"రక్తదాన్ అమృత్ మహోత్సవ్ విజయం మానవాళికి చెందిన ఉదాత్తమైన కారణాన్ని బలపరిచింది. ఇది చాలా విలువైన జీవితాలను రక్షించడంలో అపారంగా సహాయపడుతుంది. రక్తదానం ఒక ఉదాత్తమైన కారణం మరియు మన సుసంపన్నమైన సంస్కృతి మరియు సేవా మరియు సహయోగ్ సంప్రదాయాన్ని దృష్టిలో ఉంచుకుని జాతీయ స్వచ్ఛంద రక్తదాన దినోత్సవం సందర్భంగా, మనమందరం వేరొకరి కోసం ఎల్లప్పుడూ అండగా ఉంటామని మరియు క్రమం తప్పకుండా రక్తదానం చేస్తామని ప్రతిజ్ఞ చేద్దాం" అని ఈ రోజు న్యూఢిల్లీలోని ఎయిమ్స్‌లో జాతీయ రక్తదాన దినోత్సవం 2022లో ప్రసంగిస్తూ కేంద్ర ఆరోగ్య & కుటుంబ సంక్షేమ శాఖ మంత్రి డాక్టర్ మన్సుఖ్ మాండవియా తెలిపారు. ఈ కార్యక్రమంలో డీజీహెచ్‌ఎస్‌ డాక్టర్‌ అతుల్‌ గోయెల్‌, ఎయిమ్స్‌ డైరెక్టర్‌ డాక్టర్‌ ఎం. శ్రీనివాస్‌ తదితరులు పాల్గొన్నారు.

రక్తదానం ప్రాముఖ్యతను నొక్కిచెప్పిన కేంద్ర ఆరోగ్య మంత్రి రక్తదానం సేవ అని అన్నారు " ఒకరికొకరు సహాయం చేసుకోవడం మన బాధ్యత. భారతదేశం యొక్క కోవిడ్ మహమ్మారి ప్రతిస్పందన లోక్ భాగీదారి యొక్క గొప్ప సంప్రదాయం నుండి ప్రేరణ పొందింది. మహమ్మారిని ఎదుర్కోవడంలో మార్గాన్ని చూపింది. అది క్రమంగా ప్రపంచంలోనే అతిపెద్ద కోవిడ్ టీకా కార్యక్రమానికి దారితీసింది. రక్తదాన అమృత్ మహోత్సవ్.. రక్తదానం, రక్త పంపిణీ మరియు రక్త నిర్వహణను లక్ష్యంగా పెట్టుకుంది. ఇది సాధారణ వేతనం లేని స్వచ్ఛంద రక్తదానాల గురించి అవగాహన పెంచడానికి మరియు రక్తం లేదా దాని భాగాలు (మొత్తం రక్తం/ ప్యాక్ చేసిన ఎర్ర రక్త కణాలు/ప్లాస్మా/ప్లేట్‌లెట్‌లు) అందుబాటులో ఉంచడానికి మరియు సురక్షితమైనవని నిర్ధారించడానికి కూడా సహాయపడింది. రక్తదాన్ అమృత్ మహోత్సవ్ విజయం మానవాళి ఉదాత్తమైన కారణాన్ని బలపరిచింది. ఇది చాలా విలువైన ప్రాణాలను రక్షించడంలో అపారంగా సహాయపడుతుంది. రక్తదాన్ అమృత్ మహోత్సవ్ కింద 2.5 లక్షల మందికి పైగా స్వచ్ఛందంగా రక్తదానం చేశారు." అని తెలిపారు.

స్వచ్ఛంద రక్తదాతలు మరియు ఆదర్శవంతంగా నిలిచిన రాష్ట్రాలు/కేంద్రపాలిత ప్రాంతాలను, అరుదైన బ్లడ్ గ్రూప్ దాతలు, సాధారణ సింగిల్ డోనర్ ప్లేట్‌లెట్స్ (ఎస్‌డిపీ) దాతలు, మహిళా రక్తదాతలు, సాధారణ స్వచ్ఛంద రక్తదాతలను కూడా కేంద్ర ఆరోగ్య మంత్రి సత్కరించారు.

 

*****