تجارت اور صنعت کی وزارت کےصنعت اور اندرونی تجارت کے فروغ کے محکمے (ڈی پی آئی آئی ٹی) نے، کریڈٹ گارنٹی اسکیم فار اسٹارٹ اپس (سی جی ایس ایس) کے قیام کو نوٹیفائی کیا ہے تاکہ شیڈولڈ کمرشل بینکوں، غیر بینکاری مالیاتی کمپنیوں اور غیر بینکاری مالیاتی کمپنیوں کے ذریعے دیے گئے قرضوں کو کریڈٹ گارنٹی فراہم کی جا سکےجبکہ سیکورٹیز اینڈ ایکسچینج بورڈ آف انڈیا (سیبی) نے متبادل سرمایہ کاری فنڈز(اے آئی ایفز) رجسٹرڈ کیا ہے۔

سی جی ایس ایس کا مقصد، اہل قرض دہندگان کی مالی اعانت کے لیے رکن اداروں (ایم آئیز ) کے ذریعے بڑھائے گئے قرضوں کے خلاف، ڈی پی آئی آئی ٹی کے ذریعہ جاری کردہ گزٹ نوٹیفکیشن میں بیان کردہ اور وقتاً فوقتاً ترمیم شدہ اسٹارٹ اپس کو ایک مخصوص حد تک کریڈٹ گارنٹی فراہم کرنا ہے۔ ۔ اسکیم کے تحت، کریڈٹ گارنٹی کور لیندین پر مبنی اور امبریلا پر مبنی ہوگا۔ انفرادی کیسوں کا احاطہ، 10 کروڑ روپے فی کیس یا اصل بقایا کریڈٹ رقم، جو بھی کم ہو، تک محدود ہوگا۔

لین دین پر مبنی گارنٹی کور کے سلسلے میں، گارنٹی کور ایم آئیز کے ذریعہ واحد اہل قرض لینے والے کی بنیاد پر حاصل کیا جاتا ہے۔ لین دین پر مبنی ضمانتیں، اہل اسٹارٹ اپس کو بینکوں/این بی ایف سی کے ذریعے قرض دینے کو فروغ دیں گی۔ لین دین پر مبنی کور کی حد، ڈیفالٹ رقم کا 80فیصد ہوگی بشرطیکہ اصل قرض کی منظوری کی رقم 3 کروڑ روپے تک ہے۔ رقم کا 75فیصد ڈیفالٹ میں،اگر اصل قرض کی منظوری کی رقم 3 کروڑ روپئے سے زیادہ ہےاور 5 کروڑ روپے تک ہے اور رقم کا 65فیصد ڈیفالٹ میں، اگر اصل قرض کی منظوری کی رقم 5 کروڑ روپے سے زیادہ ہے۔ (فی کس قرض لینے والے 10 کروڑ روپے تک)۔

امبریلا پر مبنی گارنٹی کور سیبی کے اے آئی ایف ضابطوں کے تحت رجسٹرڈ وینچر ڈیبٹ فنڈز (وی ڈی ایف) کو گارنٹی فراہم کرے گا (ہندوستانی اسٹارٹ اپ ایکو سسٹم میں فنڈنگ ​​کا ایک بڑھتا ہوا حصہ)، ان کی طرف سے جمع کیے گئے فنڈز کی نوعیت اور ان کی طرف سے فراہم کردہ قرض کی فنڈنگ ​​کے پیش نظر یہ گارنٹی فراہم کی جائے گی۔ امبریلا پر مبنی کور کی حد اصل نقصانات یا پولڈ انویسٹمنٹ کے زیادہ سے زیادہ 5فیصدتک ہوگی جس کا احاطہ اہل اسٹارٹ اپس میں فنڈ سے لیا جا رہا ہے، جو بھی کم ہو، یہ فی قرض لینے والا زیادہ سے زیادہ 10 کروڑ روپے سے مشروط ہے۔

اسکیم کو چلانے کے لیے ادارہ جاتی میکانزم کے ساتھ ساتھ، ڈی پی آئی آئی ٹی اسکیم کے جائزہ، نگرانی اور آپریشنل نگرانی کے لیے ایک مینجمنٹ کمیٹی(ایم سی) اور ایک رسک ایویلیوایشن کمیٹی (آر ای سی)تشکیل دے گی۔ نیشنل کریڈٹ گارنٹی ٹرسٹی کمپنی لمیٹڈ (این سی جی ٹی سی) اس اسکیم کو نافذ کرے گی۔

وزیر اعظم جناب نریندر مودی نے 16 جنوری 2016 کواسٹارٹ اپ انڈیا ایکشن پلان کا آغاز کیا تھا تاکہ ملک میں ایک متحرک  اسٹارٹ اپ ماحولیاتی نظام کی تشکیل کے لیے حکومت کی مدد، اسکیموں اور ترغیبات کی بنیاد رکھی جا سکے۔ ایکشن پلان میں ایک کریڈٹ گارنٹی اسکیم کا تصور کیا گیا ہے تاکہ جدت پسندوں کو کریڈٹ کے ذریعے انٹرپرینیورشپ کو متحرک کیا جاسکے اور ایکو سسٹم میں بینکوں اور دیگر ممبر اداروں کی حوصلہ افزائی کی جائے تاکہ اسٹارٹ اپس کو پروجیکٹ جاتی  قرض فراہم کیا جاسکے۔

ڈی پی آئی آئی ٹی کے تسلیم شدہ اسٹارٹ اپس کے لیے ایک وقف کریڈٹ گارنٹی ضمانت سے پاک، قرض کی عدم دستیابی کے مسئلے کو حل کرے گی اور جدید اسٹارٹ اپس کو ان کے مکمل کاروباری ادارے بننے کے سفر کے ذریعے مالی امداد کے بہاؤ کے قابل بنائے گی۔ یہ اسکیم ہندوستانی اسٹارٹ اپ ماحولیاتی نظام کو دنیا میں بہترین بنانے کے لیے جدت طرازی کو فروغ دینے اور انٹرپرینیورشپ کو فروغ دینے کے تئیں حکومت کی توجہ کو مزید دہراتی ہے۔

ہندوستانی اسٹارٹ اپس کے لیے گھریلو سرمایہ کو متحرک کرنے کے مقصد کے ساتھ، سی جی ایس ایس اسٹارٹ اپ انڈیا پہل  کے تحت، اسٹارٹ اپس اور اسٹارٹ اپ انڈیا سیڈ فنڈ اسکیم کے لیے فنڈز کی موجودہ اسکیموں کی تکمیل کرے گا۔

سی جی ایس ایس کا فریم ورک اسٹیک ہولڈرز کے ساتھ لائن منسٹریز، بینکوں، این بی ایف سیز، وینچر ڈیٹ فنڈز، اکیڈمی اور اسٹارٹ اپ ایکو سسٹم کے ماہرین کے ساتھ وسیع مشاورت کے بعد تیار کیا گیا ہے۔ یہ اسکیم قرض دینے والے اداروں کے لیے ایک کلیدی فعال اور خطرے کو کم کرنے کے اقدام کے طور پر کام کرے گی جس سے اسٹارٹ اپس کے لیے کولیٹرل فری فنڈنگ ​​ممکن ہوگی۔

*****

U.No.11154

(ش ح - اع - ر ا)