কোওপরেসন মন্ত্রালয়
প্রধান মন্ত্রী শ্রী নরেন্দ্র মোদীগী লুচিং মখাদা, কোওপরেতিব সেক্তর চাওখৎহন্নবা অনৌবা ইনোৎ অমা হাপ্ননবা অমদি কোওপরেসন্দগী ৱাত্ত-পাদবা ফীভম লাকহন্নবগী মঙলান মঙফাওনহন্নবগী পান্দমদা জুলাই ৬, ২০২১দা অনৌবা কোওপরেসন মন্ত্রালয় অমা লিংখৎখি
লৈবাকসিগী অহানবা কোওপরেসন মন্ত্রী, শ্রী অমিত সাহগী লমজিং মখাদা কোওপরেসন মন্ত্রালয়না স্তেত পুম্নমক্কী লৈঙাকশিং অমসুং অতৈ স্তেকহোল্দরশিংগা খুৎশম্ননা চৎমিন্নদুনা কোওপরেতিব সেক্তর চাওখৎহন্নবা লেপ্পা লৈতনা হোৎনরি
হীরম অসিদা, কোওপরেসন মন্ত্রালয়না সেপ্তেম্বর ০৮-০৯, ২০২২দা নই দিল্লীগী বিজ্ঞান ভবন্দা নুমিৎ নিনিগী ওইবা স্তেত কোওপরেসন মন্ত্রীশিংগী কন্ফরেন্স অমা পাঙথোকখি
ঙরাং কন্ফরেন্সকী অহানবা নুমিত্তা, স্তেতশিংগী কোওপরেসন মন্ত্রীশিং, য়ু.তি.শিংগী লেফ্তনেন্ত গভর্নরশিং অমসুং মকোক থোংবা ওফিসিএলশিংনা কোওপরেসনগা মরী লৈনবা সেক্তর কয়াগী মরমদা মখোয়গী ৱাখল্লোন ফোঙদোক্নখি
নুমিৎ নিনিগী কন্ফরেন্স অদুদা স্তেত ২১গী কোওপরেসন মন্ত্রীশিং, য়ু.তি. ২গী লেফ্তনেন্ত গভর্নরশিং অমসুং অতৈ মীথুং অমসুং এক্সপর্তশিংনা কোওপরেতিব সেক্তর মপাঙ্গল কনখৎহন্নবগীদমক মখোয়গী ৱাখল্লোনশিং অমসুং সজেসনশিং পুথোক্নখি
নেস্নেল কোওপরেসন পোলিসী, নেস্নেল কোওপরেতিব দেতাবেজ অমসুং কোওপরেসন মন্ত্রালয়গী নৌনা প্রপোজ তৌবা স্কীমশিং য়াওনা তোঙান তোঙানবা মরুওইবা হীরমশিংদা কুপ্না খন্নখি
ভারত লৈঙাক্না মালেমগী কৈথেলদা থাদিগী পোত্থোক, হেন্দিক্রা
Posted On:
10 SEP 2022 8:55AM by PIB Imphal
প্রধান মন্ত্রী শ্রী নরেন্দ্র মোদীগী লুচিং মখাদা, কোওপরেতিব সেক্তর চাওখৎহন্নবা অনৌবা ইনোৎ অমা হাপ্ননবা অমদি কোওপরেসন্দগী ৱাত্ত-পাদবা ফীভম লাকহন্নবগী মঙলান মঙফাওনহন্নবগী পান্দমদা জুলাই ৬, ২০২১দা অনৌবা কোওপরেসন মন্ত্রালয় অমা লিংখৎখি। লৈবাকসিগী অহানবা কোওপরেসন মন্ত্রী, শ্রী অমিত সাহগী লমজিং মখাদা কোওপরেসন মন্ত্রালয়না স্তেত পুম্নমক্কী লৈঙাকশিং অমসুং অতৈ স্তেকহোল্দরশিংগা খুৎশম্ননা চৎমিন্নদুনা কোওপরেতিব সেক্তর চাওখৎহন্নবা লেপ্পা লৈতনা হোৎনরি।
হীরম অসিদা, কোওপরেসন মন্ত্রালয়না সেপ্তেম্বর ০৮-০৯, ২০২২দা নই দিল্লীগী বিজ্ঞান ভবন্দা নুমিৎ নিনিগী ওইবা স্তেত কোওপরেসন মন্ত্রীশিংগী কন্ফরেন্স অমা পাঙথোকখি। অহানবা নুমিত্তা কোওপরেসনগী রাজ্য মন্ত্রী শ্রী বি.এল. ভর্মানা তরাম্না ওকপগী ৱারোল অমদি গৃহ অমসুং কোওপরেসনগী কেন্দ্র মন্ত্রী শ্রী অমিত সাহনা হৌদোক ৱারোল পীদুনা কন্ফরেন্স অদু হৌদোকখি।
ঙরাং কন্ফরেন্সকী অহানবা নুমিত্তা, স্তেতশিংগী কোওপরেসন মন্ত্রীশিং, য়ু.তি.শিংগী লেফ্তনেন্ত গভর্নরশিং অমসুং মকোক থোংবা ওফিসিএলশিংনা কোওপরেসনগা মরী লৈনবা সেক্তর কয়াগী মরমদা মখোয়গী ৱাখল্লোন ফোঙদোক্নখি।
