আয়ুশ অমসুং ৱিমেন অমসুং চাইল্দ দেবেলপমেন্তকী রাজ্য মন্ত্রী, দা. মুঞ্জপরা মহেন্দ্রভাই কালুভাইনা ওল ইন্দিয়া ইনস্তিত্যুত ওফ আয়ুর্বেদদা ময়াম্না খ্বাইদগী হেন্না খঙনরবা য়োগ আসনাশিং অমদা খুদম-চাংদমদা য়ুমফম ওইবা রিসর্চকী কলেক্সন অমা ওইরিবা “সাইন্স বিহাইন্দ সুর্য়নমস্কার” হায়না মীংথোনবা লাইরিক অমা ফোংখ্রে। এ.আই.আই.এ.গী দাইরেক্তর, প্রোফেসর তনুজা মনোজ নেসারি, ইনস্তিত্যুত অদুগী দীন অমসুং ফেকল্তী মেম্বরশিংনা থৌরম অদুদা শরুক য়াখি।   

মন্ত্রী অসিবু ২০২২গী ওগসত ২২দগী ২৭ ফাওবা ইনস্তিত্যুত অসিদা পাংথোকখিবা কন্তিন্যুইং মেদিকেল এজুকেশন (সি.এম.ই.) প্রোগ্রাম ২০২২গী ওর্গনাইজরশিংবু ধাগৎপা ফোংদোক্নবগীদমক্তা অথোইবা মীথুংলেন ওইনা কৌখিবনি। মসি রাস্ত্রিয়া আয়ুর্বেদ ৱিদ্যাপীত (আর.এ.ভি.), নই দিল্লীগা খুৎশম্নদুনা স্বাস্থৱ্রিত্তা, পঞ্চাকর্মা অমসুং দ্রৱ্যগুনাগী দিপার্তমেন্তশিংনা শিনখিবনি।

 “সাইন্স বিহাইন্দ সুর্য়নমস্কার” হায়রিবা লাইরিক অসি এ.আই.আই.এ.গী দিপার্তমেন্ত ওফ স্বাস্থৱ্রিত্তা অমসুং য়োগনা কমপাইল তৌখিবনি। লাইরিক অসি ফোংবা মতমদা, দা. মহেন্দ্রভাইনা ভারতকী চৎনবী অমসুং হৈনবীশিংগী ৱিগ্যানদা য়ুমফম ওইবা অদুবু খঙহন্নবা মখোয়না তৌখিবা থবক অমসুং হোৎনখিবশিং অদুগীদমক্তা ইন্সতিত্যুত অসিগী ওজাশিং অমসুং স্কোলরশিংবু থাগৎপা ফোংদোকখি। 

সি.এম.ই.দা শরুক য়ারিবশিং অদুদা ৱা ঙাংলদুনা, দা. মহেন্দ্রভাইনা হায়খি মদুদি মসিদা শরুক বারিবশিংদা মতম আসিগী খ্বাইদগী নৌবা খুৎলাইশিংগী মতাংদা থবক ওইনা পাংথোক্তুনা ত্রেনিং পীবা, অমসুং পঞ্চাকর্মাগী থোওংশিংগী মতাংদা ৱিগ্যানগী ওইবা সেসনশিং আমসুং ফিল্দ ভিজিৎ কয়া অমা মখোয়গী কান্ননবগীদমক্তা শিনখিবা অসিদা মহাক্না নুংঙাইবা ফোংদোরকখি। ইম্যুনোলোজী, এনভাইরনমেন্ত, হেল্থ, থেরাপেতিক য়োগ, অমসুং তঙাইফদবা মেদিকেল স্তেতিস্তিকশিংগী মতাংদা ৱাখল-লৌশিং পীগদবা সেসন কয়া অমা পাংথোকখিবা অসিনা ভারত্তা আয়ুর্বেদিক স্তদীশিংগী ফিভম অসিবু অমুক্কসু এন্না থাক ৱাংনা পুখৎলগনি হায়না মহাক্না হায়খি। মহাক্না আয়ুর্বেদ অসিনা মালেমগী থাক্তা মীয়াম্না পাম্নরক্লিবা হায়বা অসিগী মতাংদা মহাক্না খঙজবা কয়া অমা মবামদা খঙহন্দুনা অমসুং আয়ুর্বেদদগী মতাংদা নৈনরিবা অমসুং তম্লিবা মহৈরোইশিংগীদমক্তা কয়াম মরু ওইবগে হায়বগী মতাংদা পল্লদুনা থৌরম অসিদা শরুক য়ারিবশিংগী পুক্নিং থৌগৎখি।

মন্ত্রী অসিনা হোসপিতাল ব্লোক্তা অনৌবা পঞ্চাকর্মাগী কা অমা শঙ্গাখি অমসুং এ.আই.আই.এ.গীদমক্তা ই-রিক্সো অমসুং পব্লিক এম্ববুলেন্স অমসু লমথাখি।

*******************