مکانات اور شہری غریبی کے خاتمے کی وزارت
azadi ka amrit mahotsav g20-india-2023

مکانات اور شہری امور کی وزارت، صفائی ستھرائی اور فضلہ کے انتظام کے شعبے میں ہندوستانی اسٹارٹ اپس کو تقویت فراہم کرنے کے لئے تیار ہے


سوچھتا اسٹارٹ اپ چیلنج کے ذریعے 30 اسٹارٹ اپس کی شناخت کی گئی

‘‘ہمارے اسٹارٹ اپ کھیل کے اصولوں کو بدل رہے ہیں۔ اس لیے مجھے یقین ہے کہ اسٹارٹ اپس نئے ہندوستان کی ریڑھ کی ہڈی ثابت ہوں گے’’: وزیراعظم نریندر مودی

Posted On: 19 SEP 2022 6:11PM by PIB Delhi

دنیا میں تیسرے سب سے بڑے اسٹارٹ اپ ایکو سسٹم کے طور پر ہندوستان کی پوزیشن مزید فروغ پانے کے لیے تیار ہے، ہاؤسنگ اور شہری امور کی وزارت (ایم او ایچ یو اے) صفائی ستھرائی اور کچرے کے انتظام کے شعبے کو مضبوط بنانے کے لیے اسٹارٹ اپس کو فنڈز اور انکیوبیشن سپورٹ فراہم کرنے کی تیاری کر رہی ہے۔

20 ستمبر 2022 کو مکانات اور شہری امور کی وزارت نئی دہلی کے امبیڈکر انٹرنیشنل سینٹر میں منعقد ہونے والے ایک کنکلیو میں ان 30 اسٹارٹ اپس کو اعزاز دے گا۔ دن بھر جاری رہنے والی یہ کانفرنس اسٹارٹ اپس کو تجربے، علم اور سیکھنے کا خزانہ فراہم کرنے کا ایک پلیٹ فارم بھی ہوگا جو انہیں اس شعبے میں اپنے راستے پر گامزن ہونے اور کامیابی کے ساتھ اپنے حل کو پیمانے پر لے جانے میں مدد فراہم کرے گا۔ دن کی بحث کے ایک حصے کے طور پر کچھ شہری مقامی بلدیاتی ادارے مخصوص زمینی سطح کے چیلنجز کو اجاگر کرنے کے لیے‘ریورس پچز’ میں مشغول ہوں گے، تاکہ اسٹارٹ اپس کو چیلنجوں کے اختراعی حل تلاش کرنے پر کام کرنے کی ترغیب دی جا سکے۔ حکومت کے طویل مدتی نقطہ نظر کو آگے بڑھاتے ہوئے کچھ شہری مقامی بلدیاتی ادارے نے بھی چنندہ اسٹارٹ اپس کے ساتھ شراکت میں دلچسپی ظاہر کی ہے اور انہیں سہولتوں کی تعمیر، بازار کے خریداروں کے روابط وغیرہ کے لیے جگہ کی شکل میں مدد فراہم کی ہے، تاکہ ان کے حل کو زمین پر اتارا جا سکے۔  دن بھر جاری رہنے والے اس پروگرام میں سیکھنے اور نیٹ ورکنگ کی سرگرمیاں، 30 اسٹارٹ اپس کی جانب سے ان کے حل کی نمائش، کوڑے سے پاک شہروں کے لیے اسٹارٹ اپس کو فروغ دینے کے لیے پالیسی اقدامات پر بحث اور یونی کارنز کے بانی اور کاروباری افراد کی کامیابی کی کہانیوں کا اشتراک بھی شامل ہوگا۔

