آیوش کے وزیر مملکت اور خواتین اور بچوں کی ترقی کے وزیر مملکت ڈاکٹر مُنجپرا مہندر بھائی کالو بھائی نے آل انڈیا انسٹی ٹیوٹ آف آیوروید میں معروف ترین یوگا آسنوں میں سے ایک سوریہ نمسکار کے بارے میں شہادت پر مبنی تحقیق کے ایک مجموعے  ’’سائنس بیہائنڈ سوریہ نمسکار‘‘کتاب ا جرا کیا۔  اے آئی آئی اے کی ڈائریکٹر پروفیسر تنوجہ منوج نیساری، انسٹی ٹیوٹ کے ڈینز اور فیکلٹی ارکان  بھی اس موقع پر موجود تھے۔

وزیر موصوف کو انسٹی ٹیوٹ میں 22 سے 27 اگست 2022 تک منعقد کئے جانے والے کنٹینیوئنگ میڈیکل ایجوکیشن (سی ایم ای) پروگرام 2022 کے منتظمین کو مبارکباد پیش کرنے  کے لئے  مہمان خصوصی کے طور پر مدعو کیا گیا تھا۔ اس پروگرام کا اہتمام راشٹریہ آیوروید ودیا پیٹھ (آر اے وی)، نئی دہلی کے تعاون سے  سواستھ  وریتا پنچ کرما  اور  دراویہ گونا کے محکموں کے ذریعہ کیا گیا تھا۔

کتاب ’’سائنس بیہائنڈ سوریہ نمسکار‘‘ کو اے آئی آئی اے کے سوستھ وریتا اور یوگا کے شعبہ نے مرتب کیا ہے۔ کتاب کا اجرا کرتے ہوئے ڈاکٹر مہندر بھائی نے انسٹی ٹیوٹ کے اساتذہ اور اسکالرز کو ان کی محنت اور ہندوستانی روایات اور طور طریقوں کی سائنسی بنیاد کو اجاگر کرنے کی کوششوں کے لیے مبارکباد دی۔

سی ایم ای کے شرکاء سے خطاب کرتے ہوئے، ڈاکٹر مہندر بھائی نے کہا کہ یہ دیکھ کر بہت خوشی ہوئی کہ شرکاء کو جدید ترین ٹیکنالوجی والے  آلات کے بارے میں عملی تربیت فراہم کرائی جا رہی ہے اور ان کے فائدے کے لیے پنچ کرما طریقہ کار کے سائنسی سیشن اور فیلڈ وزٹ کا اہتمام کیا گیا ہے۔ انہوں نے کہا کہ امیونولوجی، ماحولیات، صحت، تھریپی یوٹک یوگا، اور بنیادی طبی اعدادوشمار سے متعلق  مختلف روشن خیال سیشنوں کے ساتھ مل کر یہ کوششیں  یقیناً ہندوستان میں آیورویدک مطالعات کا درجہ بلند کریں گی۔

 انہوں نے یہ بتاتے ہوئے کہ آیوروید نے  کس طرح  عالمی قبولیت حاصل کی ہے اور آیوروید کا مطالعہ کرنے والے طلباء کے لیے اس کا کیا مطلب ہے، شرکا کی حوصلہ افزائی کی ۔

وزیر موصوف  نے ہاسپٹل  بلاک میں نئے پنچ کرما روم کا  فتتاح  بھی کیا اور اے آئی آئی اے کے لیے ایک ای رکشہ اور ایک پبلک  ایمبولینس کو جھنڈی دکھا کر روانہ کیا۔

۔۔۔۔۔۔۔۔۔۔۔

ش ح۔ا گ۔ن ا۔

U-9637