সাইবর সুরকশিৎ ভারত থৌরাং অসি লেপ্পা লৈতনা লাক্লিবা অশোইবা, অমসুং ওর্গানাইজেসনশিংবু মখোয়গী দিজিতেল ইনফ্রাস্ত্রকচর ঙাকচনবা অমসুং তুংলমচৎতা সাইবর এতেকশিং থেংনবা ঙম্নবগীদমক সাইবর ক্রাইমগী মতাংদা মীয়ামদা ভাপ তাহন্নবা অমসুং চীফ ইনফোর্মেসন সেক্যুরিতী ওফিসর (সি.আই.এস.ও.) অমসুং লৈঙাক্কী বিভাগশিংদা লৈরিবা ফ্রন্তলাইন আই.তি. ওফিসিএলশিংগী কেপাসিতী শাগৎনবা পান্দমদা লৌখৎখিবা খোঙথাং অমনি। মীয়াম ভাপ তাহন্নবা, এজুকেসন অমসুং ইনেবলমেন্তকী ৱাখল্লোন্দা মথৌ পাঙথোক্লদুনা নেসনেল ই-গবর্নান্স দিভিজন (এন.ই.জি.দি.)না মাগী কেপাসিতী বিল্দিং স্কিমগী মখাদা, ৩০শুবা সি.আই.এস.ও. দীপ দাইব ত্রেনিং প্রোগ্রাম ওগস্ত ২২-২৬, ২০২২ ফাওবা পাংথোকখি। ইন্দিয়ন ইন্সতিত্যুৎ ওব পব্লিক এদমিনিস্ত্রেসন (আই.আই.পি.এ.), নই দিল্লীদা পাঙথোক্লদুনা, নুমিৎ মঙানিগী ওইবা ত্রেনিং প্রোগ্রাম অসি কেন্দ্র অমসুং রাজ্য/য়ু.তি. লৈঙাক্কী সি.আই.এস.ও.শিং, সবওর্দিনেৎ এজেন্সী/পি.এস.য়ু.শিং, পব্লিক সেক্তর বেঙ্ক অমসুং ইন্সুরেন্স কম্পেনী, পুলিসকী তেক্নিকেল ৱিং অমসুং সেক্যুরিতী ফোর্সশিং, সি.তি.ও. অমসুং তেক্নিকেল/পি.এম.য়ু. তীমশিংগী মেম্বরশিং; অমসুং মরী লৈনবা ওর্গানাইজেসনশিংগী আই.তি. সিস্তেমগী সেক্যুরিতীদা থৌদাং লৌরিবা ওফিসরশিংগীদমক শেমখিবনি।