سوچھ بھارت مشن – شہری جو مکانات اور شہری امور کی وزارت کے ذریعے نافذ کیا جا رہا ہے، مقامی طور پر اختراع شدہ، قابل عمل حل اور کاروباری ماڈلز کو اپنانے اور کچرے کے انتظام میں سرکلرٹی کو فروغ دینے کے لیے اسٹارٹ اپس کے لیے اختراعات اور حوصلہ افزائی پر خصوصی توجہ فراہم کرتا ہے۔ اس طویل مدتی نقطہ نظر کے ساتھ تال میل میں مکانات اور شہری امور کی وزارت نے جنوری 2022 سے سوچھ بھارت مشن-شہری کے دائرہ کار کے تحت،ایجنسی فرانسیز ڈی ڈیولپمنٹ (اے ایف ڈی)اور ڈی پی آئی آئی ٹی (صنعت اور داخلی تجارت کے فروغ کے محکمے) کے ساتھ شراکت میں سوچھتا اسٹارٹ اپ چیلنج شروع کیا تھا۔ چیلنج کا مقصد ہندوستان میں فضلات کے بندوبست کے سیکٹر کی کاروباری صلاحیت کو بروئے کار لانا اور صنعتوں کی ترقی کے لیے ایک قابل ماحول کو فروغ دینا ہے۔ دلچسپ بات یہ ہے کہ مکانات اور شہری امور کی وزارت نے دسمبر 2021 میں متعارف کرائے گئے سوچھ ٹیکنالوجی چیلنج کے ذریعے ایک بہترین طریقہ کار اختیار کیا تھا۔ ٹیکنالوجی چیلنج نے صفائی کے شعبے میں کام کرنے والے تمام اسٹیک ہولڈرز بشمول این جی اوز،سی ایس اوز، تعلیمی اداروں اور اسٹارٹ اپس سے اندراجات اور حل طلب کیے تھے۔ ٹکنالوجی چیلنج میں اسٹارٹ اپس سے موصول ہونے والی جیتنے والے اندراجات کو جنوری 2022 میں سوچھتا اسٹارٹ اپ چیلنج میں حصہ لینے کی اجازت دی گئی۔

اسٹارٹ اپ چیلنج نے صفائی ستھرائی اور فضلہ کے انتظام کے شعبے میں تنظیموں سے چار زمروں میں اندراجات طلب کیے تھے۔ (i) سماجی شمولیت، (ii) صفر ڈمپ، (iii) پلاسٹک فضلات کے بندوبست اور (iv) ڈیجیٹل قابلیت کے ذریعے شفافیت۔ خواہشمند اسٹارٹ اپس سے کل 244 اندراجات موصول ہوئے، جن میں سے 30 اسٹارٹ اپس کو 20 ممبران کے جیوری پول کے ذریعے شارٹ لسٹ کیا گیا جو سرکردہ تعلیمی اداروں اور انکیوبیٹرز، صنعت اور حکومتی اداروں سے تیار کیے گئے تھے۔ 30 میں سے مجموعی طور پر 10 سرفہرست فاتحین کی نشاندہی کی گئی ہے، جن میں سے ہر ایک کو سیڈ فنڈنگ ​​اور فرنچ ٹیک سے وقف انکیوبیشن مدد ملے گی، جو فرانسیسی حکومت کی جانب سے اسٹارٹ اپس کو فروغ دینے کا اقدام ہے۔

سوچھتا اسٹارٹ اپ کنکلیو کا انعقاد مکانات اور شہری امور کی وزارت کے ذریعے منعقد کیے جانے والے سوچھ امرت موہتسو کے ایک حصے کے طور پر کیا جارہا ہے۔ 17 ستمبر 2022 سے 2 اکتوبر 2022 تک جب ہندوستان سووچھ بھارت مشن-شہری کی کامیابیوں کے آٹھ سال کا جشن منا رہا ہے، اور اس کی پہلی سالگرہ تک سووچھ بھارت مشن-شہری 2.0 یکم اکتوبر 2022 کو منایا جائے گا۔ کنکلیو میں تقریباً 600 شرکاء کی شرکت متوقع ہے، جس میں اس شعبے کے معروف اسٹارٹ اپس اور یونی کارنز، شہر کے منتظمین، سرمایہ کار، اکیڈمیا، حکومتی ادارے اور صنعتیں، شعبے کے شراکت دار، صنعت کے ماہرین،ڈی پی آئی آئی ٹی کے نمائندے، حکومت۔ بھارت،ایف آئی سی سی آئی،سی آئی آئی، اور دیگر ایسوسی ایشنز کے نمائندے شامل ہیں۔

یہ اعزاز ہاؤسنگ اور شہری امور کے وزیر مملکت جناب کوشل کشور عطا کریں گے۔ مکانات اور شہری امور کی وزارت کے سکریٹری جناب منوج جوشی، ہندوستان میں فرانس کے سفیر ایمینوئل لینین اور اے ایف ڈی کے کنٹری ڈائریکٹر برونو بوسلے بھی کانفرنس میں موجود ہوں گے۔

 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

ش ح۔ م ع۔ع ن

 (U: 10434)



(Release ID: 1860737) Visitor Counter : 104


Read this release in: English , Hindi , Punjabi , Telugu