প্রধান মন্ত্রী শ্রী নরেন্দ্র মোদীনা ২০.০৯.২০২২দা পি.এম. কেয়র্স ফন্দগী বোর্দ ওব ত্রস্তীজগী মীফমদা ময়াই তাংবল লৌখ্রে।

অঙাং ৪৩৪৫পু শৌঙাক পীরিবা পি.এম. কেয়র্স ফোর চিল্দ্রেন স্কিম য়াওনা পি.এম. কেয়র্স ফন্দগী মতেংনা পায়খৎখ্রবা থৌরাংশিংগী মতাংদা প্রজেন্তেসন অমসু শেমখি। লৈবাক অসিনা অরুবা তানফম অমদা লৈরিঙৈ মনুংদা ফন্দ অসিনা লৌরিবা মরুওইবা থৌদাংশিংবু ত্রস্তীশিংনা শিংথাখি। প্রধান মন্ত্রী শ্রী নরেন্দ্র মোদীনা ভারতকী মীয়াম্বু পি.এম. কেয়র্সতা থৱাই হকচাং য়াওনা তেংবাংবীবগীদমক থাগৎখি।

পি.এম. কেয়র্সনা রিলিফকী খুদক্কী ওইবা অৱাবদা মপুং ওইনা চেনশিন্দুনা মতেং তৌনবা হোৎনরদুনা মতেং পাংবদা নত্তনা, খোংথাং কয়া অমসুং কেপাসিতী বিল্দিংগী থবকশিং লৌখৎলি হায়না পুথোক্তুনা খন্নখি। প্রধান মন্ত্রীনা ত্রস্তীশিংবু পি.এম. কেয়র্স ফন্দগী মরুওইবা শরুক অমা ওইবীবগীদমক তরাম্না ওকখি।

মীফম অসিদা পি.এম. কেয়র্স ফন্দগী ত্রস্তীশিং হায়বদি কেন্দ্রগী গৃহ মন্ত্রী অমসুং কেন্দ্রগী শেলথুম মন্ত্রীসু শরুক য়াখি, পি.এম. কেয়র্স ফন্দগী নোমিনেৎ তৌরবা অনৌবা ত্রস্তীশিং:

• জস্তিস কে.তি. থোমাস, হান্নগী জজ, সুপ্রিম কোর্ত,
• শ্রী কারিয়া মুন্দা, হান্নগী দিপ্যুতী স্পীকর,
• শ্রী রতন তাতা, চীয়র্মেন এমেরিতস, তাতা সন্স,

ত্রস্ত অসিনা মখা তানা মখাগী শক্নাইরবা মীওইশিং অসিবু পি.এম. কেয়র্স ফন্দগী  এদভাইজরী বোর্দতা নোমিনেৎ তৌনবা ৱারেপ লৌখিঃ

• শ্রী রজিব মেহরিশি, হান্নগী কম্পত্রোল্লর অমসুং ওদিতর জেনরেল ওব ইন্দিয়া
• শ্রীমতি সুধা মুর্থি, তিচ ফোর ইন্দিয়াগী কো-ফাউন্দর অমসুং হান্নগী ইন্দিকোর্প অমসুং পিরামল ফান্দেসনগী সি.ই.ও.

প্রধান মন্ত্রীনা হায়খি মদুদি অনৌবা ত্রস্তী অমসুং এদভাইজরশিংনা শরুক য়ারকপা হায়বসিনা পি.এম. কেয়র্স ফন্দ চলাইবদা হেন্না পাকথোক চাউথোকহনবা ঙম্লগনি। মখোয়দা লৈরিবা পব্লিক্কী ওইবা পুন্সিগী খঙ হৈবশিংনা ফন্দ অসিবু হেন্না মীয়ামগী অপাম্বা পীনবা হোৎনবদা হেন্না মায় পাকহল্লগনি।

***************