এয়রপোর্ত ওথোরিতী ওফ ইন্দিয়া (এ.এ.আই.) অমসুং এল.এফ.ভি. এয়র নেভিগেসন সর্ভিসেস ওফ স্বিদেন (লুফ্তফার্তস্বেরকেৎ) অনিনা ঙসি নই দিল্লিদা লৈবা এ.এ.আই.গী কোর্পোরেত হেদক্বার্তর্সতা মেমোরেন্দম ওফ অন্দর্তেন্দিং অমা খুৎয়েক পীনখ্রে‍।

য়ানচে অদুনা তুং কোইগদবা এভিএসন তেক্নোলোজীগী মথঙগী জেনেরেসনবু শেমগৎপা অমদি মথৌ তৌহনবা ঙমবগী মতিং লৈবা এয়র নেভিগেসন সর্ভিস প্রোভাইদর অনি, ভারত অমসুং স্বিদেন পুন্দুনা স্মার্ত এভিএসন সোলুসনগী লমদা থিজিন হুমজিনগনি‍। এম.ও.য়ু. অসিনা লৈবাক অনিগী মরক্তা নাকল অনিগী ওইবা এভিএসন এক্সপর্তিজ অমসুং তেক্নোলোজী এক্সচেঞ্জ তৌনবগী লম্বী য়াৎলগনি‍। মসিনা ভারতকী কম্পেনীশিংবু স্বেদিস ইনোভেসন অমসুং এক্সপর্তিজ শীজিন্নদুনা থুনা চাওখৎহনবা ঙমগনি‍। এম.ও.য়ু. অসিগী মীৎয়েঙ মখাদা, কম্পেনীশিংনা নাকল অনিমক্কী ওইবা ইন্তরেস্ত লৈবা হীরমশিংদা পুন্না চৎমিন্নগনি‍।

এম.ও.য়ু. অদু মিস্তর এ. সুরেস, মেম্বর (এয়র নেভিগেসন সর্ভিসেস), এ.এ.আই. অমসুং মিস্তর মেগ্নস কোরেল, দিপুতী জেনেরেল, এল.এফ.ভি. স্বিদেন অনিনা খুৎয়েক পীনখিবনি‍। থৌরম অদুদা এ.এ.আই. চেয়রমেন শ্রী সঞ্জীব কুমার, স্বিদেন লৈঙাক্কী ইনফ্রাসত্রকচর মন্ত্রালয়গী স্তেত সেক্রেতরী মিস মেলিন কেদরফেল্দ্ত ওস্তবর্গ, এম্বেসেদর ওফ স্বিদেন তু ইন্দিয়া ঐচ.ই. ক্লাস মোলিন অমসুং এমবেসেদর ওফ ইন্দিয়া তু স্বিদেন ঐচ.ই. তন্মায়া লালনা শরুক য়াখি‍। থৌরম অদুদা এ.এ.আই., এল.এফ.ভি., এম্বেসী ওফ স্বিদেন, নই দিল্লী অমসুং বিজিনেস স্বিদেন – দি স্বেদিস ত্রেদ এন্দ ইনভেস্ত কাউন্সিলগী মকোক থোংবা ওফিসিএলশিংসু শরুক য়াখি‍।

নেক্স্ত জেনেরেসন স্মার্ত এয়রপোর্ত শেমগৎপগী মথৌ তাবা অমদি তুং কোইগদবা ত্রান্সপোর্ত সিস্তেম শেমগৎপগী মথৌ তাববু য়ামিন্নরদুনা নাকল অনিনা মখাদা পীরিবা এম.ও.য়ু.গী মচাকশিং অসিদা থবক পায়খৎমিন্ননবা য়ানখি:

• এভিএসন নোলেজ এক্সচেঞ্জ তৌনবা অমসুং তেক্নিকেল ত্রান্সফর প্রোগ্রাম
• এজেন্সী অনিগী মরক্তা নক্নবা অমদি মরুপ মপাং ওইবগী মরী য়োকখৎপা
• এয়রপোর্ততা তেক্নিকেল কোওপরেসন পাকথোক চাউথোকহন্নবা পান্দম
• সেফ অমসুং সিক্যুর ওইবা, তুং কোইগদবা অমসুং মতিং লৈবা এভিএসন সেক্তর শেমগৎপদা মতেং পাংনবা
• নাকল অনিগী অমদি মালেমগী লল্লোন ইতিক্কী লমদা অফবা থৌদাং লৌমিন্নবা

