ভারত লৈঙাক্কী সোসিএল জস্তিস অমসুং ইম্পৱারমেন্ত মন্ত্রালয়গী ‘রাস্ত্রিয় বায়োশ্রি য়োজনা’ (আর.ভি.ৱাই স্কিম)গী মখাদা অহলশিংদা অমদি এ.দি.আই.পি. স্কিমগী মখাদা ‘মীমান্নদ্রবশিংদা’ এদ অমসুং এসিস্তিব দিভাইসশিং য়েন্থোক্নবগীদমক ‘সামাজিক অধিকারিতা সিবির’ অমা দিপার্তমেন্ত ওফ এস.জে. এন্দ ই.না অলিমকো, নাগপুর ম্যুনিসিপাল কোর্পোরেসন (এন.এম.সি.) অমসুং দিস্ত্রিক্ত এদমিনিস্ত্রেসন নাগপুরগা খুৎশম্নরগা ঙসি নাগপুরগী রেসিমবাঘ লম্পাক্তা (মহারাস্ত্র) পাঙথোকখ্রে‍।

থৌরমদুগী অথোইবা মীথুংলেন ওইখিবা রোদ ত্রান্সপোর্ত এন্দ হাইৱেজকী কেন্দ্র মন্ত্রী শ্রী নিতিন গারকরিনা থৌরম অদুবু হৌদোকখি অমদি সোসিএল জস্তিস এন্দ ইম্পৱারমেন্তকী কেন্দ্র মন্ত্রী দোক্তর বিরেন্দ্র কুমার য়াওবা থৌরমদুদা মীমান্নদ্রবা অমসুং অহল ওইরবা মীওইশিংদা তোঙান তোঙানবা মখলগী তেংবাং পোৎলমশিং য়েন্থোকখি‍।

লুপা লাখ ৩৪৮৩.০০গী ওইগদবা অপুনবা পোৎলম ২৪১২০০ অহল ওইরবা মীওই ২৭৩৫৬ অমসুং মীমান্নদ্রবা মীওই ৭৭৮০দা কেন্দ্র লৈঙাক্কী স্কিমগী মখাদা লেম্না য়েনথোক্কদৌরি‍।

থৌরমদুদা ৱা ঙাঙলদুনা কেন্দ্র মন্ত্রী শ্রী নিতিন গারকরিনা খুন্নাইগী শোত্থহৌরবা অমদি মমৈদা লৈরিবা মীওইশিংগী থৌগল তৌদুনা লৈঙাক্কী স্কিমশিংগী কান্নবা ফংহন্দুনা মখোয়বু মপাঙ্গল কলহনবা হায়বসি ঐখোয়গী লৈঙাক্কী পান্দম্নি‍ হায়না হায়খি। মহাক্না সোসিএল জস্তিস এন্দ ইম্পৱারমেন্তকী কেন্দ্র মন্ত্রী দোক্তর বিরেন্দ্র কুমারবু নাগপুর ময়োল্লমদা মহাক্কী মন্ত্রালয়গী মখাদা খুন্নাইগী য়াইফ থৌরাংগী স্কিমশিং পায়খৎপগীদমক থাগৎপা ফোঙদোকখি‍।

থৌরমদুদা ৱা ঙাঙলদুনা দোক্তর বিরেন্দ্র কুমারনা নাগপুরদা মহারাস্ত্রগী অহানবা “দিব্যং পার্ক” লিংখৎনবগী মতেং পুম্বা মন্ত্রালয়না পীরি অমদি মসিগী থবক অথুবা মতমদা হৌরগনি হায়বা ৱাফম থমখি‍। “দিব্যং পার্ক” অসিদা মীমান্নদ্রবশিংগী ওইবা সেন্সরী লৈকোল, তেক্সতাইল পাথৱে তচ এন্দ স্মেল গার্দেন, স্কিল ত্রেনিং ফেসিলিতী, রিহেবিলিতেসন ফেসিলিতী, স্পোর্ত্স অমসুং ইন্ফোতেনমেন্তনচিংবা তোঙান তোঙানবা মখলগী ফেসিলিতীশিং য়াওগনি‍।

