شہری ہوا بازی کے وزیر جناب جیوترادتیہ سندھیا نے، وزیر مملکت جنرل وجے کمار سنگھ (ریٹائرڈ) کے ساتھ آج کولہاپور سے ممبئی کے لیے ایک براہ راست پرواز کا افتتاح کیا۔

یہ پرواز شہری ہوابازی کی وزارت کی آر سی ایس یواڑان اسکیم کے تحت شروع کی گئی ہے تاکہ زمرہ-2 اور زمرہ-3 کےشہروں کو ہوائی رابطہ ہو سکے اور سب کے لیے سستا ہوائی سفر فراہم کیا جا سکے۔

یہ پرواز کولہاپور اور ممبئی کے درمیان ہفتے میں درج ذیل شیڈول کے مطابق منگل، جمعرات اور سنیچر کو تین بار چلے گی:

 

اپنے افتتاحی خطاب میں جناب جیوترادتیہ سندھیا نے کہا کہ اڑان اسکیم ملک کے عام شہری کے لیے ہوائی سفر کو سستی بنانے کے وزیر اعظم کے وژن کو عملی جامہ پہنا رہی ہے۔ اس اسکیم کے تحت اب تک 433 نئے روٹس شروع کیے گئے ہیں اوران سے ایک کروڑ سے زیادہ مسافر مستفید ہوئے ہیں۔ وزیرموصوف نے یہ بھی یقین دلایا کہ کولہا پور ہوائی اڈے کے ایپرن کی توسیع نومبر میں شروع کی جائے گی اورمارچ 2023 میں گھریلو ٹرمینل عمارت کا افتتاح کیا جائے گا۔

وزیر مملکت، جنرل وجے کمار سنگھ (ریٹائرڈ) نے کولہاپور اور ممبئی کے لوگوں کو مبارکباد دی اور امید ظاہر کی کہ یہ پرواز نہ صرف سفر میں آسانی پیدا کرے گی بلکہ خطوں میں تجارتی اور تجارتی سرگرمیوں کو بھی نمایاں طور پر فروغ دے گی۔

افتتاح کے موقع پر سنجے منڈلک ایم پی (کولہاپور)، شری دھیریشیل مانے، ایم پی (ہٹکانگلے)، شری دھننجے مہادک، ایم پی (آر ایس)، شری چندرکانت پاٹل کابینی وزیر (حکومت مہاراشٹر) موجود تھے۔ علاوہ ازیں، ایم او سی اے میں ایڈیشنل سکریٹری محترمہ اوشا پادھی، اسٹار ایئرکے چیئرمین جناب سنجے گھوڈاوت، اسٹار ایئر کےسی ای او کیپٹن سمرن سنگھ ٹوانہ، اور ایم او سی اے، اے اے آئی اور اسٹار ایئر کے دیگر معززین بھی اسموقع پرموجود تھے۔

*****

U.No.11047

(ش ح - اع - ر ا)   

 

(Release ID: 1865255) Visitor Counter : 128