লৌউ-শিংউ মন্ত্রালয়

লৌউ-শিংউদা পি.পি.পি. প্রোজেক্তশিং পাইখৎনবা কেন্দ্রগী লৌউ-শিংউ অমসুং লৌমীশিংগী য়াইফ-থৌরাং মন্ত্রালয় অমসুং এফ.আই.সি.সি.আই.গী অপুনবা থৌশিল হৌদোকখ্রে


শ্রী নরেন্দ্র সিংহ তোমরনা লৈবাক অমদি খুন্নাইগীদমক এগ্রিকলচর সেক্তর মপাঙ্গল কনখৎহন্নবা মরু ওই হায়না ফোঙদোকখ্রে

প্রধান মন্ত্রী শ্রী নরেন্দ্র মোদীনা হৌখিবা চহি নিপানগী মহাক্কী তেনর মনুংদা কান্নদ্রবা আইন ১,৫০০ হেন্না লৌথোকখি মতৌ অসুম্না মীচম প্রজাগী পুন্সিবু লায়থোকহনখি: শ্রী তোমর

Posted On: 08 SEP 2022 4:54PM by PIB Imphal

লৌউ-শিংউ অমসুং লৌমীশিংগী য়াইফ-থৌরাংগী কেন্দ্র মন্ত্রী, শ্রী নরেন্দ্র সিংহ তোমরনা ঙসি নই দিল্লীদা লৌউ-শিংউগী লমদা পব্লিক-প্রাইবেৎ পার্তনরশিপ (পি.পি.পি.)কী প্রোজেক্ত মেনেজমেন্ত য়ুনিত (পি.এম.য়ু.) হৌদোকখ্রে। থৌরম অসিদা ৱা ঙাংলদুনা শ্রী তোমরনা এগ্রিকলচর সেক্তর মপাঙ্গল কনখৎহনবা মথৌ তাই মরমদি মসিনা অতোপ্পা সেক্তরশিং মপাঙ্গল কনখৎহনবদা মতেং পাংগনি হায়না ফোঙদোকখি। মহাক্না মখা তারদুনা হায়খি পি.পি.পি. মোদেল অসিনা এগ্রিকলচর সেক্তরদা শাহৌ লৈনবগী মতিক চাবা মোদেল অমা ওইবা য়াগনি অমসুং পি.পি.পি. প্রোজেক্তশিংনা লৌমীশিংগী ইনকম হেনগৎহনবগী খুত্থাংদা মখোয়দা কান্নবা ফংহন্নবা মীৎয়েং চংবা তাই।

শ্রী তোমরনা হায়খি এগ্রিকলচর সেক্তর মপাঙ্গল কনখৎহনবা হায়বা অসি লৈবাক অমদি খুন্নাইগীদমক য়াম্না মরু ওই। মহাক্না হায়খি, “করিগুম্বা সরকার খক্তনা থবক পুম্নমক তৌবা তারবদি মদু অফবা ফীভম ওইরোই; মীয়াম্না শরুক য়ারক্লবা খক্তদা হেন্না ফবা থবক কয়া পাইখৎপা য়াগনি। সেক্তর অমা হেক্তা চাউখৎহন্নবগীদমক সরকারনা মীপুম খুদিংমক্কী মতেংগা লোয়ননা হেন্না নীংথিনা থবক তৌবা ঙমগনি”।

 

https://static.pib.gov.in/WriteReadData/userfiles/image/image001AREY.jpg

 

শ্রী তোমরনা হায়খি প্রধান মন্ত্রী শ্রী নরেন্দ্র মোদীনা মহাক্কী চহি নিপানগী তেনর মনুংদা কান্নদ্রবা আইন ১,৫০০ হেন্না লৌথোক্তুনা সিস্তেম অসিবু লায়থোকহনখি, মতৌ অসুম্না মীচম প্রজাগী পুন্সিবু লায়থোকহনখি। “আজাদী কা অমৃত মহোৎসবনা লাকপদা অমসুং পি.এম. মোদীগী ৱাখল্লোনশিংনা ইথিল পীদুনা ঐখোয়না এফ.আই.সি.সি.আই.গুম্বা ওর্গনাইজেসনশিংনা লৈবাক্কী য়াইফনবগীদমক করি হেন্না তৌবা য়াগদগে খন্নবা মথৌ তাই। করিগুম্বা ৱাখল্লোন অমসুং থবক তৌবগী মওংদা অহোংবা পুরকপা তারবদি অহোংবা লাক্কনি। মীপুম খুদিংমক্কী পান্দম অসি চুম্মি অদুবু অসিগুম্বা আইদিয়া অসি ইমপ্লিমেন্ত তৌবা মথৌ তাই। পি.পি.পি. অসি মীপুম খুদিংমক্তা কান্নবা পীগদবা মতিক চারবা মোদেল অমনি, মরী লৈনবা সেক্তর অমসুং লৈবাক্কী অপুনবা চাউখৎ-থৌরাংদা খুমাং চাউশিল্লি” হায়না মহাক্না ফোঙদোকখি।