থৌরম অদুদাএয়রপোর্ত ওথোরিতী ওফ ইন্দিয়াগী চেয়রমেন শ্রী সঞ্জীব কুমারনা মতিং লৈবা, সেফ অমসুং সিক্যুর ওইবা অমদি তুং কোইগদবা এভিএসন সেক্তর শেমগৎনবগী ভারতনা হোৎনরিবা অসিবু পুন্না হোৎনমিন্নদুনা মপাঙ্গল কনখৎহন্নবগীদমক থৌরাং অসি পায়খৎপগীদমক ভারত লৈঙাক অমসুং স্বিদেন লৈঙাক অনিগী মফমদা নুংঙাইবা ফোঙদোকখি‍। এ.এ.আই. অমসুং এল.এফ.ভি. অনিগী মরক্তা সিভিল এভিএসনগী লমদা নাকল অনিগী ওইবা এক্সচেঞ্জ অসিনা নেক্স্ত জেনেরেসন স্মার্ত অমসুং তুং কোইগদবা এভিএসন তেক্নোলোজী শেমগৎপদা অমদি মথৌ তৌহনবদা চাউনা মতেং ওইগনি হায়না মহাক্না থাজবা ফোঙদোকখি‍।

এম্বেসেদর ওফ স্বিদেন তু ইন্দিয়া মিস্তর ক্লাস মোলিন্না ভারত অমসুং স্বিদেনগী মরক্তা মতম শাংনা লৈরক্লবা খুৎশম্নদুনা চৎমিন্নবগী মরীগী মরমদা ৱাফম কয়া ফমখি‍। “তুং কোইবা, হকশেল, ইনোভেসন, ইনর্জী য়াওনা হান্ননা পাক চাওনা ভারত-স্বিদেন খুৎশম্নবগী ফীভমসিদা হৌজিক অমুক সিভিল এভিএসন হাপচিল্লকপসিদা ঐখোয়না থবক পায়খৎনবা মীৎয়েঙ থম্লি‍। এম.ও.য়ু. অসিনা স্বিদেন অমসুং ভারতনা এভিএসন সেক্তরদা ক্লাইমেত-স্মার্ত সোলুসনগী লমদা থিজিনবদা খুদোংচাবা কয়া য়াম্না থোক্লক্কদগে হায়বসিদা ঐনা মীৎয়েঙ থম্লি‍।”

মহাক্কী ৱারোলদা এম্বেসেদর ওফ ইন্দিয়া তু স্বিদেন শ্রী তন্মায়া লালনা, “ভারত স্বিদেনগী খোঙবু ওইবগী মরী অসি মাঙদা চঙশিল্লি‍। এম.ও.য়ু. অসিনা অনৌবা গ্রাউন্দ অমগা অমুক কোনশিন্দুনা হেন্না শাফবা, তুং গোইগদবা অমদি মতিং লৈবা এভিএসন সেক্তর পুরক্নবা তেক্নোলোজী কোলাবোরেসন্দা মতেং পাংগনি‍। মসি ভারত্তা চাওখৎলক্লিবা রিজনেল এয়র কন্নেক্তিভিতীগী লমদসু মরুওইবা ৱাফম অমা ওইরি,” হায়না ফোঙদোকখি‍।

তেংবাংনগদবা হীরম অমসুং থবক থৌওংগী প্লান

মথঙশিৎনা ভারত অমসুং স্বিদেনগী লৈঙাক্কী এজেন্সীশিং ওইরিবা এ.এ.আই. অমসুং এল.এফ.ভি. অনিনা মখাগী হীরমশিং অসিদা পুন্না চৎমিন্নগনি:

১       এয়র ত্রাফিক মেনেজমেন্ত

২       এয়র ত্রাফিক কন্ত্রোল

৩       রিমোৎ এয়রপোর্ত মেনেজমেন্ত এন্দ ত্রাফিক কন্ত্রোল

৪       এয়রস্পেস দিজাইন অমসুং প্লান্নিং

৫       এয়রপোর্ত দিজাইন অমসুং ইনফ্রাস্ত্রকচর

৬       দিজিতেলাইজ এয়রপোর্ত অমসুং এভিএসন

৭       কেপেবিলিতী অমসুং ত্রেনিং

৮      সস্তেনেবল এয়রপোর্ত অমসুং এভিএসন

৯       পাইলোৎশিংগী থৌওংশিং

১০     চাউখৎহনবগী প্রোসেসশিং

ইন্তরেস্ত এরিয়াশিং প্রাইওরিতাইজ তৌনবা অমদি লৈবাক অনিগী মরক্তা খুৎশম্ননা চৎমিন্নবা অসি য়াঙশিলহন্নবা জোইন্ত ৱর্কিং গ্রুপ অমা শেমগদৌরি‍। এম.ও.য়ু. অসিনা তুংকোইগদবা, হকশেলো ইনোভেসন, ইনর্জী অমসুং মচাক মথুম্নচিংবা হান্না লৈরিবা এঙ্গেজমেন্তকী মথক্তা এভিএসন সেক্তরদা ভারত অমসুং স্বিদেনগী মরক্তা লৈঙাক্কা লৈঙাক্কা লৈনরিবা এঙ্গেজমেন্ত মখা তানা চত্থহনবদা মরুওইবা থৌদাং লৌগনি‍।

*****