নুমিৎ নিনিগী কন্ফরেন্স অদুদা স্তেত ২১গী কোওপরেসন মন্ত্রীশিং, য়ু.তি. ২গী লেফ্তনেন্ত গভর্নরশিং, শ্রী জ্ঞানেস কুমার, সেক্রেতরী (এম./ও. কোওপরেসন, ভারত লৈঙাক), শ্রী বিজয় কুমার, এদিস্নেল সেক্রেতরী অমসুং সেন্ত্রেল রেজিস্ত্রার ওফ কোওপরেতিব সোসাইতিজ, স্তেত/য়ু.তি.শিংগী চীফ অমসুং এদিস্নেল চীফ সেক্রেতরীশিং, প্রিন্সিপাল সেক্রেতরীশিং অমসুং রেজিস্ত্রার এফ কোওপরেতিব সোসাইতিজশিংনা কোওপরেতিব সেক্তর মপাঙ্গল কনখৎহন্নবগীদমক মখোয়গী ৱাখল্লোনশিং অমসুং সজেসনশিং পুথোক্নখি। স্তেত/য়ু.তি. খুদিংমক্না মখোয়গী খ্বাইদগী ফবা থৌওংশিংগী মরমদা প্রজেন্তেসন উত্তুনা ফোঙদোক্নখি।
নেস্নেল কোওপরেসন পোলিসী, নেস্নেল কোওপরেতিব দেতাবেজ অমসুং পঞ্চায়ত খুদিংদা পি.এ.সি. থম্বা, এগ্রো-বেজ অমসুং অতৈ পোত্থোকশিং মপান্দা থাদোকপা, ওর্গানিক পোত্থোকশিং য়োকখত্তুনা মার্কেতিং তৌবা, অনৌবা হীরমশিংদা কোওপরেতিবকী মফম পাকথোক চাউথোকহনবা হায়রিবা হীরমশিং অসিগী মতাঙদা কোওপরেসন মন্ত্রালয়গী নৌনা প্রপোজ তৌবা স্কীমশিং য়াওনা তোঙান তোঙানবা মরুওইবা হীরমশিংদা কুপ্না খন্নখি। লোং তর্ম ফাইনান্সিংদা অহেনবা মীৎয়েঙ চঙবগী মতাঙদা প্রাইমারী কোওপরেতিব সোসাইতীশিং, মিল্ক কোওপরেতিব সোসাইতীশিং অমসুং ফিস কোওপরেতিব সোসাইতীনচিংবশিংগা লোয়ননা পি.এ.সি. কম্প্যুতরাইজেসন, মথৌ তৌদ্রবা পি.এ.সি.শিং অমুক হিঙ্গৎহন্নবগী এক্সনা প্লান য়াওনা পি.এ.সি. অমসুং মোদেল বাই-লোগা মরী লৈনবা হীরমশিংদসু খন্নখি।
কোওপরেতিব ফাইনান্সিংগী লুচিংবা অমা ওইনা এন.সি.দি.সি.না স্তেতশিংদা লৈরিবা মখোয়গী রীজনেল দাইরেক্তরেৎশিংগী খুত্থাঙদা কোওপরেতিব সেক্তরদা শেল পূথোকপগী প্রোস্পেক্ত অমসুং এভেন্যুশিংগী মরমদা পাউদমখি।
শ্রী জ্ঞানেস কুমার, সেক্রেতরী, (কোওপরেসন মন্ত্রালয়, ভারত লৈঙাক)না লৈবাকসিদা লৈরিবা কোওপরেতিব মুভমেন্তকী মপাঙ্গলগী মরমদা পল্লদুনা স্তেতশিংদা ভারত লৈঙাক্না অয়াবা পীখ্রবা পি.এ.সি.শিং কম্প্যুতরাইজেসন তৌবগী প্রোজেক্ত পায়খৎপদা খ্বাইদগী ফবা সোফ্তৱ্যার অমসুং মতমগা চুনবা হার্দৱ্যার শীজিন্ননবা ৱাফম থমখি। কোওপরেতিবকী লমদা মপান্দা থাদোকপগী চাং হেনগৎহন্নবগীদমক কোওপরেতিব মুভমেন্তকা মরী লৈনবা মীওই করোর ৩০রোমগী মপান্দা থাদোকপা ঙম্বগী মতিং লোকশিন্নবগীদমক এক্সতরনেল এফ্যার্স মন্ত্রালয় অমসুং কম্মর্স মন্ত্রালয়গা খুৎশম্ননা চৎমিন্নগদবা নেস্নেল লেভেল কোওপরেতিব এক্সপোর্ত হাউস এম.এস.সি.এস. এক্ত ২০০২গী মখাদা রেজিস্ত্রেজন তৌবগী থবক্তা মন্ত্রালয়না মতেং পাংলি হায়না ফোঙদোকখি। ওর্গানিক পোত্থোকশিং পুথোকপা, লৌশিনবা অমসুং মার্কেতিং লোয়ননা ক্বালিতী লৈবা মরূগী থবক পায়খৎনবগীদমক রেজিস্তর তৌবগী থবক পায়খৎলিবা মল্তি-স্তেত কোওপরেসনগী মতাঙদসু সেক্রেতরীনা (কোওপরেসন) শন্দোক্না তাকখি। কোওপরেতিবপু অতৈ শেন্মিৎলোনগী মওংশিংগা মান্নবা থাক্তা মীৎয়েঙ থম্ননবগীদমক কোওপরেসন মন্ত্রালয়না থবক পায়খৎলি হায়না মহাক্না মখা তাখি।
সাহকার সে সমৃধিগী পান্দম ফংনবগীদমক লৈবাকসিদা কোওপরেতিবতা য়ুম্ফম ওইবা শেন্মিৎলোনগী মোদেল অমা পুরকপদা ইনোৎ হাপ্নবগীদমক স্তেকহোল্দর খুদিংমক পুন্না থবক তৌমিন্ননবা ফিরেপকা লোয়ননা কন্ফরেন্স অদু লোইশিনখি।
*****
(Release ID: 1858242)
Visitor Counter : 127