দীপ দাইব ত্রেনিং অসিনা মরুওইনা সি.আই.এস.ও.শিং অসিবু সাইবর এতেক্কী মতাংদা মতীক চানা অমসুং মপুং ফানা খঙহন্নবা, খ্বাইদগী নৌবা তেক্নোলোজীশিং খঙহনবা, অমসুং ইন্দিভিজ্বেল ওর্গানাইজেসনশিংদা ই-ইনফ্রাস্ত্রকচরগী কান্নবা খঙহনবা, অমসুং মীয়ামদা ভাপ তাহন্নবা পান্দম থম্লি। ত্রেনিং অসিনা লিগেল প্রোভিজনশিংদা য়াওরিবশিং খঙহন্নবা হোৎনরি, অমসুং সাইবর ক্রাইসিস মেনেজমেন্ত প্লানশিং শাগৎনবা হোৎনরি। থৌরম অদুগী হৌদোকপগী তাংকক্তা শক্নাইরবা মীওইশিং – শ্রী অভিশেক সিংহ, পি.এন্দ সি.ই.ও., এন.ই.জি.দি., শ্রী এস.এন. ত্রিপাথি, দি.জি., আই.আই.পি.এ.,না থৌরম অদুগী ফম্বাক্কী লৈতেং ওইখি। হৌজিক্কী মতমদা লৈরিবা সাইবর এতেকশিংগী  সাইবর সেক্যুরিতীগী মরুওইবশিংগী মতাংদা নৈনরদুনা শ্রী ত্রিপাথিনা সি.আই.এস.ও. ওফিসরশিংবু মখোয়গী ওর্গানাইজেসনশিংগী সাইবর সেক্যুরিতীগী থৌরাংশিংবু শৌগৎপগা লোইননা অনৌবা ৱাখল অমসুং তুংগী মীৎয়েং থম্নবা খঙহনখি। শ্রী অভিশেক সিংহনা মহাক্কী ৱারোলদা ইন্দিভিজ্বেলগী থাক্তা মপাঙ্গল লৈরবা সাইবর সেক্যুরিতীগী তঙাইফদবা লৈরিবা অমসুং সি.আই.এস.ও. পার্তিসিপেন্তশিংনা লাইসেন্স পীরবা সোফৱেয়রশিং শীজিন্ননবা ফোংদোকখি। মহাক্না মখোয়দা হায়রিবা হীরম অসিগী মতাংদা ভারত সরকারনা লৌখৎলিবা থৌরাংশিংগী মতাংদা মরুওইনা নেসনেল ক্রিতিকেল ইনফোর্মেসন ইনফ্রাস্ত্রকচর প্রোতেক্সন সেন্তর (এন.সি.আই.আই.পি.সি.)বু লাকপা য়াবা সাইবর থ্রেৎশিং থেংননবা পুথোকখি।

ত্রেনিং প্রোগ্রাম অসিনা ইন্দস্ত্রী, একাদেমিয়া অমসুং লৈঙাক্তগী সবজেক্ত মেত্তর এক্সপর্তশিংনা গবর্নান্স রিস্ক অমসুং কমপ্লাইয়েন্স, হৌরক্লিবা সাইবর সেক্যুরিতী ত্রেন্দ, লেন্দস্কেপ ওব সাইবর সেক্যুরিতী প্রদক্স ইন ইন্দিয়া, নেৎৱার্ক সেক্যুরিতী, সাইবর ক্রাইসিস ৱার্কপ্লেস প্লান, এপ্লিকেসন অমসুং দেতা সেক্যুরিতী, ক্লাউদ সেক্যুরিতী, মোবাইল সেক্যুরিতী, ক্রিপতোগ্রাফি, সাইবর সেক্যুরিতী তেস্তিং এন্দ ওদিৎ, সাইবর সেক্যুরিতীগা মরী লৈনবা আই.তি. এক্তকী প্রোভিজনশিং অমসুং আই.এস.এম.এস. স্তেন্দার্দশিং আই.এস.ও. ২৭০০১ গুম্বা সাইবর সেক্যুরিতীগী ইস্যুশিংগী হীরমদা ঙাংখি। ইন্তরেক্তিব প্রজেন্তেসন সেসন অমা থৌরম অসিগী মতাংদা পার্তিসিপেন্তশিংনা পায়খৎখিবনা অমনা অমদগী তম্নবগী খুদোংচাবা ফংখি।

২০১৮দা হৌদোক্লদুনা, সি.আই.এস.ও. ত্রেনিং অসি লৈঙাক অমসুং ইন্দস্ত্রী কন্সোর্তিয়মশিংগী মরক্তা পব্লিক প্রাইবেৎ পার্তনর্শিপ (পি.পি.পি.) মোদেলদা পাঙথোকপা অহানবা মখল অমনি। জুন ২০১৮দগী হৌদুনা, হায়রিবা প্রোগ্রামশিং অসিনা সেনিয়র ওফিসিএল ১২২৪বু সেক্যুর দিজিতেল ইনফ্রাস্ত্রকচর অমসুং মখোয়গী ওর্গানাইজেসনশিংগী সিস্তেমগী মতাংদা ভাপ তাহনবা ঙমখ্রে।

***************