ਅਗਸਤ 2022 ਦੇ ਅੰਤ ਵਿੱਚ ਭਾਰਤੀ ਰੇਲ ਦਾ ਕੁੱਲ ਰੈਵਨਿਊ 95,486.58 ਕਰੋੜ ਰੁਪਏ ਸੀ, ਜੋ ਪਿਛਲੇ ਸਾਲ ਦੀ ਇਸੇ ਮਿਆਦ ਦੀ ਤੁਲਨਾ ਵਿੱਚ 26271.29 ਕਰੋੜ ਰੁਪਏ (38 ਫੀਸਦੀ) ਦਾ ਵਾਧਾ ਦਰਸ਼ਾਉਂਦਾ ਹੈ।

ਯਾਤਰੀ ਟ੍ਰੈਫਿਕ ਤੋਂ ਰੈਵਨਿਊ ਪਿਛਲੇ ਸਾਲ ਦੀ ਇਸ ਮਿਆਦ ਦੀ ਤੁਲਨਾ ਵਿੱਚ13,574.44 ਕਰੋੜ ਰੁਪਏ (116%) ਦੇ ਵਾਧੇ ਦੇ ਨਾਲ 25,276.54 ਕਰੋੜ ਰੁਪਏ ਸੀ। ਰਾਖਵੇਂ ਅਤੇ ਗ਼ੈਰ-ਰਾਖਵੇਂ ਦੋਵੇਂ ਖੰਡਾਂ ਵਿੱਚ ਪਿਛਲੇ ਸਾਲ ਦੀ ਤੁਲਨਾ ਵਿੱਚ ਯਾਤਰੀ ਟ੍ਰੈਫਿਕ ਵਿੱਚ ਵੀ ਵਾਧਾ ਹੋਇਆ ਹੈ। ਲੰਬੀ ਦੂਰੀ ਦੀਆਂ ਰਾਖਵੀਆਂ ਮੇਲ ਐਕਸਪ੍ਰੈੱਸ ਟ੍ਰੇਨਾਂ ਦੀ ਤੁਲਨਾ ਵਿੱਚ ਯਾਤਰੀ ਅਤੇ ਉੱਪਨਗਰੀ ਟ੍ਰੇਨਾਂ ਵਿੱਚ ਜ਼ਿਆਦਾ ਵਾਧਾ ਹੋਇਆ ਹੈ।

ਹੋਰ ਕੋਚਿੰਗ ਰੈਵਨਿਊ 2437.42 ਕਰੋੜ ਰੁਪਏ ਸੀ, ਜੋ ਪਿਛਲੇ ਸਾਲ ਦੀ ਇਸ ਮਿਆਦ ਦੀ ਤੁਲਨਾ ਵਿੱਚ 811.82 ਕਰੋੜ ਰੁਪਏ (50 ਫੀਸਦੀ) ਦਾ ਵਾਧਾ ਦਰਸ਼ਾਉਂਦਾ ਹੈ। ਭਾਰਤੀ ਰੇਲ ਦੇ ਪਾਰਸਲ ਖੰਡ ਵਿੱਚ ਮਜ਼ਬੂਤ ਵਾਧੇ ਨਾਲ ਇਸ ਵਾਧੇ ਵਿੱਚ ਤੇਜ਼ੀ ਆਈ ਹੈ।

ਇਸ ਸਾਲ ਅਗਸਤ ਤੱਕ ਮਾਲ ਢੁਆਈ ਤੋਂ ਪ੍ਰਾਪਤ ਰੈਵਨਿਊ 65,505.02 ਕਰੋੜ ਰੁਪਏ ਸੀ ਅਤੇ ਪਿਛਲੇ ਸਾਲ ਦੀ ਇਸ ਮਿਆਦ ਦੀ ਤੁਲਨਾ ਵਿੱਚ 10,780.03 ਕਰੋੜ ਰੁਪਏ (20 ਫੀਸਦੀ) ਦਾ ਵਾਧਾ ਹੋਇਆ ਹੈ। ਇਹ ਇਸ ਮਿਆਦ ਦੇ ਦੌਰਾਨ 58 ਐੱਮਟੀ ਤੋਂ ਜ਼ਿਆਦਾ ਦੀ ਇੰਕਰੀਮੈਂਟਲ ਲੋਡਿੰਗ ਅਤੇ ਐੱਨਟੀਕੇਐੱਮ ਵਿੱਚ 18 ਫੀਸਦੀ ਦੇ ਵਾਧੇ ਦੇ ਬਲ ’ਤੇ ਪ੍ਰਾਪਤ ਕੀਤਾ ਗਿਆ ਹੈ। ਇਸ ਮਿਆਦ ਵਿੱਚ ਕੋਲਾ  ਆਵਾਜਾਈ ਤੋਂ ਇਲਾਵਾ ਅਨਾਜ, ਖਾਦ, ਸੀਮੈਂਟ, ਖਣਿਜ ਤੇਲ, ਕੰਟੇਨਰ ਆਵਾਜਾਈ ਅਤੇ ਹੋਰ ਸਾਮਾਨਾਂ ਦਾ ਮਹੱਤਵਪੂਰਨ ਯੋਗਦਾਨ ਰਿਹਾ ਹੈ।

ਵੱਖ-ਵੱਖ ਰੈਵਨਿਊ 2267.60 ਕਰੋੜ ਰੁਪਏ ਸੀ, ਜੋ ਪਿਛਲੇ ਸਾਲ ਦੀ ਇਸ ਮਿਆਦ ਦੀ ਤੁਲਨਾ ਵਿੱਚ 1105 ਕਰੋੜ ਰੁਪਏ (95 ਫੀਸਦੀ) ਦਾ ਵਾਧਾ ਦਰਸ਼ਾਉਂਦਾ ਹੈ।

ਅਗਸਤ 2022 ਦੇ ਅੰਤ ਵਿੱਚ ਰੇਲਵੇ ਰੈਵਨਿਊ ਦੀ ਸਥਿਤੀ ਦਾ ਸੰਖੇਪ ਹੇਠਾਂ ਦਿੱਤਾ ਗਿਆ ਹੈ:

************

ਵਾਈਬੀ/ ਡੀਐੱਨਐੱਸ