শ্রী তোমরনা হায়খি মদুদি ত্রেদ অমসুং ইন্দস্ত্রী সেক্তর অসি মপাঙ্গল কল্লি অমসুং ওর্গনাইজ ওই, মখোয়দা পাম্বৈ পুম্নমক লৈ, মখোয়না এগ্রিকলচর সেক্তর প্রমোৎ তৌবা ঙমগনি। মসিগীদমক সরকারনা লুপা করোর অমগী এগ্রিকলচর ইনফ্রাস্ত্রকচর ফন্দগুম্বা স্কিম কয়ামরুম হৌদোক্তুনা, ফারমর্স প্রদ্যুসর্স ওর্গনাইজেসন (এফ.পি.ই.) ১০,০০০ লিংখৎতুনা অমসুং প্রধান মন্ত্রী ফাসল বিমা স্কিমগী খুত্থাংদা এগ্রিকলচর সেক্তর মপাঙ্গল কনখৎহন্নবা খোঙথাং কয়া লেপ্পা লৈতনা পাইখৎলি। সরকারনা ফারমর্স ওর্গনাইজেসনশিং শেম্নবা, মখোয়বু মপাঙ্গল কনখৎহন্নবা, অনৌবা তেক্নিকশিং ফংহন্নবা, রিম্যুনরেতিব ক্রোপশিং প্রমোৎ তৌনবা অমসুং মালেমগী থাকশিংগা মান্ননবা পোত্থোক্কী ক্বালিতী ফগৎহন্নবা চোকথবা লৈতনা খোঙথাংশিং পাইখৎলি। মহাক্না হায়, “লৌমীশিংবু সরকারগী থৌশিলশিংনা পুক্নিং থৌগৎলি অমসুং মসিগী মহৈশিং ময়েক শেংনা উবা ফংলি। লৌমীশিংগী ইনকম শরুক অনি ওইহন্নবা পি.এম. মোদীগী খোঙথাং অদুনা লৌমীশিংদা কান্নবা ফংহল্লি অমসুং এফ.আই.সি.সি.আই.গুম্বা ওর্গনাইজেসনশিংনা পান্দম অসি ফংনবগী মাইকৈদা কন্না হোৎনরি”।

শ্রী তোমরনা মীপুম খুদিংমক্না হোৎনরবা মতমদা এগ্রিকলচর সেক্তরদা শাহৌ লৈহনবা অমসুং লৌমীশিংদা হেন্না কান্নবা পীবা ঙমগনি হায়না থাজবা ফোঙদোকখি। মহাক্না হায়, “করিগুম্বা লৌউ-শিংউ অসি মপাঙ্গল কনবা তারবদি লৈবাক অমনা খ্বাইদগী অচৌবা শীংনবশিং ফাওবা মায়োক্নবা ঙমগনি”।

 

https://static.pib.gov.in/WriteReadData/userfiles/image/image002IX90.jpg

 

থৌরম অসিদা ৱা ঙাংলদুনা সেক্রেতরী (এ এন্দ এফ.দবল্যু.) শ্রী মনোজ অহুজানা হায়খি মদুদি এগ্রিকলচর সেক্তরদা শেল থাদবা হেনগৎহনবদা সরকারনা মরু ওইবা থৌদাং অমা লৌগদবনি। প্রাইবেৎ সেক্তর অমসুং এন.জি.ও.শিংনা অমত্তা ওইনা পুনশিনগদবনি অমসুং লৌউ-শিংউগী প্রোজেক্তশিংদা সরকারগা লোয়ননা খোঙলোয় ওইগদবনি মসিনা চাউনা কান্নবা পীবা ঙমগনি।

এফ.আই.সি.সি.আই.গী সিনিয়র ভাইস প্রসিদেন্ত, শ্রী শুব্রকান্ত পন্দানা ঙসি হৌদোকখিবা লৌউ-শিংউদা পি.পি.পি. লৈহন্নবগী পি.এম.য়ু.গী থৌশিল অসিনা প্রাইবেৎ সেক্তরগী ইনভেস্তমেন্তশিং হেনগৎহন্দুনা লৌউ-শিংউদা অচৌবা পি.পি.পি. প্রোজেক্তশিং খোঙজেল য়াংখৎহনগনি অমসুং সরকারগী স্কিমশিং অমসুং সবসিদীশিংগী কনভর্জেন্স তৌগনি হায়না থাজবা ফোঙদোকখি।

