অহেনবা রাজ্য/য়ু.তি. ১২ হায়বদি চান্দিগর, দি&দি দি&এন, হরিয়ানা, হিমাচল প্রদেশ, মধ্য প্রদেশ, গুজরাত, রাজস্থান, ঝার্খন্দ, তেলঙ্গনা, পুদুচেরী, সিক্কিম অমসুং উত্তর প্রদেশতা কমন রেজিস্ত্রেসন ফেসিলিতী মখা তানা পাকথোক চাউথোক্নবা ঙসি শ্রী সুধানশু পান্দে, সেক্রেতরী (দি.এফ.পি.দি.)গী লুচিং মখাদা মীফম অমা পাংথোকখি। মীফম অদুনা রাজ্যশিং অসিদা কমন রেজিস্ত্রেসন ফেসিলিতী মখা তানা রোলআউত তৌনবা শেম শারিবা অদুসু য়েংশিনখি। শরুক য়ারিবা রাজ্য/য়ু.তি. পুম্নমক্না ফেসিলিতী অসি চৎনহনবগী অপাম্বা ফোংদোকখি মরমদি মসিনা নফসাগী মখাদা হাপচিন্নবগীদমক পোতেন্সিএল বেনেফিসরীশিংগী ফ্রেস দেতা ফংবদা মখোয়দা মতেং ওইরি। রাজ্য/য়ু.তি.শিংবু মসিগী ফেসিলিতী অসি মপুং ফানা শিজিন্ননবা খংহনখি।

অজাদিকা অমৃত মহোতসব (অকাম)গী তাঞ্জা লাকপদা অমদি নফসাগী মখাদা কানবা ফংহনবগী অচুম্বা তার্গেত তৌবদা রাজ্য/য়ু.তি.শিংবু লাইথোকহন্নবা, সেক্রেতরী (দি.এফ.পি.দি.)না ২০২২গী ওগস্ত ৫দা রাজ্য/য়ু.তি. ১১ মদুদি অসাম, গৱা, লক্ষদ্বীপ, মহারাস্ত্র, মনিপুর, মেঘলায়া, মিজোরাম, নগালেন্দ, পঞ্জাব, ত্রিপুরা অমসুং উত্তরাখন্দগীদমক কমন রেজিস্ত্রেসন ফেসিলিতী (মেরা রাসন মেরা অধিকার) হায়বা ৱেব-বেজ অমা হৌদোকখি। ফেসিলিতী অসি এন.আই.সি.না দিবেলপ তৌবনি অমদি মসি https://nfsa.gov.in.দা ফংবীগনি।

রাজ্য/য়ু.তি. ১১দা ফেসিলিতী অসি হৌদোকখিবদগী হৌরগা শুপ্নতগী নুমিত ২৫গী মনুংদা চাউরাক্না মীওই ১৩,০০০ রেজিস্তার তৌবা উবা ফংবনা মসিগী কমন রেজিস্ত্রেসন ফেসিলিতী অসি য়াম্না পুক্নিং থৌগৎনিঙাই ওইরি।

ফুদ এন্দ পব্লিক দিস্ত্রিব্যুসন বিভাগনা এনেবলিং ফেসিলিতী অমগুম সর্ব তৌনবা মসিগী অনৌবা খোংথাং অসিদা পুক্নিং থৌগৎলি মদুদি রাজ্য/য়ু.তি.শিংনা মখোয়গী অকক্নবা চাং ফাওবা নফসাগী মখাদা মতিক চাবা অমসুং মথৌ তাবা মীওইশিং কোনশিনবগী চিত্থহৌবা থৌওং মখা চত্থনবা দেতা ফংবা ঙম্লগনি।  

*****