লৈবাক অসিগী অচৌবা স্তীল শারিবা মহারত্ন পি.এস.য়ু. অমা ওইরিবা স্তীল ওথোরিতী ওফ ইন্দিয়া লিমিতেদ (সেল)না লৈবাক অসিগী অহানবা মশানা শাজবা এয়রক্রাফ কেরিয়র আই.এন.এস. বিক্রান্তগীদমক দি.এম.আর. গ্রেদকী অখন্নবা স্তীল পুম্বা সপ্লাই তৌখি। সেলনা অসিগুম্বা অচৌবা মিংচৎ অসি ফংবগা লোয়ননা “আত্মনির্ভর ভারত” শেমগৎপগী মায়কৈদা শরুক য়ারদুনা ভারত নেভীগী অসিগুম্লবা মশানা শাজবা এয়রক্রাফ কেরিয়র শানবগীদমক অখন্নবা স্তীল চাউরাক্না তন ৩০০০০ সপ্লাই তৌখি। অসিগুম্লবা মশানা শাজবা এয়রক্রাফ কেরিয়র অসি ২০২২গী সেপ্তেম্বর ২দা কোচিন শিপয়ার্দ লিমিতেদতগী কমিসন তৌরগনি।

মসিগী মশাগী ওইবা প্রোজেক্ত অসিগীদমক সেলনা সপ্লাই তৌখিবা স্তীলদা অখন্নবা দি.এম.আর. গ্রেদ প্লেতশিং য়াওরি। মসিগী দি.এম.আর. গ্রেদ প্লেতশিং অসি সেলনা ভারত নেভী অমসুং দি.এম.আর.এল.গা খুৎশম্নদুনা দিবেলু তৌবনি। লানগী জহাজ অসিগী হল অমসুং ভেসেল ইন্তেরিয়রশিংগীদমক গ্রেদ ২৪৯ এগী দি.এম.আর. প্লেৎশিং অমদি ফ্লাই দেককীদমক গ্রেদ ২৪৯ বিগী দি.এম.আর. প্লেৎশিং শিজিন্নখি। বল্ব বারশিংগী নত্তনা অখন্নবা স্তীলগী ক্বান্তিতী পুম্বা সেলগী ভিলাই, বোকারো অমসুং রুরকেলাদা লৈরিবা ইন্তিগ্রেতেদ স্তীল প্লান্তশিংদগী সপ্লাই তৌখি। আই.এন.এস. বিক্রান্ত শানবগীদমক শিজিন্নরিবা স্পিসিএল গ্রেদ স্তীল, দি.এম.আর. প্লেৎশিং অসি মরুওইবা সবস্তিত্যুৎ অমনি।

ভারতকী নিংতম্বগী চহি ৭৫গী অমৃৎকালগী মতম অসিদা ভারতকী অহানবা মশানা শাজবা এয়রক্রাফ কেরিয়র কমিসন তৌবা অসি ঐখোয়গী জাতিগী নিংশিংনিঙাই ওইরবা থৌরম অমনি অমদি লৈবাক অসিগী থাজবা অমসুং শক্তি অদু উৎলি। মসিগী লমদম অসিদা শাজবা এয়রক্রাফ কেরিয়র অসি লৈবাক অসিগী তেক্নিকেল এক্যুমেন অমসুং ইঞ্জিনীয়রিং স্কিলগী খুদম অমনি।

*******