এদিস্নেল সেক্রেতরী (এ এন্দ এফ.দবল্যু.) শ্র অভিলক্ষা লিখি অমসুং দি.এ. এন্দ এফ.দবল্যু. অমসুং এফ.আই.সি.সি.আই.গী অতোপ্পা মকোক থোংবা ওফিসিএলশিংনা থৌরম অসিদা শরুক য়াখি। রাজ্যশিং অমসুং ইন্দস্ত্রীগী মীহুৎশিংনা ওনলাইন ওইনা শরুক য়াখি।

 

https://static.pib.gov.in/WriteReadData/userfiles/image/image003VMZC.jpg

 

এগ্রিকলচর ইনভেস্তমেন্তশিং অমসুং লৌউ-শিংউদা গ্রোস কেপিতেল ফোর্মেসন হেনগৎলকপা অসি এগ্রিকলচর সেক্তরবু মতমগা চুনবা ওইহনবদা মরু ওইখি। লৌউ-শিংউগী লৈরিবা কেন্দ্র সরকার অমসুং রাজ্য সরকারগী তোঙান-তোঙানবা থৌশিলগী মওংদা পব্লিক ইনভেস্তমেন্তশিং অসিবু প্রাইবেৎ সেক্তর ইনভেস্তমেন্তগা পুনশিন্নদুনা মসিনা এগ্রিকলচর সেক্তরদা অচৌবা মলতিপ্লায়র অমা ওইবা ঙমগনি। সরকারনা পোত্থোক হেনগৎহন্নবা, মাংবা হন্থহন্নবা অমসুং লৌমীগী ইনকমশিং হেনগৎহন্নবা এগ্রিকলচর সেক্তরদা পি.পি.পি. ইনিসিএতিবশিং ইন্সেন্তিভাইজ তৌবা পাম্মি। পি.পি.পি. ইনিসিএতিবশিং অসিনা লৌউ-শিংউদা প্রাইবেৎ কেপিতেল লাকহনগনি, পব্লিক ইনভেস্তমেন্ত শীজিন্নগনি অমসুং কেন্দ্র অমদি রাজ্য সরকারশিং, প্রাইবেৎ সেক্তর অমসুং লৌমীশিংবু সেক্তর অসিদা দাইনামিক অমসুং ভেল্যু-এদেদ গ্রোথকী মান্নবা বিজন অমগী মখাদা থমগনি। পি.পি.পি. ইনিসিএতিবশিংনা লৌমীশিংদা কান্নবা পীনবা অমসুং মখোয়না পীবা কান্নবা হেনগৎহন্নবা তোঙান-তোঙানবা স্কিমশিংগী কনভর্জেন্স তৌবসু ঙমহনগনি।

পি.পি.পি. ইনিসিএতিবশিংগী মপুং ওইবা পান্দম অসি এদিস্নেল ভেল্যু শেমদুনা অপীকপা লৌমীশিংগী ইনকম হেনগৎহন্নবা – ক্বালিতী ইনপুৎশিংগী প্রোবিজন থম্বদগী মার্কেৎ লিঙ্কেজশিংদা তেক্নোলোজী এক্সতেন্সন তৌবা অমসুং ভেল্যু এদিসন ফংহনবনি। পি.পি.পি. ইনিসিএতিবশিং অসিনা লৌউ-শিংউগী প্রেক্তিসশিং মোদর্নাইজ তৌহন্নবা, ক্লাইমেৎ রিজিলিএন্ত ক্রোপশিংদা রিসর্চ তৌবা প্রমোৎ তৌনবা, এগ্রিকলচর অমসুং রুরেল ইনফ্রাস্ত্রকচর শেমগৎনবা অমসুং লৌউ-শিংউগী ওইবা এক্সপোর্তশিং হেনগৎহনবা ঙম্লগনি। মরু ওইবা পান্দম অসিনা রাজ্যশিংদা মখোয়গী মশাগী এগ্রো-ক্লাইমেতিক রিজনশিং অমসুং এগ্রি-প্রদ্যুস মখল কয়াগী মপুং ফাবা মতিক-ময়াই পুথোকপা অমসুং প্রদ্যুসরশিংবু দোমেস্তিক অমসুং এক্সপোর্ত মার্কেৎশিংগা লোয়ননা হেন্না নীংথিনা ইন্তিগ্রেৎ তৌবদা মতেং পাংবনি।

থৌরম অসিগী মনুংদা লৌউ-শিংউ অমসুং লৌমীশিংগী য়াইফ-থৌরাং বিভাগ অমসুং এফ.আই.সি.সি.আই.না লৌউ-শিংউদা পি.পি.পি. ইনিসিএতিবশিং দিবেলপ তৌনবা অপুনবা থৌশিল অমা লাউথোকখ্রে।

****



(Release ID: 1857862) Visitor Counter : 122