وزیراعظم کا دفتر
وزیر اعظم 23 ستمبر کو تمام ریاستوں کے وزرائے ماحولیات کی قومی کانفرنس کا افتتاح کریں گے
کانفرنس کا مقصد مرکزی اور ریاستی حکومتوں کے درمیان ماحولیات سے متعلق طرز زندگی، ماحولیاتی تبدیلی، پلاسٹک کے کچرے کے نمٹارہ، جنگلی حیات اور جنگل کے انتظام کے موضوعات پر مزید ہم آہنگی پیدا کرنا ہے
Posted On:
21 SEP 2022 4:29PM by PIB Delhi
وزیر اعظم جناب نریندر مودی 23 ستمبر، 2022 کو صبح 10:30 بجے ویڈیو کانفرنسنگ کے ذریعے گجرات کے ایکتا نگر میں منعقد ہونے والی وزرائے ماحولیات کی قومی کانفرنس کا افتتاح کریں گے۔ اس موقع پر وہ وہاں پر موجود مجمع سے خطاب بھی کریں گے۔
یہ کانفرنس، تعاون پر مبنی وفاقیت کے جذبے کو آگے بڑھاتے ہوئے مرکزی اور ریاستی حکومتوں کے درمیان مزید ہم آہنگی پیدا کرنے کے لیے بلائی جا رہی ہے تاکہ کثیر جہتی طریقے اپناتے ہوئے پلاسٹک سے متعلق آلودگی کو ختم کرنے، لائف یعنی ماحولیات سے متعلق طرز زندگی پر توجہ مرکوز کرتے ہوئے ماحولیاتی تبدیلی سے نمٹنے جیسے موضوعات کے بارے میں بہتر پالیسیاں بنائی جا سکیں۔ یہ کانفرنس تباہ شدہ زمین کی بحالی اور جنگلی حیات کے تحفظ پر زور دیتے ہوئے جنگلات کے رقبہ میں اضافہ پر بھی توجہ مرکوز کرے گی۔
23 اور 24 ستمبر کو منعقد ہونے والی اس دو روزہ کانفرنس کے چھ موضوعاتی اجلاس ہوں گے، جس میں لائف، ماحولیاتی تبدیلی سے مقابلہ (اخراج کو کم کرنے اور موسمیاتی اثرات سے موافقت کے لیے ماحولیاتی تبدیلی سے متعلق ریاستی ایکشن پلان کو اپ ڈیٹ کرنا)؛ پریویش (مربوط گرین کلیئرنس کے لیے سنگل ونڈو سسٹم)؛ جنگلات کا انتظام؛ آلودگی کی روک تھام اور کنٹرول؛ جنگلی حیات کا انتظام؛ پلاسٹک اور کچرے کا انتظام جیسے موضوعات کا احاطہ کیا جائے گا۔
*****
ش ح – ق ت – ت ع
U: 10521
(Release ID: 1861213)
Visitor Counter : 192
Read this release in:
Marathi
,
English
,
Hindi
,
Manipuri
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam