রক্ষা মন্ত্রী শ্রী রাজনাথ সিংহনা সেপ্তেম্বর ২৮, ২০২২দা অসামগী দিনজানদা লান্মীগী লৈফমদা চৎখ্রে। সেপ্তেম্বর ৩০, ২০২২ ফাওবা পাংথোক্কদবা নুমিৎ হুম্নিগী খোঙচৎ অমদা রক্ষা মন্ত্রী অসাম অমসুং অরুনাচল প্রদেসতা লৈরি অমসুং মহাক্না ফ্রন্তলাইন মফমশিংদা চৎকনি। মহাক্কা লোয়ন্না লান্মীগী মকোক জেনেরেল মনোজ পান্দে অমসুং ইস্তর্ন কমান্দগী জেনেরেল ওফিসার কমান্দিং-ইন-চীফ লেপ্তনেন্ত জেনেরেল আর.পি কালিতা অমসুং অতোপ্পা সেনিয়র ওফিসিএলশিং খোঙচৎ অদুদা শরুক য়াখি।

খোঙচৎ অদুদা, শ্রী রাজনাথ সিংহনা লৈবাক অসিগী খ্বাইদগী নোংপোক থংবা শরুক্তা ওপরেসনগী থৌরাং তৌরিবশিং অদু হন্না য়েংশিনখি। এল.এ.সি পরিংদা পায়খৎলিবা চাউখৎ-থৌরাংগী থবকশিং অমসুং ওপরেসনগী থৌরাং তৌরিবশিংগী মতাংদা রক্ষা মন্ত্রীদা থ্রী কোরগী জেনেরেল ওফিসার কমান্দিং লেপ্তনেন্ত জেনেরেল আর.সি তিৱারি অমসুং অতোপ্পা সেনিয়র ওফিসারশিংনা পাউদমখি। ফ্রান্তলাইনদা লৈরিবা লান্মীশিং মথৌ নিংথিনা পাংথোকপা ঙম্নবা শীজিন্নরিবা অৱাংবা থাক্কী লান্মীগী খুৎশু-খুলায়শিং অমসুং তেক্নোলোজিগী মতাংদশু রক্ষা মন্ত্রীদা পাউদমখি। খুদোংথিনিঙাই ওইরবা ফিবম কয়াদা শিংথানিঙাই ওইরবা থবক কয়া পাংথোকপগীদমক মহাক্না স্পিয়ার কোরগী রেঙ্ক পুম্নমক থাগৎখি।

ওপরেসনগী থৌরাং তৌরিবশিং য়েংশিন্নবা অমসুং লান্মীশিংগা উন্নবা সেপ্তেম্বর ২৯, ২০২২দা রক্ষা মন্ত্রী ফোর্ৱাদ পোস্তশিংদা চৎকনি। মহাক্না মফম অদুগী ইদু মিসমি ত্রাইবকী চহিগী ওইনা অতু পোপুদা পাংথোকপা অনিশুবা রিলিজিয়স এক্সপিদিসন্দা শরুক য়াবা মীওইশিংগা উনগনি। মফম অদুগী মীয়াম মতেং পাংবা ওইনা অমসুং তুরিজম চাউখৎহন্নবা ২০২১দগী হৌনা ভারত লান্মীনা অসিগুম্বা থবকশিং পাংথোক্তুনা লাক্লি।

নুমিৎ হুম্নিগী মহাক্কী খোঙচৎ মনুংদা বি.আর.ওনা পায়খৎলিবা চাউখৎ-থৌরাংগী প্রোজেকশিংশু রক্ষা মন্ত্রীনা হন্না য়েংশিনগনি।

*****