমসুং মপাঙ্গল লৈবা এক্সন প্লান অমা শীন্নবা মহাক্না ওফিসিএলশিংদা হায়খ্রে।

*****