কেন্দ্রগী কম্মর্স অমসুং ইন্দস্ত্রী, কঞ্জুমর এফিয়র্স, ফুদ অমসুং পব্লিক দিস্ত্রিব্যুসন অমসুং তেক্সতাইলস মন্ত্রী শ্রী পিয়ুশ গোয়লনা মহাক্কী য়ু.এস. খোঙচৎকী অনিশুবা তাংকক মখা চৎথরগনি অমসুং ঙসি লোস এঞ্জেলিস্তা চৎতুনা ইন্দো-পেসিফিক একনোমিক ফোরম (আই.পি.ই.এফ.) মন্ত্রীশিংগী অহানবা ইন-পর্সন মীফম, য়ু.এস.-ইন্দিয়া স্ত্রেতেজিক পার্ত্নর্শিপ ফোরম (য়ু.এস.আই.এস.পি.এফ.) মীফম অমসুং অতোপ্পা মরুওইবা থৌরমশিং শরুক য়াগনি।

অঙনবা শরুক্তা শ্রী গোয়লনা 'ইন্দিয়াস্পোরা'গা চাক্লেন অমগা লোইননা ৱারী শানখি।

আই.পি.ই.এফ. মন্ত্রীশিংগী মীফমগী মাংওইননা নুমিৎ অসিগী অকোনবা শরুক্তা মীদিয়াগা ৱারী শানরদুনা শ্রী পিয়ুশ গোয়লনা হায়খি মদুদি আই.পি.ই.এফ.তা খন্নগদবশিং অসি মেম্বর নেসনশিংনা অমগা অমগা খুদোংচাদবা অমসুং অৱাবা তারবা মতমদা মতেং পাংনদুনা সপ্লাই চেন হাংদুনা লৈহনবা অমসুং লল্লোন ইতীক হাংবা অমসুং লৈবাকশিং অসিগী মীয়াম্না কোবিদ অমসুং চয়েৎনবা কয়ানা অৱাবা পীহন্দনবা হোৎনবদা মীৎয়েং চঙগনি।

আই.পি.ই.এফ.পু অনৌবা অমসুং অখন্নবা থৌরাং অমা অমসুং রুলশিংদা য়ুম্ফম ওইবা, মনুং মপান ফাওনা উবা শেন্মিৎলোনগী সিস্তেম লৈবা ৱাখল মান্নবা লৈবাকশিংনা পুনবা মপাং অমনি হায়রদুনা শ্রী গোয়লনা হায়খি মদুদি আই.পি.ই.এফ.না ইন্দো পেসিফিক লমদম্না সেক্যুর ওইবা অমসুং লল্লোন ইতীক্তা অপনবা লৈতনবা হোৎনগনি। মখা তানা ফোংদোক্লদুনা মন্ত্রীনা হায়খি মদুদি আই.পি.ই.এফ. মন্ত্রীশিংগী মীফম অসিদা খন্নগদবশিং অসি লল্লোন ইতীক হাংদুনা লৈবা অমসুং সপ্লাই চেন হাংদুনা লৈহনবা হায়বসিদা মীৎয়েং থমগনি। মহাক্না হায়খি মদুদি আই.পি.ই.এফ. লৈবাকশিংগা লৈনরিবা লল্লোন ইতীক্কী মরী অসি পাকথোক চাউথোক্লিবা মখৈ, ভারত্তগী অমসুং ভারত্তা লাকপা ইনভেস্তমেন্তশিং অসি হেনগৎকনি। হয়েং উন্নগদৌরিবা লৈবাকশিং অসিনা লল্লোন ইতীক, ইনভেস্তমেন্ত অমসুং তেক্নোলোজীগী লমদা কয়া অমা লান্থোক্নগদবা লৈ অমসুং ঐখোয়না অঙম্বা থাক্তা পুন্না হোৎনমিন্নগনি হায়না মহাক্না মখা তাখি।

ৱাহং অমগী পাউখুম পীরদুনা শ্রী গোয়লনা হায়খি মদুদি য়ু.এস. অমসুং ভারতকী য়াম্না ফবা অমসুং মপাঙ্গল লৈবা মরী অমা লৈ। য়ু.এস. হায়বসি ভারতকীদি খ্বাইদগী চাউবা ত্রেদিংগী পার্তনরনি অমসুং ভারতকী কম্পেনী কয়া অমনা অমেরিকাদা লৈবা মখোয়গী মপাংশিংগীদমক থবক কয়া অমা পায়খৎলি। য়ু.এস.তগী ভারত্তা ইনভেস্তমেন্ত কয়া অমা লাক্লি হায়না মহাক্না মখা তাখি।

