কমর্স অমসুং ইন্দস্ত্রী মন্ত্রালয়
ভারত-য়ু.এস. ‘পার্ত্নরসিপ ওফ ত্রস্ত’ অসি ত্রেদ, তেক অমসুং তেলেন্ত হায়রিবা য়ুম্বী ৩সিদা য়ুম্ফম ওইবনি – শ্রী পিয়ুস গোয়ল
Posted On:
06 SEP 2022 4:21PM by PIB Imphal
কম্মর্স এন্দ ইন্দস্ত্রী, কঞ্জ্যুমর এফ্যার্স, ফুদ এন্দ পব্লিক দিস্ত্রিব্যুসন অমসুং তেক্সতাইল্সকী কেন্দ্র মন্ত্রী, শ্রী পিয়ুস গোয়লনা ঙসি ত্রেদ, তেক অমসুং তেলেন্ত হায়রিবা য়ুম্বী অহুমসিদা য়ুম্ফম ওইবা ভারত অমসুং য়ু.এস.কী মরক্তা লৈনরিবা ‘থাজনবগী খোঙবু’ অসি মাঙদা চঙশিন্দুনা হেন্না হেন্না মপাঙ্গল কনখৎলক্লি। ৱাফম অসি মহাক্না সান ফ্রান্সিস্কোদা মেদিয়াগা ৱারী ৱাতায় শানবদা ফোঙদোকখিবনি।
মেদিয়াগী মফমদা ৱা ঙাঙলদুনা, মহাক্না মশক নাইরবা বিজিনেস প্রোফেস্নেলশিং, সি.ই.ও.শিং, ইন্দস্ত্রীগী মকোক থোংবা লুচিংবশিং, স্তার্ত-অপ ইকোসিস্তেম অমসুং ভেঞ্চর কেপিতলিস্তনচিংবা কয়াগা ৱারী ৱাতায় শানখি হায়না মন্ত্রীনা ফোঙদোকখি। মীফম অদুদা মখোয়না ভারতকা থবক তৌমিন্নবদা থেংনবশিং পাউদমখি অমদি ভারত্তা শেল থাদবগী চাং হেনগৎহন্নবা অমসুং ভারতকী মীওইশিংদা থবক পীনবগীদমক মখোয়গী ওইবা সজেসন অমসুং নৌবা ৱাখল্লোনশিং ফোঙদোক্লমখি হায়না মন্ত্রীনা মখা তাখি। মখোয়গী মফমদা ভারত্তা থবক তৌবদা পুক্নিং মথুম মরাং হৌবগী মতৌ উবদা শ্রী গোয়লনা নুংঙাইবা ফোঙদোকখি।
মন্ত্রীনা নুমিত্তুগী অহানবদা সান ফ্রান্সিস্কোদা মহাত্মা গান্ধীগী মফমদা শ্রদ্ধাঞ্জলি কৎখি। মফমদুদগী মহাক্না গদর মেমোরিএল হোলদা চৎখি। মতুংদা, য়ুনাইতেদ স্তেত্সকী রিজন ৬দা ইন্সতিত্যুৎ ওফ চার্তর্দ একাউন্তেন্তস ওফ ইন্দিয়া (আই.সি.এ.আই.) হৌদোকখি।
শ্রী পিয়ু গোয়লনা সান ফ্রান্সিস্কোদা জি.আই.তি.পি.আর.ও. (গ্লোবেল ইন্দিয়ন তেক্নোলোজী প্রোফেস্নেল্স এসোসিএসন) অমসুং এফ.আই.আই.দি.এস. (ফাউন্দেসন ফোর ইন্দিয়া এন্দ ইন্দিয়ন দাইস্পোরা স্তদিজ)কী লুচিংবশিংগা ৱারী ৱাতায় শানখি। শ্রী গোয়লনা তেক কম্ম্যুনিতীগী মফমদা ‘ইন্দিয়া স্তোরী’বু এন্দোর্স তৌনবাঅমসুং ভারতপু শেল থাদবগী চপ চারবা মফম অমা ওইহন্নবা ৱাফম থমখি। মখোয়বু ভারতকী চাওখৎ ৱারীগী শরুক অমা ওইননবা ৱাফম থম্বগা লোয়ননা শ্রী গোয়লনা মখোয়বু ভারত্তা শেল থাদনবা অমদি ওপরেসন লিংখৎনবা হায়খি।
শ্রী গোয়লনা সান ফ্রান্সিস্কোদা য়ু.এস. ইন্দিয়া স্ত্রেতেজিক পার্ত্নরসিপ ফোরম (য়ু.এস.আই.এস.পি.এফ.)কসু ৱারী ৱাতায় শানখি।
কেন্দ্র মন্ত্রী অসি ইন্দিয়া-য়ু.এস. স্ত্রেতেজিক ফার্ত্নরসিপ ফোরমগী মীফম অমসুং ইন্দো-পেসিফিক ইকনমিক ফ্রেমৱর্ক (আই.পি.ই.এফ.)কী মিনিস্ত্রিএল মীফম শরুক য়ানবগীদমক সেপ্তেম্বর ৫দগী ১০ ফাওবা য়ুনাইতেদ স্তেত্স ওফ অমেরিকাগী সান ফ্রান্সিস্কো অমসুং লোস এঞ্জেলিসকী মপান খোঙচৎ অমদা লৈরিবনি।
Interacted with leaders of Foundation for India & Indian Diaspora Studies (FIIDS) & Global Indian Technology Professionals Association (GITPRO) in San Francisco.
Urged tech-community to invest & set up operations in India to be a part of India's growth story. pic.twitter.com/lpAkgzgwyW
— Piyush Goyal (@PiyushGoyal) September 6, 2022
*******
(Release ID: 1857204)
Visitor Counter : 120