നാഷണൽ ഫാർമസ്യൂട്ടിക്കൽ പ്രൈസിംഗ് അതോറിറ്റിയുടെ (എൻപിപിഎ) രജത ജൂബിലി ആഘോഷങ്ങളെ കേന്ദ്ര രാസവസ്തു-വളം വകുപ്പ് മന്ത്രി ഡോ. മൻസുഖ് മാണ്ഡവ്യ അഭിസംബോധന ചെയ്തു. കേന്ദ്ര രാസവസ്തു-വളം വകുപ്പ് സഹമന്ത്രി ശ്രീ ഭഗവന്ത് ഖുബ ചടങ്ങിൽ വിശിഷ്ടാതിഥിയായി പങ്കെടുത്തു.

ഒരു നിയന്ത്രണ സംവിധാനം എന്ന നിലയിൽ മാത്രമല്ല, സൗകര്യങ്ങളൊരുക്കി നൽകുന്നതിനായി കൂടുതൽ പ്രവർത്തിച്ചതിന് എൻപിപിഎയെ പരിപാടിയെ അഭിസംബോധന ചെയ്തു കൊണ്ട് ഡോ. മാണ്ഡവ്യ അഭിനന്ദിച്ചു.

വ്യവസായത്തിന്റെ താൽപര്യങ്ങൾക്ക് കോട്ടം തട്ടാതെ താങ്ങാനാവുന്ന ചെലവിൽ മരുന്നുകളുടെ ലഭ്യത എൻപിപിഎ ഉറപ്പാക്കിയതായി ശ്രീ ഭഗവന്ത് ഖുബ പ്രസ്താവിച്ചു.

ഉദ്ഘാടന സെഷനിൽ, ഇന്റഗ്രേറ്റഡ് ഫാർമസ്യൂട്ടിക്കൽ ഡാറ്റാബേസ് മാനേജ്മെന്റ് സിസ്റ്റം 2.0 (IPDMS 2.0), ഫാർമ സാഹി ദാം 2.0 ആപ്പ് എന്നിവ പുറത്തിറക്കി.

 C-DAC-ൽ നിന്നുള്ള സാങ്കേതിക പിന്തുണയോടെ എൻപിപിഎ വികസിപ്പിച്ച ഒരു സംയോജിത പ്രതികരണ ക്ലൗഡ് അധിഷ്ഠിത ആപ്ലിക്കേഷനാണ് IPDMS 2.0. 2013 ലെ മരുന്ന് വില നിയന്ത്രണ ഉത്തരവ് (ഡിപിസിഒ) പ്രകാരം നിർബന്ധിതമായുള്ള വിവിധ ഫോമുകൾ സമർപ്പിക്കുന്നതിനു സഹായിക്കുന്ന ഏകജാലക സംവിധാനമായ ഇത്, ബിസിനസ്സ് നടപടികൾ എളുപ്പമാക്കുന്ന പ്രവർത്തനങ്ങൾ ഏകീകരിക്കുകയും ചെയ്യുന്നു. കടലാസ് രഹിത പ്രവർത്തനങ്ങളെ പ്രോത്സാഹിപ്പിക്കുകയും താൽപര്യമുള്ളവരെ എൻ പി പി എ യുമായി ബന്ധിപ്പിക്കുകയും ചെയ്യുന്നു.

ഫാർമ സാഹി ദാം 2.0 ആപ്പിന് സംഭാഷണം തിരിച്ചറിയൽ; ഹിന്ദിയിലും ഇംഗ്ലീഷിലും ലഭ്യത; ഷെയർ ബട്ടണും മരുന്നുകളുടെ ബുക്ക്‌മാർക്കിംഗും തുടങ്ങിയ നവീകരിച്ച സവിശേഷതകൾ ഉണ്ടാകും. ഉപഭോക്താക്കളുടെ പരാതികൾ പരിഹരിക്കുന്നതിനായി ഫാർമ സഹി ദാമിന്റെ ഈ പതിപ്പിൽ ഉപഭോക്തൃ പരാതി കൈകാര്യം ചെയ്യുന്നതിനുള്ള മൊഡ്യൂൾ സൗകര്യവുമുണ്ട്. ഐഒഎസ്, ആൻഡ്രോയിഡ് പതിപ്പുകളിൽ ആപ്പ് ലഭ്യമാകും.