য়ু.এস. অমসুং ভারত মরী হেন্না নকশিল্লক্লি হায়রদুনা মন্ত্রীনা হায়খি মদুদি লৈবাক অনিগী মরী অসি হৌজিক্তি ক্বাদস অনিনসু হেন্না মপাঙ্গল কলহল্লক্লি – অমনা জাপান অমসুং ওস্ত্রেলিয়াগা অমসুং অতোপ্পা অমনা ইজরেল অমসুং য়ু.এ.ই.গা। ভারত অমসুং য়ু.এস.কী মরক্তা ২ প্লস ২ মিনিস্ত্রিএল দাইলোগ অসি শক্তি লৈ অমসুং মায়কৈ য়াম্মি অমসুং ঐখোয়না জিওপোলিতিকেল অমসুং সেন্সিতিব ওইবা হীরম কয়াদা শানরিবা ৱারীসিসু পাকথোক চাউথোক্লক্লি। লৈবাক অনিমক্কী লুচিংবশিং অমসুং লৈবাক অনিগী মীয়াম্না হান্নদগী হেন্না নকশিন্নবা হেল্লক্লি হায়না মহাক্না মখা তাখি।

ভারতনা অন্তর্জাতিগী থাক্তা চঙশিল্লক্লিবা খোঙথাংশিংগী খুদম ওইনা কনফ্লিক্ত, ইনফ্লেসন, রিসেসনগী অকিবা অমসুং লাইচৎকী অকিবা অমসুং হৌখিবা চহি নিপান অসিদা লৈরিবা এফ.দি.আই. রেকোর্দসিংগী মতাংদা পল্লদুনা মন্ত্রীনা থাজবা ফোংদোকখি ভারত অসি মালেমদা মীয়াম্না পাম্নরবা ত্রেদিং পার্তনর অমসুং ইনভেস্তমেন্ত তৌফম ওইরি অমসুং ওইখিগনি, মসিগীদমক মার্কেৎ চাউবা, পুকচেল শেংবা লৈঙাক লৈবা অমসুং মনুং মপান ফাওনা উবা শেন্মিৎলোনগী পোলিসী, আইন, মীদিয়া অমসুং জুদিসিয়ারীদা থাগৎপা ফোঙদোকচরি। মসিনা ভারত মীয়ামগী পুন্সি ফগৎহল্লগনি, থবক পীরগনি, শেলথুমগী থবক হেনগৎলগনি অমসুং অসুম্না চাউখৎপা পুরক্লগনি হায়না মহাক্না মখা তাখি। মন্ত্রী অসিনা মকোক থোংবা সেমিকন্দকর পুথোকপা কম্পেনীশিং অমসুং লেবশিংগা ভারতকী কম্পেনীশিংগা লোইননা হেন্না চাউবা কোলাবোরেসন অমা শেম্নবা ৱারী শানখ্রে। মহাক্না লাম রিসর্চকী সি.ই.ও. তিম আর্চরগা ৱারী শানখি।

"ঐখোয়গী নহা ওইরিবা অমসুং স্কিল লৈরবা ৱার্কফোর্স অমা শাগৎলদুনা, ভারতনা লাম রিসর্চকা মতৌ করম্না চৎমিন্নবা য়াগদগে হায়না খন্নবনা সেমিকন্দক্তর ইন্নোভেসন্দা খ্বাইদগী নৌবা লুচিং অমা পুরকপা ঙম্লগনি" হায়না মহাক্না মীফম অসিগী মতুংদা ত্বীৎ তৌখি।

মন্ত্রী @PiyushGoyalনা লাম রিসর্চকী সি.ই.ও. তিম আর্চরগা ৱারী শানখ্রে।

ঐখোয়গী নহা ওইরিবা অমসুং স্কিল লৈরবা ৱার্কফোর্স অমা শাগৎলদুনা, ভারতনা লাম রিসর্চকা মতৌ করম্না চৎমিন্নবা য়াগদগে হায়না খন্নবনা সেমিকন্দক্তর ইন্নোভেসন্দা খ্বাইদগী নৌবা লুচিং অমা পুরকপা ঙম্লগনি

শ্রী গোয়লনা মসিগী মতুংদা মেদান তেক্নোলোজী সেন্তরদা চৎখি অমসুং এপ্লাইদ মতিরিএলসকী প্রসিদেন্ত অমসুং সি.ই.ও. গেরী দিক্করসনগা উন্নখি।

"মালেমগী খ্বাইদগী চাউবা সেমিকন্দক্তর কম্পেনীশিংগী মরক্তা অমা ওইরিবা অসিনা মতৌ করম্না ভারতকী সেমিকন্দক্তর, দিস্প্লে অমসুং সোলার মেন্যুফেকচরর ইকোসিস্তেম হেন্না মপাঙ্গক কলহনগদগে হায়বগী মতাংদা ৱারী শাখি" হায়না মন্ত্রীনা ত্বীৎ তৌখি।

***************