గుజరాత్‌లోని అహ్మదాబాద్‌ వద్ద గల సనంద్ లో కేంద్ర హోం వ్యవహారాలు & సహకార మంత్రి శ్రీ అమిత్ షా నేడు 350 పడకల (500 పడకల వరకు పెంచదగిన) ఈఎస్ఐసీ ఆసుపత్రికి శంకుస్థాపన చేశారు. 350 పడకల ఆసుపత్రిలో ఓపీడీ, ఇండోర్ సౌకర్యాలు, ఎక్స్-రే, రేడియాలజీ, లేబొరేటరీ, ఆపరేషన్ థియేటర్, ప్రసూతి & గైనకాలజీ సౌకర్యాలు, ఐసీయూ, అల్ట్రాసౌండ్ ఇతర ఆధునిక సౌకర్యాలు ఉంటాయి. 9.5 ఎకరాల్లో ఆసుపత్రి నిర్మాణానికి రూ. 500 కోట్లు ఖర్చు అవుతుందని ప్రాథమిక అంచనా. అవసరాన్ని బట్టి త్వర్వాతి కాలంలో 500 పడకల ఆసుపత్రిగా అధునీకరించవచ్చు. ఈ ఆసుపత్రి సనంద్ గ్రామస్తులతో పాటు 12 లక్షల మంది ఉద్యోగులు, వారి కుటుంబాలను చూసుకుంటుందని హోం మంత్రి తెలిపారు.

కేంద్ర హోం మంత్రి శ్రీ అమిత్ షా, ప్రధాన మంత్రి ఆరోగ్య మౌలిక సదుపాయాల పట్ల త్రిముఖ సమగ్ర విధానాన్ని పునరుద్ఘాటించారు; అవి వైద్య మౌలిక సదుపాయాలు మానవ వనరుల విస్తరణతో పాటు, ఆయుష్ వంటి భారతీయ సంప్రదాయ వైద్యాన్ని ప్రధాన స్రవంతిలోకి తీసుకురావడం; సాంకేతికతను ఉపయోగించడం ద్వారా నైపుణ్యం యొక్క లభ్యత విస్తరణ.

కేంద్ర కార్మిక & ఉపాధి, పర్యావరణ, అటవీ & వాతావరణ మార్పుల మంత్రి శ్రీ భూపేందర్ యాదవ్ మాట్లాడుతూ, రాష్ట్ర, పరిపాలన సహకారంతో, ఫలితాలను సమర్థవంతంగా సాధించడం సాధ్యమవుతుందని ఆశాభావం వ్యక్తం చేశారు. 500 పడకల ఆసుపత్రి ఉద్యోగులకే కాకుండా గ్రామస్తులందరికీ అందుబాటులో ఉండే విధంగా, అత్యుత్తమ వైద్య సదుపాయాలతో అత్యాధునిక ఆసుపత్రిగా తీర్చిదిద్దుతామని తెలిపారు. ఏ వ్యక్తికీ ఆరోగ్య సౌకర్యాలు లేకుండా చేయరాదని మంత్రి ఈ సందర్భంగా పేర్కొన్నారు.

"స్వస్త్య సే సమృద్ధి" అనే మంత్రంతో కార్మిక మంత్రిత్వ శాఖను అందించినందుకు ప్రధాన మంత్రికి  కేంద్ర మంత్రి శ్రీ భూపేందర్ యాదవ్ ధన్యవాదాలు తెలిపారు. భారతదేశాన్ని స్వావలంబన దిశగా మార్చడానికి, కార్మిక శక్తిలో పాల్గొనే ప్రతి ఒక్కరూ ఆరోగ్యంగా ఉండటం అత్యవసరమని తెలిపారు. డాక్టర్ బి.ఆర్‌ ప్రారంభించిన 70 ఏళ్ల నాటి ఈఎస్ఐసి పథకం గురించి మంత్రి ప్రస్తావిస్తూ, దాని లక్ష్యాలు చాలా చక్కగా నెరవేరాయని తెలిపారు. ఈఎస్ఐసీ పథకం కింద 3.90 కోట్ల కుటుంబాలు, 12 కోట్ల మంది లబ్ధిదారులు ఉన్నారు. దేశవ్యాప్తంగా 598 జిల్లాల్లో అందుబాటులో ఉందని తెలిపారు. స్వాతంత్ర్యం సిద్ధించి 75 ఏళ్లు పూర్తి చేసుకున్న సందర్భంగా "అజాదీ కా అమృత్ మహోత్సవ్"లో భాగంగా దేశంలోని 750 జిల్లాల్లో ఈఎస్ఐసీ పరిధిని విస్తరించాలని మంత్రిత్వ శాఖ నిర్ణయించింది. మంత్రిత్వ శాఖ 1500 కంటే ఎక్కువ డిస్పెన్సరీలు, 8 వైద్య కళాశాలలు, 160 ఆసుపత్రులు, రెండు దంత కళాశాలలు, ఏడు పీజీ కోర్సులు, 2 నర్సింగ్ సేకరణలు మరియు 9 ఇన్‌స్టిట్యూట్‌లలో డిఎన్‌బీని ప్రారంభించింది. ఈఎస్ఐసీ ఇప్పుడు వృత్తి ప్రాతిపదికన వివిధ రంగాలపై దృష్టి సారించి మహిళా కార్మికుల ఆరోగ్యంపై ప్రత్యేక దృష్టి సారిస్తున్నట్లు మంత్రి తెలిపారు.

