কঞ্জুমর এফেয়ার্স, ফুদ অমসুং পব্লিক দিস্ত্রিবিউসন, কম্মর্স অমসুং ইন্দস্ত্রি অমসুং তেক্সতাইলগী য়ুনিয়ন মিনিস্তর শ্রী পিয়ুস গোয়ালনা হায়খ্রে চাংয়েং তৌনবা লৈরিবা খুদোংচাবশিং হেন্না নিংথিনা শীজিন্নবা ঙম্নবা হৌজিক ভারত্তা লৈরিবা লেবশিং মতমগা চুন্না শেমগৎকদবনি অমসুং মেপ লৈহনগদবনি। ঙরাং নিউ দিল্লিদা পাংথোকখিবা বিউরো ওফ ইন্দিয়ান স্তেন্দার্দস(বি আই এস)কী গভর্নিং কাউন্সিলগী মরিশুবা মীফমদা মহাক্কী প্রসিদেন্তগী ৱারোলদা শ্রী গোয়ালনা হায়খি লেবশিংগী মচাক-মথুমশিং শেমগৎপা অমসুং পুনশিনবদা মরুওইবা মীৎয়েং চঙগদবনি। অফবা লেবশিংনা হেন্না ফবা স্তেন্দার্দশিং শেমগৎকদবনি অমসুং সর্তিফিকেদ পীবগী থবক লাইহনগদবনি। হায়রিবা লেবশিং অসি য়েংহন্দুনা নহা ওইরিবা শীনফম অসিদা থবক তৌরিবা মীওইশিং অমসুং মহৈরোয়শিং চাংয়েং তৌবগী থবকশিং খঙহনগদবনি।

মীফম অদুদা কঞ্জুমর এফেয়ার্সকী রাজ্য মন্ত্রী অমসুং বি.আই.এস গভর্নিং কাউন্সিলগী এক্স-ওফিসিও ভাইস প্রসিদেন্ত শ্রী অশ্বিনি কুমার চৌবে অমসুং গভর্নিং কাউন্সিলগী শক্নাইরবা মেম্বরশিং শরুক য়াখি।

বি.আই.এসনা চহি ৭৫ মপুংফারকপদা থাগৎপা ফোঙদোক্লদুনা শ্রী গোয়ালনা হায়খি লৈবাক অসি শেম্লকপদা বি.আই.এস য়াওরক্লে অমসুং লৈবাক্কী শেন্মিৎলোন্দা মতেং পাংদুনা লাক্লি। ‘ব্রান্দ ইন্দিয়া’ চাউখৎহনবদা বি.আই.এসনা মরুওইবা থৌদাং অমা লৌরি। মগুন লৈবা পোৎথোক পুথোক্নবা নহারোলশিং অমসুং মমাশিংগী শক্তি শীজিন্নগদবনি। স্তেন্দার্দশিং অমসুং মগুন লৈবা পোৎথোকশিংগীদমক নহারোলশিং ৱাখল তাহন্নবা বি.আই.এসনা স্কুলদা স্তেন্দার্দস ক্লবশিং শেমগৎলিবা অসি থাগৎনিঙাইনি।

মহাক্না মখা তানা হায়খি মেনুফেকচরিংগী লমদা ভারতনা মকোক্তা লৈগদবনি অমসুং হিরম অসিদা স্তেন্দার্দশিং শেমগৎনবা বি.আই.এসনা পায়খৎলিবা থবকশিং থাগৎখি।

শ্রী অশ্বিনি কুমার চৌবেনা হায়খি পোৎ শারিবশিংনা মালেম্না য়ানরবা পোৎথোকশিং পুথোকপা ঙম্নবা বি.আই.এসনা স্তেন্দার্দশিং শেম্লিবা অসি কঞ্জুমরশিংগী য়াইফনবা অচৌবা খোঙথাং অমা ওইবতা নত্তনা মসিনা মপান্দা থাদোকপদা লাইহনগনি। স্তেন্দার্দস রিভোলুসন’ অসি তাঞ্জা অসিদা তঙাইফদবনি; স্তেন্দার্দশিং চৎনহনবা অসিনা ললোন-ইতিকশিং মতেং পাংগদবনি অমসুং খুরৌথাংবা অমা ওইনা উরোইদবনি।

থৌরম অদুদা শ্রী গোয়ালনা বি.আই.এস হেদক্বাতরগী নৌনা শেমজিনবা বিল্দিং “মনকালায়া” শঙ্গাখি। বি.আই.এসকী মরুওইবা থবকশিং নৌনা হাপচিল্লবা শীজিন্নবা নুংঙাইরবা অমুক হেন্না শেমদোক্লবা বি.আই.এসকী ৱেবসাইদশু মহাক্না হাংদোকখি। নেসনেল বিল্দিং কোদকী লাইরিকশিং অমসুং নেসনেল ইলেকত্রিসিতি কোদকী হেন্দবুকশু ফোঙখি।

মমাঙগী গভর্নিং কাউন্সিলগী মীফম পাংথোকখ্রবা মতুংদা বি.আই.এসনা পাংথোকখিবা থবকশিংগী মতাংদা গনর্ভিং কাউন্সিলগী মেম্বরশিংনা খন্নখি অমসুং হিরম অসিদা মখোয়গী মরুওবা পাউতাকশিং/ৱাখল্লোনশিং ফোঙদোকখি।

*****