উপ রাস্ত্রপতি, শ্রী জগদীপ ধনখরনা ঙসি ধর্মগী লুচিংবশিং অমসুং মেদিয়াদা হকচাংগী কয়াৎ দান তৌবগা মরী লৈনবা চীংনবশিং অদুবু কোকহন্দুনা অমসুং য়াম্না মরু ওইবা হীরম অসিগী মতাংদা এৱের্নেস পীদুনা মীয়ামদা হকচাংগী কয়াৎ দান তৌনবা পুক্নিং থৌগৎলসি হায়না অপীল তৌখ্রে।

Hon'ble Vice President, Shri Jagdeep Dhankhar at the launch of 'National Campaign for Body-Organs Donation' at 'Swasth Sabal Bharat Sammelan' organised by Dadhichi Deh Dan Samiti in New Delhi today. @dadhichidehdan @drharshvardhan @SushilModi pic.twitter.com/7xCxDo1Zex

— Vice President of India (@VPSecretariat) September 4, 2022

থৌরম অদুদা ৱা ঙাংলদুনা ঙসি নই দিল্লীগী দধীচি দেহ দান সমিতিনা শিনবা থৌরম অমদা নেস্নেল কেম্পন ফোর বোদী-ওর্গান্স দোনেসন হৌদোকপদা উপ রাস্ত্রপতিনা হকচাংগী কয়াৎ দান তৌবা হায়বা অসি মরু ওইবা হীরম অমনি অমসুং হকচাংগী কয়াৎ দান তৌনবগীদমক সপ্পোর্ত সিস্তেম অমা লৈহনবা মথৌ তাই হায়না ফোঙদোকখি। হীরম অসিদা অফবা ইকোসিস্তেম অমা শেমগৎনবা হোৎনরিবা অসিগীদমক দধীচি দেহ দান সমিতিবু থাগৎলদুনা মহাক্না খোঙথাংশিং অসি ফেমিলী লেবেল ফাওবা য়ৌহনবা পাম্মি হায়খি। মহাক্না মখা তারদুনা হায়খি, “মেদিয়া অমসুং সোসিএল মেদিয়ানা মিসন অসিদা অচৌবা থৌদাং লৌগদবনি। মেদিয়াগী মীওই খুদিংমক্না অফাবা ৱাখল্লোন চেনবা পাউজেল অসি শন্দোকপদা শরুক তমগদবনি”।

ঙসি মহর্শি দধীচি জয়েন্তীগী থৌরমদা মহাক্না য়াইফ-পাউজেল পীরদুনা শ্রী ধনখরনা মীয়ামদা “ঐখোয়গী ইশাগী নুংঙাইবা অমসুং খুন্নাইদা শরুক তম্নবগীদমক” অথোইবা মুনি অসিগী পুন্সি অমসুং ফিলোসোফী অসি মতৌ তম্নবা হায়খি।

থৌরম অসিদা পরমার্থ নিকেতন, ঋসিকেশকী সাধ্বী ভগৱতী সরস্বতীনা “সকারাত্মকতা সে সঙ্কল্প বিজয় কা” কৌবা লাইরিক অমসু ফোঙখি। ফোঙবগী থৌরম অসিগী মতুংদা পুজ্য সধ্বীজীনা লাইরিক অসিগী ফর্স্ত কোপী অমা উপ রাস্ত্রপতিদা খুদোল তমখি।

থৌরম অসিদা মেম্বর ওফ পার্লিয়ামেন্ত, দা. হর্শ বর্ধন, মেম্বর ওফ পার্লিয়ামেন্ত শ্রী সুশিল মোদী, সিনিয়ন এদভোকেৎ অমসুং দধীচি দেহ দান সমিতিগী পেত্রোন, শ্রী অলোক কুমার, হকচাংগী কয়াৎ তানখিবশিংগী ইমুংগী মীওইশিং, রাজ্য ২২দগী লাকপা এন.জি.ও.শিংগী মীহুৎশিং, দোক্তরশিং অমসুং অতোপ্পা দিগনিতরীশিংনা শরুক য়াখি।

থৌরম অসিগী ফোতোগ্রাফশিং –

*****