সিবিল এবিয়েসন মন্ত্রালয়
কানপুর এয়রপোর্ত্তা দিসেম্বর ২০২২ ফাওবদা মালেমগী থাক্তা লৈবা খুদোংচাবশিং পীরগনি
লুপা করোর ১৪৩.৬ চঙগদবা মপুং ওইবা চাউখৎ খোঙথাংগী প্রোজেক্ত পায়খৎলি
অনৌবা তর্মিনেল বিল্দিংনা চিল্লবা মতমদা পেসেঞ্জর ৩০০ প্রোসেস তৌবা ঙমগনি
Posted On:
01 SEP 2022 1:09PM by PIB Imphal
কানপুর শহর অসি উত্তর প্রদেশকী লল্লোন ইতীক্কী কোনুং অমনি অমসুং শউন, ফিরোল অমসুং ঙাকশেলগী পোত্থোকশিং পুথোকপা হব অমনি। মসিবু পুৱারীগা শাগোন্নরবা লাই খুরম্বশিংগী মফমশিং অমসুং তোঙান-তোঙানবা অৱাংবা থাক্কী ইন্সতিত্যুসনশিংগীদমকসু খঙনরি, শহর অসিদা নোংথক্কী লম্বীদা লাকপা লমকোইবশিংবুসু মশীং য়াম্না চিংশিল্লি। হৌজিক্কী ওইনা কানপুর এয়রপোর্ত অসিনা দিল্লী, মুম্বাই, বেঙ্গলোর, অমসুং গোরাখপুরগা হকথেংননা শম্নরি। পেসেঞ্জর চত্থোক চৎশিন্দা হেনগৎলক্লিবা অসিবু য়েংলগা, এ.এ.আই.না কানপুর এয়রপোর্ত্তা লুপা করোর ১৪৩.৬ চঙগদবা প্রোজেক্ত অমগা লোইননা সিভিল এনক্লেবকী থবকশিং পায়খৎখ্রে। চাউখৎ-খোঙথাংগী ওইবা প্রোজেক্ত অসিদা অনৌবা তর্মিনেল বিল্দিং শাবা, অমসুং এ-৩২১ মখলগী এয়র্ক্রাফ অহুম খাম্বা য়ানবা এপ্রোন শাবা য়াওরি। স্ক্বার মিতর ৬২৪৮কী অপাকপদা শারদুনা, অনৌবা সিভিল এনক্লেবকী তর্মিনেল বিল্দিং অসি চিল্লবা মতমদা পেসেঞ্জর ৩০০ প্রোসেস তৌবা ঙম্নবগী মওংদা শাগনি। অনৌবা পেসেঞ্জরশিংগী খুদোংচাবশিং হাপ্লদুনা, তর্মিনেল অসিদা চেক ইন কাউন্তর নিপান, থুংলরিবা পেসেঞ্জরশিংগী কনভেয়র বেল্তশিংসু লৈগনি। কার ১৫০ খাম্বা য়াগদবা পার্কিংগী মফম অমসু খন্নরে। তর্মিনেল বিল্দিং অসি তুং কোইনা চৎপা য়াবা গৃহ রেতেদ এনর্জী স্তার মরিগী বিল্দিং অমা ওইগনি। তর্মিনেল অসিগী মায়থোং অসিনা লোকেল আর্ত অমসুং মফম অসিগী ফাওরবা কানপুরগী জে.কে. লাইশঙদগী ইথিল লৌদুনা হেরিতেজ কয়া উৎকনি। চাউখৎ-খোঙথাংগী প্রোজেক্ত অসি ৩১ দিসেম্বর ২০২২ ফাওবদা লোইনবা পান্দম থম্লি।
কানপুর এয়রপোর্তকী সিভিল এনক্লেব চাউখৎনবা হোৎনবনা শহর অসিগা শম্নবগী চাং হেনগৎলগনি, লমদম অসিগী মপুং ওইবা চাউখৎপদসু শক্তি পীরগনি।
হৌদোক্লিবা তর্মিনেল বিল্দিং অসিগী শহর মায়কৈ থংবা এলিভেসন
হৌদোক্লিবা তর্মিনেল বিল্দিং অসিগী ৩দি ভ্যু
***************
(Release ID: 1856103)
Visitor Counter : 130