নাগপুরগী ময়োল্লম অমসুং খুঙ্গঙগী তোঙান তোঙানবা মফমশিংদা অলিমকোনা এন.এম.সি. অমসুং দিস্ত্রিক্ত এদমিনিস্ত্রেসন, নাগপুরগা খুৎশম্নরগা পাঙথোকখিবা এসেসমেন্ত কেম্পশিংদা রেজিস্তর তৌখিবা অহল অমসুং মীমান্নদ্রবা মীওইশিংগী মফমদা তোঙান তোঙানবা মখলগী তেংবাঙ খুৎলায়শিং তাঙ্কক নাইনা য়েন্থোক্কনি‍। বিনিফিসরী মশক খঙদোক্নবগী এসেসমেন্ত কেম্পশিং অসি চহি অসিগী ফেব্রিৱারীদগী মে ফাওবদা পাঙথোকখিবনি‍।

রেসিমবর্গ লম্পাক্তা পাঙথোকখিবা হৌদোকপগী থৌরমদা খা নাগপুরগী হান্না মশক খঙদোক্লবা বিনিফিসরি ৯০১৮ (অহল ৮১৬৪ অমসুং মীমান্নদ্রবা মীওই ৮৫৪)দা লুপা লাখ ৯১৯.০০গী ওইগদবা এদ্স অমসুং এসিস্তিব দিভাইস ৬৮৬৮৩ য়েন্থোক্কনি‍।

খা নাগপুরগী বিনিফিসরিশিংদা য়েন্থোক্কদৌরিবা তোঙান তোঙানবা মখলগী খুৎলায়শিংদুগী মনুংদা মোতোরাইজ ত্রাইসাইকল ৩০, ত্রাইসাইকল ৯৮, হ্বীলচেয়র ১৫২০, ক্রত্চ ৩০৫, চৈশু ৬৪৮৮, ব্রাইল কিত ২১, ব্রাইল কেন ৭৫, রোলেতর ০৯, হিয়রিং এদ মেচিন ৪১৬৬, এম.এস.আই.ই.দি. কিত ১০২, সি.পি. চেয়র ১১, স্মার্তফোন ৬৪, সর্ভিকেল কোলার ৬৪৩৬, কেলিপর ২১১, অমদি অহলশিংগী অচৌবা খুৎলায়শিংগী মরক্তা ফুত কেয়র য়ুনিৎ ১৩, ত্রাই পোদ ১৫৮৫, স্পাইনেল সপ্পোর্ত ১২৪৭, এল.এস. বলে্ত ৮১০৭, কোমোদ য়াওবা হ্বীলচেয়র ২১৩, কোমোদ য়াওবা চৌক্রি স্তুল ৭৬৭৭, সিলিকোন ফোম কুসন ৭৮৫৫, ফম্ফম য়াওবা চৈশু ০৩, ৱাল্কর ৫৮১, অনোক ৪৭৬৩, খুউ ফানবা ১৬১৬৮, য়া ৯৩৫ য়াওরি‍।

শ্রী সুরেন্দ্র সিংহ, এদিস্নেল সেক্রেতরী, দিপার্তমেন্ত ওফ সোসিএল জস্তিস এন্দ ইম্পৱারমেন্ত, ভারত লৈঙাক, শ্রী রাধাকিসন বি., কম্মিস্নর, নাগপুর ম্যুনিসিপাল কোর্পোরেসন (এন.এম.সি.), শ্রী বিজয় হম্নে, দিপুতী কম্মিস্নর, এন.এম.সি., নাগপুর, দোক্তর বিপিন ইতানকর, দিস্ত্রিক্ত কল্লেক্তর, নাগপুর, শ্রী য়োগেস কুম্ভেজকর, সি.ই.ও. নাগপুর জিলা পরিসদ অমসুং ম্যুনিসিপাল কোর্পোরেসম অমদি অলিমকোগী অতৈ মকোক থোংবা ওফিসিএলশিংসু থৌরমদুদা শরুক য়াখি‍।

*****