কমর্স অমসুং ইন্দস্ত্রী মন্ত্রালয়
শ্রী গোয়লনা মপান লমদা লৈখ্রবা ভারত মচাশিংগী মফমদা থাজবা য়াবা মার্কেৎ ওফর বিলিয়ন ১.৩ লৈবা লৈবাক অমা ওইরিবা ভারত্তা লৈরিবা য়াম্লবা বিজিনেসকী খুদোংচাবশিং মালেমগী মফমদা পাউদম্নবা হায়খ্রে
অদোম্না ভারতপু থৱায় হাপ্লিবনি হায়না শ্রী গোয়লনা মপান লমদা লৈখ্রবা ভারত মচাশিংদা হায়খ্রে
ঐখোয়গী ভারতকী স্তার্তঅপকী ৱাখল্লোনশিংদা অহেনবা খুদোংচাবা পীননবা ইন্তরনেস্নেল এঙ্গেজমেন্ত হেনগৎহনবা মথৌ তাই; সিলিকোন ভেল্লীদগী হেন্না ফবা মালেমদা শন্দোকখিনবা মফম লৈত্রে: শ্রী গোয়ল
অফবা বিজিনেস এনভাইরনমেন্ত অমা শেম্নবগীদমক ভারত লৈঙাক্না খুদোংচাবা খুদিংমক য়েংশিল্লি: শ্রী গোয়ল
তেক্নোলোজী অমসুং ত্রান্সপেরেন্সীনা ভারত্তা লৈঙাক্না পায়খৎপা থবক থৌরাংশিংদা অওনবা পুরক্লে: শ্রী গোয়ল
২০১৬দা ‘স্তার্তঅপ ইন্দিয়া’ হৌদোকখিবা ইনোভেসন, নহাশিংগী অনৌবা ৱাখল্লোন, অনৌবা পাম্বৈশিংগী মরুওইবা হেনগৎলক্লিববু শকখঙবগী খুদম অমনি: শ্রী গোয়ল
Posted On:
08 SEP 2022 9:07AM by PIB Imphal
ঙসি কম্মর্স এন্দ ইন্দস্ত্রী, কঞ্জ্যুমর এফ্যার্স, ফুদ এন্দ পব্লিক দিস্ত্রিব্যুসন অমসুং তেক্সতাইল্সকী মন্ত্রী শ্রী পিয়ুস গোয়লনা য়ু.এস.তা লৈরিবা ভারত মচাশিং মখোয়গী তৌথোরকপা মওংদা য়াম্না প্রোফেস্নেল অমসুং ইনোভেতিব ওই, মখোয়না ভারতকী কল্লবা নাৎ অমসুং মমল লৈনা লৌবগী মওংবু চেৎনা থাগোন্নদুনা ভারতপু থৱায় হাপ্তুনা লাক্লি হায়না ফোঙদোকখ্রে। মহাক্না ৱাফম অসি সাস ফ্রান্সিস্কোদা ‘ইন্দিয়ন দাইস্পোরা’গা পাঙথোকপা লঞ্চিয়ন এঙ্গেজমেন্ততা ফোঙদোকখিবনি।
ভারত অমসুং মপান লৈবাকশিংগা মরী শম্নহনবগী লমদা মপান লমদা লৈখ্রবা ভারত মচাশিংনা লৌরিবা তোপ তোপ্পা থৌদাংগী মরমদা পল্লদুনা, শ্রী গোয়লনা মপান লমদা লৈখ্রবা ভারত মচাশিংগী মফমদা থাজবা য়াবা মার্কেৎ ওফর বিলিয়ন ১.৩ লৈবা লৈবাক অমা ওইরিবা ভারত্তা লৈরিবা য়াম্লবা বিজিনেসকী খুদোংচাবশিং মালেমগী মফমদা পাউদম্নবা হায়খ্রে।
ঙসি ভারত্তা ইচঙ থৌরবা স্তার্ত-অপ ইকোসিস্তেম লৈরে হায়বা ৱাফম ফোঙদোক্লদুনা শ্রী গোয়লনা ২০১৬দা ভারতকী প্রধান মন্ত্রী শ্রী নরেন্দ্র মোদীনা ‘স্তার্তঅপ ইন্দিয়া’ হৌদোকখিববু নীংশিংখি অমদি মদু ইনোভেসন, নহাশিংগী অনৌবা ৱাখল্লোন, অনৌবা পাম্বৈশিংগী মরুওইবা হেনগৎলক্লিববু শকখঙবগী খুদম অমনি হায়না ফোঙদোকখ্রে।
ভারত্তা পুথোরক্লিবা স্তার্ত অপকী ৱাখল্লোনশিং লমদমসিগী ওইবা নুংঙাইরবা অমদি পাক চাউরবা কৈথেল অমা ফংদুনা লৈরি অমদি মালেমগী অতৈ মফমশিংদা য়ৌশিনবা ঙমদ্রি হায়বা ৱাফম থম্লদুনা, ঐখোয়গী ভারতকী স্তার্তঅপকী ৱাখল্লোনশিংদা অহেনবা খুদোংচাবা পীননবা ইন্তরনেস্নেল এঙ্গেজমেন্ত হেনগৎহনবা মথৌ তাই; সিলিকোন ভেল্লীদগী হেন্না ফবা মালেমদা শন্দোকখিনবা মফম লৈত্রে হায়না শ্রী গোয়লনা ফোঙদোকখি। ইন্তরনেস্নেল এঙ্গেজমেন্ত পাকথোক চাউথোকহনবগী মথৌ তাবা ৱাফম থম্লদুনা, শ্রী গয়োলনা মালেমগী লৈবা অমত্তা লেমহৌরিবা মালেমগী শরুকশিংদা মখোয়গী এঙ্গেজমেন্ত মশক থোক্না পাকথোক চাউথোকপা য়াওদনা চাওখৎপা ফীভম পুরকখিবা লৈতে হায়না ফোঙদোকখি। ঐখোয়সু মালেমগী অতৈ মফমশিংগা এঙ্গেজ তৌবা মথৌ তাই, নৎত্রবদি ঐখোয় বস তোংবা নংহৌরোই, হায়না মহাক্না মখা তাখি।
