نیتا جی سبھاش چندر بوس کے ایک عظیم الشان مجسمے کی نقاب کشائی وزیر اعظم جناب نریندر مودی 8 ستمبر 2022 کو نئی دہلی میں انڈیا گیٹ کے قریب کریں گے۔ جیٹ بلیک گرینائٹ کا کل 28 فٹ بلند مجسمہ، انڈیا گیٹ کے قریب چھتر کے نیچے رکھا جائے گا۔

نیتا جی کے عظیم مجسمے کی نقاب کشائی کی جا رہی ہے جس کو 280 میٹرک ٹن  وزن والے  گرینائٹ کے یک سنگی بلاک  کو تراش کر تیار کیا  گیا ہے۔ 26,000 افرادی گھنٹوں کی شدید فنکارانہ محنت کے بعد، گرینائٹ مونولتھ کو  65  میٹرک ٹن  وزنی مجسمہ تیار کرنے کے لیے تراشا گیا ۔ مجسمہ روایتی تکنیک اور جدید آلات کا استعمال کرتے ہوئے مکمل طور پر ہاتھ سے بنایا گیا ہے۔ مجسمہ بنانے کے لیے مجسمہ سازوں کی ٹیم کی قیادت جناب ارون یوگی راج نے کی۔

نیتا جی سبھاش چندر بوس کے مجسمے کو، جس کی  نقاب کشائی وزیر اعظم کریں گے، اسی جگہ پر نصب کیا جا رہا ہے جہاں اس سال کے شروع میں پراکرم دیوس (23 جنوری) کو نیتا جی کے 125ویں نیتا جی کی یوم پیدائش کے موقع پر ان کے ہولوگرام مجسمے کی نقاب کشائی کی گئی تھی۔

نیتا جی کا 28 فٹ اونچا مجسمہ ہندوستان میں سب سے اونچا، حقیقت پسندانہ، یک سنگی، ہاتھ سے تیار کردہ مجسموں میں سے ایک ہے۔ وزیراعظم  نے 21جنوری 2022 کو یقین دلایا تھا کہ انڈیا گیٹ پر نیتا جی کا گرینائٹ سے بنا ایک عظیم الشان مجسمہ نصب کیا جائے گا جو قوم کی طرف سے ان کا احسان مند ہونے کے اظہار کی علامت ہے۔

تلنگانہ کے کھمم سے نئی دہلی تک 1665 کلومیٹر کا سفر کرنے کے لیے اس یک سنگی گرینائٹ پتھر کے لیے 140 پہیوں والا 100 فٹ لمبا ٹرک خاص طور پر ڈیزائن کیا گیا تھا۔

نیتا جی کے مجسمے کی نقاب کشائی کے لیے شامیانے پر وزیر اعظم کی آمد کا آغاز روایتی منی پوری شنکھ وادیم اور کیرالہ کے روایتی پنچ وادیام اور چندا کے ساتھ کیا جائے گا۔ نیتا جی کے مجسمے کی نقاب کشائی کے ساتھ ساتھ آئی این اے کے روایتی گیت قدم قدم بڑھائے جا کی دھن بھی ہوگی۔

ایک بھارت - شریسٹرا بھارت اور کثرت میں وحدت کے جذبے کا اظہار کرنے کے لیے ملک کے تمام حصوں سے 500 رقاصوں کے ذریعہ ایک ثقافتی میلہ،کرتویہ پتھ پر دکھایا جائے گا۔ اس کی جھلک وزیر اعظم کو انڈیا گیٹ کے قریب سٹیپ ایمفی تھیٹر پر لگ بھگ 30 فنکار دکھائیں گے جو ناسک ڈھول پاتھک تاشا اور ڈرم کی لائیو موسیقی کے ساتھ قبائلی عوامی  فن کی شکلیں سنبل پوری، پنتھی، کالبیلیا، کرگم اور ڈمی ہارس پیش کریں گے پدم بھوشن پی ٹی کے ذریعہ1947 میں ہندوستان کے پہلے یوم آزادی کے مبارک موقع پر لکھا گیا منگل گان جناب  کرشنا رتنجنکر جی کو پنڈت  سوہاس واشی کے ذریعہ گلوکاروں اور موسیقاروں کی ٹیم کے ساتھ پیش کیا جارہا ہے۔جناب آشیش کیسکر پریزنٹیشن کے میوزک ڈائریکٹر ہوں گے۔

کرتویہ پتھ پر میلہ 8 ستمبر 2022 کو شام 8.45 بجے مرکزی تقریب کے بعد شروع ہوگا اور 9، 10 اور 11 ستمبر 2022 کو شام 7.00 بجے سے رات 9.00 بجے تک جاری رہے گا۔

نیتا جی کی زندگی پر 10 منٹ کا خصوصی ڈرون شو 9، 10 اور 11 ستمبر 2022 کو رات 08.00 بجے انڈیا گیٹ پر پیش کیا جائے گا۔ ثقافتی میلہ اور ڈرون شو دونوں ہی عوام کے لیے مفت داخلے کے ساتھ کھلے ہوں گے۔

*************

ش ح۔ س ب ۔ رض

U. No.10023