ঙাকশেল মন্ত্রী শ্রী রাজনাথ সিংহনা সাংহাই কোওপরেসন ওর্গানাইজেসন (এস.সি.ও.)বু অপুনবা ওইনা মওং অমত্তগী তেরোরিজমগী মাইয়োক্তা থেংননবা অমসুং মুত্থৎনবা হোৎনমিন্নবা পুক্নিং চিংশিনখি। ওগস্ত ২৪, ২০২২দা তাশকেন্ত, উজবেকিস্তান্দা এস.সি.ও. ঙাকশেল মন্ত্রীশিংগী মীফম অদুদা ৱা ঙাংলদুনা ঙাকশেল মন্ত্রীনা হায়খি মদুদি ঙমখৈ লান্না চত্থবা তেরোরিজম য়াওনা মীওই অমহেক্তনা মরম অমহেক্তগী চত্থবা মওং অমত্তগী তেরোরিজম অসি মীওইবা খুন্নাইগী মাইয়োক্তা চত্থবা ক্রাইম অমনি।

"তেরোরিজম হায়বসিনা মালেমগী শান্তি অমসুং ঙাকশেলদা য়াম্না শাথিবা শিংনবা অমা ওইরি। ভারতনা মওং অমত্তগী তেরোরিজম্বু থেংননবা, অমসুং লমদম অসিবু শান্তি লৈনবা, ঙাকশেল ৱাত্তনা অমসুং তংদু লৈতাবা পুন্সিদা হঞ্জিন্নবা ৱারেপ অমুক্কা হন্না নীংশিংলি। ঐখোয়না এস.সি.ও. মেম্বর স্তেতশিংগা লোইননা অপুনবা ইন্সিতিত্যুসনেল কেপেবিলিতী অমা শাগৎপা পাম্মি, লৈবাকশিং অসিগী সেন্সিতিবিতীশিং অসিবু ইকাইখুম্নবগা লোইননা, ইন্দিভিজ্বেল, খুন্নাই অমসুং লৈবাকশিং অসিনা অমত্তা ওইনা মতেং পাংনবগী ইনোৎ অমা শাগৎপা পাম্মি," হায়না শ্রী রাজনাথ সিংহনা ফোংদোকখি।

হীরম অসিগী মতাংদা, ঙাকশেল মন্ত্রী অসিনা ২০২৩দা ভারত্তা 'হ্যুমেনিতরিয়ান এসিস্তেন্স অমসুং দিজাস্তর রিলীফ- রিস্ক মিতিগেসন অমসুং দিজাস্তর রেজিলিএন্ত ইনফ্রাস্ত্রকচর' হায়বা মপুং ওইবা ৱারোল অসিদা এস.সি.ও. মেম্বর স্তেতশিংগী ঙাকশেল মন্ত্রীশিংগী ওইবা ৱার্কশোপ অমা পাঙথোক্না হৌদোকখি। মহাক্না এস.সি.ও. লৈবাকশিংগী ঙাকশেলগী থিঙ্ক তেঙ্কশিংগী মরক্তা 'তোপিক ওব ইন্তরেস্ত' কী মতাংদা চহিগী ওইবা সেমিনার পাঙথোক্নবা হৌদোকখি। "ঐখোয়না অসিগুম্বা ঙাকশেলগী ওইবা থিঙ্ক তেঙ্ক সেমিনার অমা ভারত্তা ২০২৩দা পাঙথোক্নবা হৌদোকচরি," হায়না মহাক্না মখা তাখি।