লৈঙাক্না ভারতকী স্তার্ত-অপশিং অমসুং য়ু.এস.তগী ইন্ভেস্তরশিংগী মরক্তা ফেসিলিতেতরগী শক্লোন লৌরি হায়রদুনা মন্ত্রীনা তিল্লিবা মীয়ামগী মফমদা খন্নরিবা ৱাফম অদু অনৌবা থাক অমদা পুখৎনবা ৱাফম থমখি। ভারত্তা অনৌবা ইনোভেসন পুক্নিং থৌগৎকদবা মওংদা শেল থাদবগী থৌওং খোঙজেল য়াংখৎহনবদা মতেং ওইগদবা ৱাখল্লোন খরা মহাক্না মফম অদুদগী পুদুনা হনখিগনি হায়না শ্রী গোয়লনা হায়খি।
ভারত লৈঙাক্কী থবক তৌবগী মওংদা লাক্লিবা অওনবশিংগী মতাঙদা পল্লদুনা, মমাঙদা লৈরমবা রেদ তেপকী মওং মতৌশিং লৌথোকখিনবা ঐখোয়না হোৎনরি হায়বা ৱাফম শ্রী গোয়লনা ফোঙদোকখি। অরিবা থৌওংশিং তেক্নোলোজী অমসুং ত্রান্সপেরেন্সীনা চাউনা মহুৎ শিল্লক্তুনা সিস্তেম অসিদা পুকচেল শেংবগী মতৌ উবা ফংলক্লি, হায়না মহাক্না মখা তাখি। বিজিনেসকা চুনবা এনভাইরনমেন্ত অমা লৈহন্নবগীদমক ভারত লৈঙাক্না খুদোংচাবা খুদিংমক য়েংশিল্লি। লৈঙাক্কী থৌওং অসি গ্রাউন্দদা লৈরিবা মীওইশিংগা হেন্না ইচঙ থৌনা তোৎন-তিন্নবা, পোলিসী সর্তেন্তী অমসুং প্রিদিক্তেবিলিতী হেন্না লৈহনবা অমসুং রিগুলেতরী প্রোসেসশিং চাওখৎলবা লৈবাকশিংদা চৎনরিবা মওংগা হেন্না চুশিন্নহন্নবা থৌওংশিংদা য়ুম্ফম ওইরগা চঙশিল্লি।
ভারত পুম্বদা, মরুওইনা মনুং হঞ্জিনবা অমদি য়ৌশিনবা ঙমদবা মফমশিংদা অফবা ইনফ্রাস্ত্রকচরশিং লৈহন্ননবা লৈঙাক্না মীৎয়েঙ চঙলি হায়বা ৱাফম থম্লদুনা, শ্রী গোয়লনা ভারতকী লেমহৌরিবা খুঙ্গঙ ২৫০০০দা নেৎৱর্ক কন্নেক্তিভিতী লৈহন্নবা হন্দক্তা মন্ত্রী মন্দলনা লৌখিবা ৱারেপ পনখি। মপান্দা পোৎ থাদোকপগী মতাঙদা, মমাঙ চহিদা ভারতনা হৌজিক ফাওবগী ওইনা খ্বাইদগী ৱাংবা চাংদা য়ু.এস.দি. বিলিয়ন ৬৭৫কী গুদ্স অমসুং সর্ভিসশিং এক্সপোর্ত তৌখি অমদি হন্দক চহিসিদা য়ু.এস.দি. বিলিয়ন ৭৫০ লানবা ঙমগনি হায়না ঐখোয়না থাজবা থম্লি হায়না শ্রী গোয়লনা হায়খি।
ভারতনা নীংতম্বগী চহি ১০০ শরুকপদা ২০৪৭ ফাওবগী অমৃৎ কাল অসিনা চাওখৎলবা লৈবাক অমা ওইরকপগী অমসুং ভারত্তা লৈরিবা মীপুম খুদিংদা নুংঙাই য়াইফবা পুরকপগী ভারতকী খোঙচৎকী তোপ তোপ্পা তাঙ্কক ওইগদৌরিবনি। মপান লমদা লৈখ্রবা ভারত মচাশিংনা হীরম অসিদা মরুওইবা শক্লোন লৌগদবনি মরমদি মখোয়না হৈ-শিংবা, অনৌবা ৱাখল্লোন অমসুং ইনোভেসন মশক খঙবা ঙম্মি অমসুং লমজিং অমদি ঙাক্লৌ পীদুনা শেল থাদবসু ঙম্মি। ভারত অমসুং য়ুনাইতেদ স্তেতসকী মরক্তা বিজিনেস অমসুং মী মশেলগী মরক্তা লৈনবা মরীগী লমদা লেপ্পা লৈতনা হোৎনদুনা এঙ্গেজমেন্ত মথা চত্থখিগনি হায়না মীৎয়েঙ থম্লি হায়না মহাক্না মখা তাখি।
****
(Release ID: 1857726)
Visitor Counter : 144