বঙ্গলাদেশকী প্রধান মন্ত্রী হর এক্সিলেন্সী শৈখ হসিনাগা ভারতকী রাস্ত্রপতি শ্রীমতি দ্রৌপদি মুর্মুগা রাস্ত্রপতি ভাবন্দা ঙসি (সেপ্তেম্বর ৬, ২০২২)দা ৱারী শানখ্রে।

বঙ্গলাদেশকী প্রধান মন্ত্রীবু তরাম্না ওক্লদুনা রাস্ত্রপতিনা হায়খি মদুদি ঐখোয়গী মান্নবা পুৱারী, লোল অমসুং নাৎনা ঐখোয়বু অমগা-অমগা শম্নহল্লি। প্রধান মন্ত্রী নরেন্দ্র মোদী অমসুং প্রধান মন্ত্রী শৈখ হসিনাগী লুচিং মখাদা, ভারত অমসুং বঙ্গলাদেশ লৈবাক অনিগী মরীসু অদুক্কী মতীক ফগৎলে হায়না মহাক্না ফোংদোকখি। লৈবাক অনিনা পুন্দুনা বঙ্গলাদেশকী চহি ৫০শুবা নীংতম্বগী পালন অমসুং ভারত-বঙ্গলাদেশ লৈবাক অনিগী মরীগী সনা ফুদোংবগী থৌরম পাঙথোকমিন্নখিবসি অদুক্কী মতীক অখন্নবা অমনি হায়না মহাক্না ফোংদোকখি। ভারতকী রাস্ত্রপতি অমসুং প্রধান মন্ত্রী অনিমক্না অসিগুম্বা পুৱারীদা লৈহৌরগদবা থৌরম অসিবু শরুক য়াখিবা হায়বসিনা ভারতনা বঙ্গলাদেশকা লৈনরিবা মরী অসিবু কয়া লূম্না লৌবগে হায়বদু উৎলে। বঙ্গলাদেশনা মাগী মীয়ামগী সোসিও-একনোমিক প্রোস্পরিতী মায় পাকনা লৈহনবা ঙম্লে হায়না হরাও তয়াম্বা ফোংদোকখি। মহাক্না থাজবা পীখি মদুদি ভারতনা বঙ্গলাদেশকী চাউখৎ-খোংথাংগী থাজবা য়াবা মপাং অমা ওইনা অদুমক লৈখিগনি হায়না থাজবা পীখি।

রাস্ত্রপতি অসিনা হায়খি মদুদি ঐখোয়গী মরী অসি মতম চুপ্পদা মতেং পাংনবা অমসুং অমনা অমবু থাজনবগী মরীনা পুন্দুনা লাক্লি। লাইচৎ অমসুং হৌজিক লৈরিবা অন্তর্জাতিগী ফিভম অসিনা ভারত অমসুং বঙ্গলাদেশপু মালেমগী লাংফমশিং থেংননবা হেন্না শেন্মিৎলোন্দা শম্নদুনা লৈমিন্ননবা তাল্লি। খোঙচৎ অসিগা লোইননা লৈবাক অনিগী মরক্তা লৈনরিবা মরী অসিন হেন্না মপুং ফাবা অমসুং হেন্না চাউখৎপা ঙম্লগনি হায়না মহাক্না থাজবা ফোংদোকখি।

***************