হোম অমসুং কোওপরেসনগী য়ুনিয়ন মিনিস্তর শ্রী অমিত সাহনা নিউ দিল্লিদা সেপ্তেম্বর ৮দা রাজ্যগী কোওপরেসন মিনিস্তরশিংগী নুমিৎ নিনীগী নেসনেল কনফরেন্স অমা হৌদোক্কনি। কনফরেন্স অদুদা কোওপরেসনগী রাজ্য মন্ত্রী শ্রী বি.এল ভর্মা, এদিসনেল সেক্রেতরিশিং, প্রিন্সিপাল সেক্রেতরিশিং, কোওপরেতিপশিংগী রেজিস্তারশিং অমসুং রাজ্য অমসুং য়ুনিয়ন তেরিতোরি সরকার ৩৬গী মীহুৎশিং শরুক য়াগনি।

মহাক্কী ‘সাহাকার সে সমরিদ্ধী’ পান্দমগী খুৎথাংদা কোওপরেতিপশিংগা লোয়ন্নরিবা মীওইশিংগী পুন্সিদা অফবা অহোঙবা অমা পুরক্নবা প্রধান মন্ত্রী শ্রী নরেন্দ্র মোদীনা থবক পায়খৎলে। মঙলান অসি থবক ওইনা পাংথোক্নবা, প্রধান মন্ত্রী মোদীগী লমজিং মখাদা জুলাই ৬,২০২১দা কোওপরেসন মিনিস্ত্রি শেমখি। হোম অমসুং কোওপরেসনগী য়ুনিয়ন মিনিস্তর শ্রী অমিত সাহগী লমজিং মখাদা কোওপরেতিপ সেক্তর চাউখৎনবা, মসি মপাঙ্গল কনখৎহন্নবা অমসুং মসি হিরম খুদিংমক চাউখৎহনবা নমুনা অমা ওইহন্নবা কোওপরেসন মিনিস্ত্রিনা লেপ্তনা থবক পায়খৎলি।

শরুক য়ারিবশিং খন্ন-নৈনদুনা অমসুং মতেং পাংনদুনা থবক ওইনা পাংথোকপা য়াগদবা থৌশিল/থৌরাং অমা শেম্নবা কনফরেন্স অসিনা মফম অমা পীগনি। মখা পীরিবা মরুওইবা থিমশিং অসিদা কনফরেন্স অসি পাংথোক্কনি:

১. থৌশিলগী ৱাফমশিং

• নেসনেল কোওপরেসন পোলিসি
• নেসনেল কোওপরেতিপ দেতাবেজ

    ২. নৌনা পায়খৎকদবা স্কিমশিং

• পঞ্চায়ত খুদিংমক্তা পি.এ.সি.এস থম্বা
• লৌউ-শিংউগী পোৎথোকশিং অমসুং অতোপ্পা পোৎথোকশিং মপান্দা থাদোকপা
• ওর্গানিক পোৎথোকশিং য়োকখৎপা অমসুং য়োনফম পীবা
• অনৌবা মফমশিংদা কো-ওপরেতিপশিং লিংখৎপা

৩. পি.এ.সি.এস অমসুং মোদেল বাই-লোশিংগা মরী লৈনবা থবকশিং

• পি.এ.সি.এসগী থবকশিংদা কম্পুতর শীজিন্নবা
• থবক তৌদ্রবা পি.এ.সি.এস হিঙ্গৎহন্নবা এক্সন প্লান
• পি.এ.সি.এসকী মোদেল বাই-লোশিং
• স্তেৎ কোওপরেতিপ লোশিং চপ মানহনবা

৪. প্রাইমারি কোওপরেতিপ সোসাইতিশিং

• মতম শাংনা শেন থাদবদা মীৎয়েং চঙবা
• মিল্ক কো-ওপরেতিপ সোসাইতিশিং
• ফিস কো-ওপরেতিপ সোসাইতিশিং

*****