শ্রী রাজনাথ সিংহনা আফঘানিস্তানগী সোভরিন্তি, নীংতম্বা, ঙমখৈগী ইন্তিগ্রিতী, জাতিগী অপুনবা অমসুং ইন্তর্নেল এফিয়রশিংদা খুৎ থিংজিন্দবা হায়বসিদা ইকাই খুম্নবগা লোইননা শান্তি অমসুং তংদু লৈতাবা ফিভম হঞ্জিন্নবা ভারতনা মপুং ফানা লেপ্লি হায়না ফোংদোকখি। মহাক্না পার্তি খুদিংমক্তা আফঘানিস্তানগী ওথোরিবু শৌগত্তুনা ৱারী ৱাতাইগী থাক্তা নেসনেল রিকন্সিলিএসন পুরকপদা পুক্নিং থৌগৎপীনবা অমসুং পাক চাউনা য়েংবা, অপুনবগী ওইবা রাজনিতী মওং মতৌ অমা লৈবাকসিদা শাগৎপদা শৌগৎপীনবা পুক্নিং চিংশিনখি। মহাক্না মতাং অসিদা য়ুনাইতেদ নেসন্স সেক্যুরিতী কাউন্সিল (য়ু.এন.এস.সি.)গী ৱারেপকী মরুওইবশিং পুথোকখি। ঙাকশেল মন্ত্রী অসিনা আফঘান ঙমখৈ অসি তেরোরিস্তশিংগী খ্বাইদগী শাফরবা মফম অমা ওইহন্দুনা ত্রেনিং পীদুনা অমসুং শেলগী তেংবাং পীদুনা মখোয়গী থবক থৌরমশিংদা শৌগৎতুনা লৈবাক অমহেক্তবু লান্দানবগী মফম অমা ওইনা শীজিন্নহল্লোইদবনি হায়না মখা তাখি। মহাক্না আফঘানিস্তানগী মীয়ামদা খুদক্কী ওইবা হ্যুমেনিতরিয়ান এসিস্তেন্স পীবা অমসুং মখোয়গী ফন্দামেন্তেল রাইৎশিং ঙাক্তুনা থম্বগী তঙাইফদবা পুথোকখি। ভারতনা য়ুক্রেনগী ফিভম অসিদা নুংনাংবা ফাওবা উৎলদুনা শ্রী রাজনাথনা হায়খি মদুদি নই দিল্লীনা রসিয়া অমসুং য়ুক্রেন্না ক্রাইসিস অসিবু লোইশিনবদা শৌগৎলি। য়ু.এন. সেক্রেতরী জেনরেল, য়ু.এন. এজেন্সী অমসুং ইন্তর্নেসনেল কম্মিতী ওব রেদ ক্রোস (আই.সি.আর.সি.)না হ্যুমেনিতরিয়ান এসিস্তেন্স পীনবা হোৎনরিবা অসিদা শৌগৎলি," হায়না মহাক্না ফোংদোকখি।

শ্রী রাজনাথ সিংহনা ভারতকা এস.সি.ও. লৈবাকশিংগা লৈনরক্লিবা লিরবা মরী অসিগী মতাংদা পল্লদুনা ওর্গানাইজেসন অসিগী মেম্বর স্তেতশিং অসি লমদম অসিগী চাউখৎ খোংথাংদা মান্নবা ৱাখল চেনবা স্তেকহোল্দরশিং ওইরক্লি। "ভারতনা এস.সি.ও.দা মলতিলেতরেলিজমগী চোকথবা নাইদবা থাজবা অমা লৈবনা হেন্না অৱাংবা ৱাখল থম্মি। এস.সি.ও. মেম্বর স্তেতশিংগী মরক্তা লৈরিবা মরী অসি হেন্না চেৎশিনবা মথৌ তাই অমসুং মান্নবা, ইকাইখুম্নবা অমসুং ভাপ তামিন্নবগী থাক্তা হেন্না চেৎশিনহনবা মথৌ তাই" হায়না মহাক্না হায়খি। ঙাকশেল মন্ত্রী অসিনা এস.সি.ও. মেম্বর স্তেত খুদিংমকপু মথং চহিদা নই দিল্লীনা উজবেকিস্তানদগী ওর্গানাইজেসন অসিগী প্রেজিদেন্সি লৌবা মতমদা লেঙবীরক্নবা পাউজেল পীজখি।

মহাক্কী উজবেক, কজাখ, বেলারুসিয়াগী মপাংশিংগা লৈবাক্কী থাক্তা ফম্বা মীফমগী মতুংদা, ঙাকশেল মন্ত্রীনা কির্গিজস্তানগী ঙাকশেল মন্ত্রীগা ঙসিগী ৱারী শানগনি। রসিয়াগী ঙাকশেল মন্ত্রী সর্জি শোইগুগা ঙসি অয়ুক ৱারী শানবদা শ্রী রাজনাথ সিংহনা ভারতপু লান্দানবা হোৎনরম্বা তেরোরিস্ত অমা মোস্কোদা ফাবীখিবগীদমক অদুক্কী মতীক থাগৎপা ফোংদোকচখি।

***************