સંચાર, ઈલેક્ટ્રોનિક્સ અને ઈન્ફોર્મેશન ટેકનોલોજી અને રેલ્વે મંત્રી શ્રી અશ્વિની વૈષ્ણવે કહ્યું છે કે દેશના દરેક ઘર સુધી કનેક્ટિવિટી સુનિશ્ચિત કરવા અને કવરેજની ગુણવત્તામાં સુધારો કરવાના સામાન્ય ધ્યેયોમાં વિભાગીય અધિકારીઓની માનસિકતામાં નિયમનકારીતાથી વિકાસલક્ષી સુધી સભાન પરિવર્તનની જરૂર છે. તેઓ ગઈ કાલે અહીં ફિલ્ડ ઑફિસર્સ, ડિપાર્ટમેન્ટલ હેડક્યૂ ઑફિસર્સ અને ઈન્ડસ્ટ્રીના પ્રતિનિધિઓની 2-દિવસીય કોન્ફરન્સને સંબોધન કરી રહ્યા હતા. આ પરિષદનું ઉદ્ઘાટન સંચાર રાજ્ય મંત્રી શ્રી દેવુસિંહ ચૌહાણ દ્વારા સવારના સત્રમાં કરવામાં આવ્યું હતું અને બપોરના સત્રમાં ટેલિકોમ ક્ષેત્રને લગતા વિવિધ મુદ્દાઓ પર સંયુક્ત હિતધારકોના કાર્યકારી જૂથોના તારણો અને ભલામણો સંચાર મંત્રી શ્રી અશ્વિની વૈષ્ણવ અને સંચાર રાજ્ય મંત્રી સમક્ષ રજૂ કરવામાં આવ્યા હતા.

શ્રી અશ્વિની વૈષ્ણવે સાર્વત્રિક ડિજિટલ સમાવેશમાં ગુણવત્તાયુક્ત ટેલિકોમ કનેક્ટિવિટીના મહત્વ પર, ખાસ કરીને ડિજિટલ અર્થતંત્રના સંદર્ભમાં ધ્યાન દોર્યું. તેમણે જણાવ્યું હતું કે, ક્ષેત્રમાં અને મુખ્ય મથક ખાતેના વિભાગીય અધિકારીઓ અને ઉદ્યોગ અને શિક્ષણવિદો સાથેનો સહયોગ જ ટેલિકોમ ક્ષેત્રને ટેક્નોલોજીના બદલાતા સ્વભાવ સાથે આગળ ધપાવી શકે છે. વર્તમાન વિન્ટેજ ટેલિકોમ એક્ટને બદલવા માટે મજબૂત અને ભાવિ-તૈયાર ટેલિકોમ કાયદાની જરૂરિયાત છે અને આ સંબંધમાં ડ્રાફ્ટ ટૂંક સમયમાં પરામર્શ/પ્રતિસાદ માટે જાહેર ડોમેનમાં મૂકવામાં આવશે, એમ તેમણે ઉમેર્યું.

અગાઉ; કોન્ફરન્સનું ઉદ્ઘાટન કરતી વખતે, શ્રી દેવુસિંહ ચૌહાણે 5 ટ્રિલિયનની અર્થવ્યવસ્થા તરફ દેશની પ્રગતિમાં ટેલિકોમની ભૂમિકા પર પણ પ્રકાશ પાડ્યો હતો. તાજેતરના સફળ 5G હરાજી અને અન્ય ટેલિકોમ સુધારાઓ પર વિભાગ અને તમામ હિતધારકોની પ્રશંસા કરતાં, તેમણે આશા વ્યક્ત કરી કે આ પરિષદ ટેલિકોમ વૃદ્ધિની વાર્તાને આગળ લઈ જવા માટે અમલીકૃત વિચારો અને ઉકેલો જનરેટ કરશે.

કોન્ફરન્સ 15મી સપ્ટેમ્બર, 2022ના રોજ પણ ચાલુ રહેશે જેમાં ટેલિકોમ સેક્ટરમાં સંબંધિત મુદ્દાઓ પર કેન્દ્રીત જૂથ ચર્ચાઓ અને પ્રસ્તુતિઓ હશે.

YP/GP/NP

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com