প্রধান মন্ত্রী শ্রী নরেন্দ্র মোদীনা লুচিংবা কেবিনেত কম্মিতী ওন ইকনমিক্স এফ্যার্সনা প্রাইস সপ্পোর্ত স্কিম (পি.এস.এস.) অমসুং প্রাইস স্তেবিলাইজেসন ফন্দ (পি.এস.এফ.)গী স্তোক্তগী তোঙান তোঙানবা ৱেলফ্যার স্কিমশিংদা শীজিন্ননবগীদমক স্তেত/য়ু.তি.শিংদা অতাবা মমলদা চনা (পল্সেস) থাদোকখিনবা, অমদি তুর উরাদ অমসুং মসুরগী ওইনা পি.এস.এস.কী মখাদা পোৎ লৌশিনবগী চাং হান্না লৈরম্বা ২৫%দগী ৪০ক্%দা হেনগৎহন্নবা অয়াবা পীখ্রে‍।

অয়াবা পীখ্রবা স্কিম অসিগী মখাদা, স্তেত/য়ু.তি.শিংদা চনা এম.তি. লাখ ১৫ হান্না লাকপনা খুদোংচাবা হান্না ফংবগী মওংদা লৌফম স্তেতকী ইসু মমলদগী কেজিদা লুপা ৮ তানা পীগদৌরি‍। স্তেত/য়ু.তি.শিংনা হায়রিবা হৱাই অসি মিদ-দে মীল, পব্লিক দিস্ত্রিব্যুসন সিস্তেম, ইন্তিগ্রেতেদ চাইল্দ দেভেলপমেন্ত প্রোগ্রাম (আই.সি.দি.পি.)নচিংবা তোঙান তোঙানবা ৱেলফ্যার স্কিমশিং/প্রোগ্রামশিংদা শীজিন্নগদবনি‍। মসি থা ১২গী ওইনা অমুকখক পীথোক্কদবা নৎত্রগা চনা স্তোক এম.তি. লাখ ১৫সিনা লৈরিবা মতমগী ওইনা, অনিসিগী মনুংদা অহানবদুফাওবদং চৎনগদবনি‍। স্কিম অসি পায়খৎনবগীদমক লৈঙাক্না লুপা করোর ১২০০গী শেনফম চাদিং তৌগদৌরি‍।

ফিরেপ অসিনা লাক্কদৌরিবা রবি লৌরোক্তা প্রাইস সপ্পোর্ত স্কিমগী মখাদা অনৌবা স্তোক লৌশিনবদা মথৌ তাগদবা মফম হাঙহন্দুনা লৌমীশিংনা হৱাই চেংৱাইগী শেন্দোং হঞ্জিনবা মমল ফংহনবদা মতেং পাংবগা লোয়ননা লৌমীশিংবু অসিগুম্বা হৱাইশিং হেন্না থাবদা শেল হেন্না থাদনিংবা পোকহন্দুনা মখোয়গী পোত্থোক্কী শেন্দোং হঞ্জিনগদবা মমল ফংহনবদা মতেং পাংবতা নত্তনা স্তেত/য়ু.তি.শিংবু পি.দি.এস., মিদ দে মীল স্কিম্নচিংবা তোঙান তোঙানবা ৱেলফ্যার স্কিমশিংদা চনা শীজিন্নবা য়াহল্লগনি‍। মসিগী মথক্তা, মসিনা ঐখোয়গী লৈবাকপু অসিগুম্বা হৱাইগী লমদা মরোমদোম লেপচবা ঙমহনবদা মতেংসু পাংগনি‍।

হৌখিবা মতম খরসিদা, মরুওইনা হৌখিবা চহি অহুমদা, লৈবাকসিদা চনা (পল্সেস) খ্বাইদগী চাং ৱাংনা পুথোকপা ঙম্লি‍। ভারত লৈঙাক্না প্রাইস সপ্পোর্ত স্কিমগী মখাদা ২০১৯-২০, ২০২০-২১ অমসুং ২০২১-২২গী রবি লৌরোক্তা চনা রেকোর্দ ওইনা লৌশিনখি‍। মসিনা মরম ওইরগা পি.এস.এস. অমসুং পি.এস.এফ.কী মখাদা লৈঙাক্কী মফমদা চনা এম.তি. লাখ ৩০.৫৫ লৈরি, অমদি লাক্কদৌরিবা রবি লৌরোক্তসু চনা পুথোকপগী চাং ফনা লৈগনি হায়না পারি‍। মসিগা লোয়ননা ২২-২৩দা চনাগী মিনিমম সপ্পোর্ত প্রাইস হেনগৎপনা প্রাইস সপ্পোর্ত স্কিমগী মখাদা হেন্না পোৎ লৌশিনবা ঙমহল্লগনি‍।

**************