350 పడకల ఆసుపత్రిని, 500 పడకల ఆసుపత్రికి అధునీకరణకు చేసేందుకు పునాది వేసిన హోం మంత్రికి శ్రీ భూపీందర్ యాదవ్ కృతజ్ఞతలు తెలిపారు. సనంద్ ఈఎస్ఐసీ కోసం ఆర్కిటెక్చరల్ డిజైన్లను రూపొందించడానికి అహ్మదాబాద్‌లోని అన్ని ఆర్కిటెక్చర్ పాఠశాలలు మరియు కళాశాలల విద్యార్థుల మధ్య పోటీ నిర్వహిస్తున్నట్లు ప్రకటించారు. విజేతకు రూ.లక్ష నగదు బహుమతి, రన్నరప్‌కు రూ.50,000 మరియు తర్వాత అద్భుతంగా వేసిన ముగ్గురు ఆర్కిటెక్‌ట్లకు ఒక్కొక్కరికి రూ.25,000 ఇవ్వనున్నట్లు తెలిపారు. ఆసుపత్రి రోగులకు మరియు స్థానిక గ్రామస్తులకు రాబోయే వందేళ్ల పాటు సేవలను కొనసాగిస్తుందని శ్రీ యాదవ్ తెలిపారు. ఆక్యుపేషన్ సేఫ్టీ కోడ్‌ను రూపొందించడంలో గుజరాత్ ప్రభుత్వం చేస్తున్న ప్రయత్నాలను మంత్రి ప్రశంసించారు. భవనాలు మరియు నిర్మాణ రంగంలోని శ్రామిక శక్తికి తన పరిధిని విస్తరించడానికి ఈఎస్ఐసీ యొక్క సంకల్పాన్ని ఆయన మరింత తెలిపారు. తద్వారా వారికి కూడా అవకాశం లభించి, గౌరవప్రదమైన జీవితాన్ని గడుపుతారని ఆశాభావం వ్యక్తం చేశారు.

గుజరాత్ లో ఈఎస్ఐసీ పథకం

గుజరాత్ లో ఉద్యోగుల రాష్ట్ర బీమా పథకం(ఈఎస్ఐసీ) 04.10.1964 నుంచి అమలు చేస్తున్నారు. ఈ పథకం మొదటి దశలో అహ్మదాబాద్ నగరం, దాని శివారు ప్రాంతాలకు విస్తరించారు. అనంతరం వడోదర, సూరత్, రాజ్‌కోట్, జామ్‌నగర్, అంకలేశ్వర్ మొదలైన అనేక పారిశ్రామిక కేంద్రాలకు విస్తరించారు. రాష్ట్రంలో ఈ పథకం అహ్మదాబాద్ ప్రాంతీయ కార్యాలయం ద్వారా నిర్వహించబడుతుంది. వడోదర మరియు సూరత్‌లో రెండు ఉప ప్రాంతీయ కార్యాలయాలు, 34 బ్రాంచ్ కార్యాలయాలు మరియు భావ్‌నగర్, అంకలేశ్వర్ మరియు వాపిలో 3 డిస్పెన్సరీ-బ్రాంచ్ ఆఫీసర్లను ఏర్పాటు చేశారు. అహ్మదాబాద్, భావ్‌నగర్, గాంధీనగర్, సురేంద్రనగర్, రాజ్‌కోట్, జామ్‌నగర్, మెహసానా, మోర్బి, సబర్‌కాంత, జునాగఢ్ మరియు పోర్‌బందర్ జిల్లాలు అహ్మదాబాద్ ప్రాంతీయ కార్యాలయం పరిధిలోకి వస్తాయి. ఉప ప్రాంతీయ కార్యాలయం వడోదర మధ్య గుజరాత్‌లోని ఐదు జిల్లాల్లో ఈఎస్ఐ పథకాన్ని నిర్వహిస్తోంది. వడోదర, పంచమహల్, ఖేడా, భరూచ్ & ఆనంద్. ఉప ప్రాంతీయ కార్యాలయం సూరత్, సూరత్, నవసారి మరియు వల్సాడి జిల్లాలను నిర్వహిస్తుంది. గుజరాత్‌లోని 33 జిల్లాలలో, 1 జిల్లా ఇప్పుడు పూర్తిగా ఈఎస్ఐ చట్టం కింద అమలు జరుగుతోంది. అంటే వడోదర w.e.f. 01.03.2019, 18 జిల్లాలు పాక్షికంగా అమలు చేయబడుతున్నాయి (R.O. అహ్మదాబాద్ - 11 జిల్లా, ఎస్ఆర్ఓ వడోదర - 5 జిల్లాలు మరియు ఎస్ఆర్ఓ సూరత్ - 3 జిల్లాలు). దాదాపు 68 లక్షల మంది లబ్ధిదారులతో ఈఎస్ఐ పథకం కింద 17.84 లక్షల మంది బీమా పొందిన వ్యక్తులు ఉన్నారు. 3 డిస్పెన్సరీ, బ్రాంచ్ ఆఫీసర్, 07 ఈస్ఐఎస్ ఆసుపత్రులు, 04 ఈఎస్ఐసీ హాస్పిటల్స్, 104 ఈఎస్ఐ డిస్పెన్సరీలు, 1 ఇన్సూరెన్స్ మెడికల్ ప్రాక్టీషనర్ యొక్క మెడికల్ ఇన్‌ఫ్రాస్ట్రక్చర్ ద్వారా వైద్య సదుపాయాలు అందించబడుతున్నాయి. 37 ప్రైవేట్ ఎంప్యానెల్డ్ ఆసుపత్రుల ద్వారా బీమా పొందిన కార్మికులకు సూపర్ స్పెషాలిటీ వైద్య సేవలు అందించబడుతున్నాయి.

