صارفین امور،خوراک اور عوامی تقسیم ،صنعت و تجارت اور ٹیکسٹائل کے مرکزی وزیر جناب پویش گوئل نے کہا کہ بھارت میں پہلے سے موجود تمام لیبز کی تجدید کاری اور نقشہ سازی کی جانی چاہئے  تاکہ بھارت میں ٹیسٹنگ کی سہولت  کا استعمال مزید بہتر طریقے سے کیا جا سکے۔کل نئی دہلی میں گورننگ کونسل آف بیورو آف انڈین اسٹینڈرڈز (بی آئی ایس) کے ہیڈکوارٹر میں اس  کی چوتھی میٹنگ میں اپنے صدارتی خطاب میں جناب گوئل نے لیباریٹریوں کے بنیادی ڈھانچے کو  پہلے سے بہتر اور مربوط کرنے  کی اہمیت پر خصوصی زور دیا۔وزیر نے کہا،‘‘بڑی لیبز بہتر معیارات قائم کریں  گی اور اس سے سرٹیفکیشن میں بھی آسانی ہوگی۔نوجوان ٹیکنیکل پیشہ ور اور ٹیکنیکل طلبہ کو ان لیبز کا دورہ کرایا جانا چاہئے جس سے انہیں   ٹیسٹنگ کے عمل کی بہتر تربیت دی جاسکے۔’’

اس میٹنگ  میں صارفین امور کے وزیر مملکت اور بی آئی ایس کی گورننگ کونسل کےسابق   نائب صدر جناب اشونی کمار چوبے کے ساتھ کونسل کے خصوصی ارکان نے بھی حصہ لیا۔

جناب گوئل نے بی آئی ایس کے 75سال پورے ہونے کے موقع پر مبارکباد دیتے ہوئے کہا کہ  اس نے بیورو کے ساتھ فروغ پایا ہے اور قومی معیشت میں مسلسل تعاون دے رہا ہے۔انہوں نے اس بات پر روشنی ڈالی کہ ‘برانڈ انڈیا’ کی ترقی  میں بی آئی ایس کا اہم کردار رہا ہے۔ انہوں نے کہا کہ  معیار کے حصول کےلئے نوجوانوں  اور ماؤں کی طاقت  کا استعمال  کیا جانا چاہئے۔انہوں نے  معیارات کے تئیں  نوجوانوں  کو حساس بنانے کےلئے بی آئی ایس کی اسکولوں میں اسٹینڈرڈ کلب  بنانے کی پہل کی ستائش کی۔

انہوں نے خواہش ظاہر کی کہ مستقبل  میں مینوفیکچرنگ کے  ابھرتے ہوئے علاقوں میں بھارت  سب سے اونچا مقام حاصل کرے اور اس کےلئے بی آئی ایس  کے ذریعہ معیارات کی ترقی کےلئے کی جارہی کوششوں کی ستائش بھی کی۔

جناب اشونی کمار چوبے نے اپنے خطاب میں معیارات کی تعمیر کرنے کےلئے   بی آئی ایس  کی ستائش کی جو  کاروباریوں کوبین الاقوامی سطح پر تسلیم شدہ  مصنوعات  بنانےکےقابل بناتا ہے اور جو صارفین کے مفاد میں نہ صرف ایک  بہترین قدم ہے بلکہ اس سے برآمدات  میں بھی آسانی ہوئی ہے۔انہوں نے مزید کہا کہ  ‘معیارات کا انقلاب ’آج اس وقت کی ضرورت ہے ،جہاں معیارات کا نفاذ کاروباروں  میں مدد کےلئے کیا جانا چاہئے اور اسے ایک رکاوٹ کے طورپر نہیں دیکھا جانا چاہئے۔’’

اس موقع پر جناب گوئل نے بی آئی ایس ہیڈکوارٹر کی تجدید شدہ  نئی عمارت ‘‘منکلایا’’کا افتتاح کیا۔انہوں نے بی آئی ایس کی  تجزیہ شدہ  ویب سائٹ کا آغاز کیا ،جو کسی بھی قسم کی معلومات تک رسائی کے حصول کےلئے  صارفین  کے لئے بے حد آسان ہے اور جس میں بی آئی ایس  کی جانب سے کی گئیں تمام اہم پہلوں  کو بھی اپ ڈیٹ کیا گیا ہے۔اس موقع پر نیشنل بلڈنگ کوڈ پر پیمفلیٹ  اور نیشنل الیکٹریسٹی کوڈ پر  ہینڈ بُک  بھی جاری کی گئی۔

گورننگ کونسل  کے اراکین  نے پچھلی گورننگ کونسل  کی میٹنگ کے بعد سے بی آئی ایس کے ذریعہ کی گئی پہلوں پر بات چیت کی اور اس سلسلے میں اپنے  قیمتی  خیالات و  مشوروں کا اشتراک کیا۔

*************

ش ح۔ ا م۔

U. No.9549