آدھار کا رجسٹریشن، استعمال اور اپنانے کا عمل پورے ہندوستان میں اچھی طرح سے ترقی کر رہا ہے، اور جولائی 2022 کے آخر تک، باشندوں کے لیے  134.11 کروڑ سے زیادہ آدھار نمبر تیار کیے جا چکے ہیں۔

رہائشیوں نے جولائی کے مہینے میں 1.47 کروڑ آدھار کو کامیابی سے اپ ڈیٹ کیا، اور جولائی کے آخر تک رہائشیوں کی درخواستوں کے بعد 63.55 کروڑ آدھار نمبروں کو کامیابی کے ساتھ اپ ڈیٹ کیا جا چکا ہے۔ اپ ڈیٹ کرنے کی یہ درخواستیں آبادیاتی اور بائیو میٹرک اپ ڈیٹس سے متعلق ہیں جو دونوں فزیکل آدھار مراکز پر اور آن لائن آدھار پلیٹ فارم کا استعمال کرتے ہوئے کی جاتی ہیں۔

جولائی میں، آدھار کے ذریعے 152.5 کروڑ تصدیقی لین دین کئے گئے۔ ان میں سے زیادہ تر ماہانہ ٹرانزیکشن نمبر فنگر پرنٹ بائیو میٹرک تصدیق (122.57 کروڑ) کا استعمال کرتے ہوئے کیے گئے تھے، اس کے بعد ڈیموگرافک تصدیق کی گئی تھی۔

جولائی 2022 کے آخر تک، اب تک مجموعی طور پر 7855.24 کروڑ آدھار کی تصدیق کی جاچکی ہے، جب کہ جون کے آخر تک اس طرح کی 7702.74 کروڑ تصدیق کی گئی تھی۔

جولائی کے دوران، 53 لاکھ سے زیادہ آدھار بنائے گئے، ان میں سے اکثریت 18 سال(0-18 عمر کے گروپ)سے کم عمر کے بچوں کی تھی ۔ بالغ باشندوں میں آدھار کی سیچوریشن کی سطح اب یونیورسل کے قریب ہے، اور مجموعی طور پر سیچوریشن کی سطح 93.41فی صد ہے۔ کم از کم 26 ریاستوں اور مرکز کے زیر انتظام علاقوں میں اب 90 فیصد سے زیادہ کی سیچوریشن سطح ہے۔

آدھار، گڈ گورننس کا ایک ڈیجیٹل انفراسٹرکچر، زندگی میں آسانی اور کاروبار کرنے میں آسانی دونوں کے لیے ایک ترغیب ہے۔ ڈیجیٹل آئی ڈی مرکز اور ریاستوں میں مختلف وزارتوں اور محکموں کی کارکردگی کو بہتر بنانے، شفافیت اور اہداف حاصل کرنے والوں کو فلاحی خدمات کی فراہمی میں مدد کر رہی ہے۔ ملک میں تقریباً 900 سماجی بہبود کی اسکیموں کو جو مرکز اور ریاستوں کے ذریعہ چلائی جاتی ہیں، کو آج تک آدھار کے استعمال کے لیے مطلع کیا گیا ہے۔

 آدھار پیمنٹ برج (اے پی بی) فلاحی اسکیموں کے ذریعے فوائد پہنچانے میں کلیدی کردار ادا کر رہا ہے جس میں ایل پی جی، ایم جی این آر ای اور قومی سماجی  امداد پروگرام یا این اے ایس پی کے لیے براہ راست فائدہ کی منتقلی شامل ہے۔ جولائی کے مہینے کے دوران اے پی بی کے تمام لین دین میں 12511 کروڑ روپے کی رقم شامل تھی۔

چاہے وہ ای-کے وائی سی ہو، آخری میل بینکنگ کے لیے آدھار فعال ادائیگی کا نظام (اے ای  پی ایس) ہو، یا آدھار سے چلنے والا  ڈی بی ٹی ، آدھار، عزت مآب وزیر اعظم نریندر مودی کے ڈیجیٹل انڈیا کے وژن کی حمایت میں ایک شاندار کردار ادا کر رہا ہے۔

جولائی میں، آدھار کے ذریعے کئے گئے ای-کے وائی سی لین دین کی تعداد 22.84 کروڑ تھی۔ ای-کے وائی سی لین دین کی مجموعی تعداد جون میں 1226.39 کروڑ سے بڑھ کر جولائی میں اب تک  1249.23 کروڑ ہوگئی ہے۔ ای-کے وائی سی لین دین آدھار ہولڈر کی رضامندی کے بعد کیا جاتا ہے، اور فزیکل کاغذی کارروائی کو ختم کرتا ہے، اور کے وائی سی رجسٹریشن کے لیے اکثر ذاتی طور پر تصدیق کی ضرورت ہوتی ہے۔

آدھار فعال ادائیگی کے نظام (اے ای پی ایس) اور مائیکرو اے ٹی ایم کے نیٹ ورک کے استعمال سے 1507 کروڑ سے زیادہ آخری میل تک بینکنگ لین دین ممکن ہوئے ہیں۔ صرف جولائی میں، پورے ہندوستان میں 22.37 کروڑ اے ای پی ایس لین دین کئے گئے۔

نوٹ: یو آئی  ڈی اے آئی  ایک ماہانہ بلیٹن شروع کر رہا ہے جس میں آدھار کی کامیابیوں اور پیشرفت کو اجاگر کیا جا رہا ہے۔ میڈیا سے درخواست کی جاتی ہے کہ وہ نوٹ کریں کہ کچھ ڈیٹا پوائنٹس کو بعد میں معمولی اپ ڈیٹ کیا جا سکتا ہے۔

***

ش ح۔   ش ت۔ج

Uno-9824