ৱাতর রিসোর্স, রিভর দিবেলপমেন্ত অমসুং গঙ্গা রিজুভেনেসন বিভাগ, জল শক্তি মন্ত্রালয়না 'ৱাতর হিরোজঃ অদোমগী ৱারী শেয়র তৌবীয়ু' চাংদম্নবা হৌদোকখি। মায়গোব পোর্তেলদা ০১.১২.২০২১দা অহুমশুবা ইদিসন হৌদোকখি অমসুং ৩০.১১.২০২২দা লোইশিনখি। অহানবা ইদিসন অদু ০১.০৯.২০১৯দগী ৩০.০৮.২০২০ ফাওবা হৌদোকখি। অনিশুবা ইদিসননা ১৯.০৯.২০২০ দগী ৩১.০৮.২০২১ ফাওবা হৌদোকখি।

চাংদম্নবা অসিগী পান্দমদি ঈশিংগী মমল ঙাকপনি অমসুং মরুওইনা লৈবাক পুম্বদা ঈশিং কন্নবা অমসুং তুং কোইনা ঈশিংগী রিসোর্সশিংবু চাউখৎহন্নবগী থবক্তা শৌগৎপনি। ইকাইখুম্নজরিবা প্রধান মন্ত্রী নরেন্দ্র মোদীগী মঙলানগা চুন্ননা, য়াম্লবা মীয়াম্বু লৈবাক অসিদা ঈশিং কন্নবগী থবক্তা মায় ওনশিলহনগদবনি। চাংদম্নবসিগী পান্দমদি ৱাখল লৌশিং হেনগৎহন্দুনা অমসুং ঈশিংগী হিরোশিংগী খঙ হৈবশিং লান্থোক্ন্দুনা ঈশিং কন্নবগী মরমদা মীয়াম ভাপ তাহনবনি; অমসুং স্তেকহোল্দর খুদিংদা অহোংবা লমচৎ অমা পুরক্নবা ঈশিং কন্নবগী এতিত্যুদ অমা শেমগৎনবা হোৎনবনি।

ওগস্ত ২০২২গী ওইনা, মায় পাক্লবা মীওই তরুক লৈ, মখোয়না লুপা ১০,০০০/-গী শেলগী মনা অমসুং সর্তিফিকেৎ অমা ফংগনি, অকুপ্পা মরোলশিং মখাদা পীরিঃ

১. দিভ্যান্স তোন্দোনঃ

মহাক মীরুত্তগীনি, 'পানি পঞ্চায়ত' কৌবা কেম্পেন অমগা মরী লৈনৈ, মসিগী মখাদা মখোয়না তোঙান-তোঙানবা খুঙ্গংশিং, লম্বীশিং, শহর, মহৈলোইশঙ, লৈকাই লমদম কয়াদা চত্তুনা মীয়াম্বু ভাপ তাহন্নবা হোৎনরি। মহাক্না (মীরুত কেন্ত) সার্থি সোসিএল ৱেলফিয়র সোসাইতীগী ভাইস প্রেজিদেন্ত ওইরি।

২. ভিনয় ভিশ্বানাথ গাৱাস

মহাক গোৱাগী কেরি সত্তারিগী কেলাৱারে খুঙ্গংদা রুফতোপ রেনৱাতর হার্ভেস্তিং অমসুং বোরৱেল রিচার্জকী কেম্পেন অমগী গোৱাদগী প্রোজেক্ত দিরেক্তর অমনি। প্রোজেক্ত অসি তেরিগা খুৎশম্নদুনা পায়খৎপনি হায়রি।

৩. অমিত

মহাক মলাকপুরা, জালোন, য়ু.পি.গী গ্রাম প্রধান অমনি অমসুং মহাক দিল্লীদা জর্নেলিস্ত অমা ওইরম্মি। মহাক্না খুঙ্গংগী প্রাইমরী স্কুলশিংদা অফবা চীঞ্জাকশিং পীবা, উ থাবগী থবক পায়খৎপা, অকোইবা কন্নবা হোৎনবা অমসুং সেদিমেন্তেসনগী থৌওংনা ঈশিং শেংদোক্নবগী থবকশিং পায়খৎখি।

৪. ববিতা রাজপুত ঘুৱারা

মহাক চত্তরপুর, মধ্য প্রদেশতগীনি। মহাক্না চেক দেম মরি শাবা, অমসুং আউৎলেৎ অনি অমসুং বোরি বন্দহান শাবদা শরুক য়াখি।

৫. অনুরাগ পতেল

অনুরাগ পতেল, বন্দাগী দিস্ত্রিক্ত মেজিস্ত্রেৎ অমনি, মহাক্না ঈশিং কন্নবগীদমক অচৌবা কেম্পেন অনি পায়খৎখি – 'জল সঞ্চয়, জীবন সঞ্চয়' অমসুং 'জল কুম্ভী হতাও-তলব বচাও অভিয়ান'। মহাক্না পুখ্রী ১২৬তগী কঙ হৌথোক্নবা থবক পায়খৎখি। মহাক্না চন্দ্রৱাল তুরেলবু রিনোভেসনগীদমক অহেনবা মাইলশিং তৌথোক্তুনা হিংগৎহন্নবা হোৎনখি। মহাক্না হোৎনবদগী মির্জাপুরদা পুখ্রী ৬৬৪ অমসুং জনপদ ফরুখাবাদতা ১০১ হিংগৎহনখি।

৬. স্নেহলতা শর্ম

স্নেহলতা শর্ম শিভপুরি জিলা ব্লোদ বদরৱাস, পিপারোধা খুঙ্গংদগীনি, মহাক্না চহি ১রোমসিদা ঈশিং কন্নবা অমসুং য়েংশিন্নবা শীংথানিংঙাই ওইরবা থবক কয়া অমা পায়খৎখি। খুঙ্গংশিংদা ঈশিং অমসুং মসিবু কন্নবগীদমক মীয়াম ভাপ তাহন্নবগীদমক মহাক্না নুপীশিংবু মাংজিল থানা পুখৎখি। মহাক্না লৌবুকশিংদা ঈশিং কা হেন্না চঙদবা মহৈ মরোংশিং থানবা হোৎনখি।

চাংদম্নবসি থা খুদিংগী পাঙথোকই অমসুং মসি মাইগোব পোর্তেলদা উবা ফংগনি। চাংদম্নবসিদা শরুক য়ানবগীদমক, কনাগুম্বা অমনা মখোয়গী ঈশিং কন্নবগী হীরমদা মায় পাকপগী ৱারীশিংবু মিনিৎ ১-৫ ফাওবা শাংবা ভিদিও শেমদুনা অমসুং ৱাহৈ ৩০০ মুক ওইবা অইবা অমগা লোইননা থবক অদুবু উৎপা ফোতোগ্রাফ/ফোতো খরগা হাপতুনা থাজিনবা তঙাইফদে। মসিগী মথক্তা, শরুক য়ারিবশিংনা মখোয়গী ভিদিও (য়ুত্যুবকী লিঙ্ক য়াওনা) অদু মাইগোব পোর্তেল (www.mygov.in) দা শেয়র তৌবা য়াগনি। মসিগী মথক্তা, এন্ত্রীশিং অসি waterheroes.cgwb[at]gmail[dot]com দা থাজিনবা য়াগনি।

***************