భారత్‌లో ఈఎస్ఐ పథకం

ఈఎస్ఐసీ అనేది సహేతుకమైన వైద్య సంరక్షణ వంటి సమగ్ర సామాజిక భద్రతా ప్రయోజనాలను అందించే మార్గదర్శక సామాజిక భద్రతా సంస్థ. ఉపాధి సమయంలో గాయాలు, అనారోగ్యం, మరణం వంటి అవసరమైన సమయాల్లో నగదు ప్రయోజనాలను అందిస్తుంది. ఇది సుమారు 3.39 కోట్ల మంది కార్మికుల కుటుంబాలను కవర్ చేస్తుంది. 13 కోట్ల కంటే ఎక్కువ మంది లబ్ధిదారులకు సాటిలేని నగదు ప్రయోజనాలు మరియు సహేతుకమైన వైద్య సంరక్షణ అందిస్తోంది. నేడు, 1502 డిస్పెన్సరీలు (మొబైల్ డిస్పెన్సరీలతో సహా)/308 ఐఎస్ఎం యూనిట్లు మరియు 160 ఈఎస్ఐ హాస్పిటల్స్, 15 వైద్య సంస్థలు, 744 బ్రాంచ్/పే ఆఫీసులు మరియు 64 ప్రాంతీయ & ఉప-ప్రాంతీయ కార్యాలయాలతో దాని మౌలిక సదుపాయాలు అనేక రెట్లు పెరిగాయి.

కార్మిక & ఉపాధి మరియు పెట్రోలియం & సహజ వాయువు శాఖ సహాయ మంత్రి శ్రీ రామేశ్వర్ తేలి, గుజరాత్ ఆరోగ్య & కుటుంబ సంక్షేమం, వైద్య విద్య, జలవనరులు మరియు నీటి సరఫరా మంత్రి శ్రీ రుషికేష్ గణేష్ భాయ్ పటేల్, రాష్ట్ర కార్మిక, నైపుణ్యాభివృద్ధి & ఉపాధి, పంచాయతీ (స్వతంత్ర బాధ్యత), గ్రామీణ గృహనిర్మాణం మరియు గ్రామీణాభివృద్ధి, గుజరాత్ ప్రభుత్వం, శ్రీ బ్రిజేష్ మెర్జా,  ఆరోగ్య & కుటుంబ సంక్షేమం మరియు వైద్య విద్య, గిరిజన అభివృద్ధి మంత్రి శ్రీమతి. నిమిషా బెన్ మన్హర్‌సిన్హ్ సుతార్, గుజరాత్‌కు చెందిన శ్రీ కనుభాయ్ కరమ్‌షీభాయ్ పటేల్, ఎమ్మెల్యే సనంద్ కూడా కార్మిక & ఉపాధి మంత్రిత్వ శాఖ సీనియర్ అధికారులతో పాటు పాల్గొన్నారు.

*****