ইন্দিয়ন ইন্সতিত্যুত ওফ মেতল্স, দেল্লী চেপ্তরনা নই দিল্লীগী প্রগতি মৈদানদা ওগস্ত ২৫-২৭, ২০২২ ফাওবা ১৩শুবা ইন্তর্নেস্নেল কনফরেন্স এন্দ একজিবিসন (এম.এম.এম.এম.২০২২) শিনগদৌরি। ইকাই কুম্নরবা প্রধান মন্ত্রীগী বিজন্না ইথিল পীরদফুনা চহি অসিগী কনফরেন্সকী থীম “রিসোর্স ইফিসিএন্সী এন্দ সর্ক্যুলর ইকনোমী ইন মিনরেল এন্দ মেতল সেক্তর” হায়বা অসিনা ওইরি। কনফরেন্স অসিনা নেচরেল ভর্জিন ওর এক্সত্রেক্ত তৌবা হন্থহন্নবা সর্ক্যুলর ইকনোমী চাউখৎহন্নবা অমসুং মেতল ইন্দস্ত্রীনা অকোইবদা শোকহল্লোইদবা, শেল চংদবা, ইনর্জী চংদবা লালোংশিং, থৌশিলশিং অমসুং প্রেক্তিসশিং পুথোক্নবা রিকম্মেন্দেসন অমসুং এপ্রোচশিং শেম্নবা মতম শাংনা চৎকদবা থৌরাংশিং মশক খঙদোক্নবা পান্দম থম্মি।

কনফরেন্স অসি কেন্দ্রগী স্তীল অমসুং সিভিল এভিএসন মন্ত্রী, শ্রী জ্যোতিরাদিত্যা এম. সিন্ধিয়ানা ওগস্ত ২৬, ২০২২দা হৌদোক্কনি।

মেতল সেক্তর অসি জি.ঐচ.জি. ইমিসন য়াম্না তৌবা অমসুং হায়রিবা অসি লাকশিন্নবা তেক্নোলোজিকেল ওপ্সনশিংগী অৱাৎপা লৈবনা মরম ওইদুনা “হর্দ তু এবেৎ” সেক্তর হায়না খঙনরি। মসি সর্ক্যুলর ইকনোমীগী প্রিন্সিপল শীজিন্নদুনা কোকহনবা য়াগনি মরমদি রিসাইক্লিং তৌবদা মথৌ তাবা ইনর্জী অসি ৭০-৯০% হন্থৈ। মরী লৈনবা তেক্নোলোজীশিংদা য়ুম্ফম ওইবা সর্ক্যুলরগী থৌরাংশিং পাইখৎনবা মপাঙ্গল কনবা ইকনোমী অমগীদমক রিদ্যুস, রিসাইকল, রিয়ুজ, রিকবর, রিদিজাইন অমসুং রিমেন্যুফেকচর হায়বা আর ৬কী প্রিন্সিপল ঙাক্না চৎপা সস্তেনেবল মেতল সেক্তর অমা শেমগৎপদা শরুক তমগনি।

স্তীল অসি শেন্মীৎলোনগী মরু ওইবা শরুক অমা ওইনা লৌনরি অমসুং এলুমিনিয়ম, কোপর, জিঙ্ক অমসুং লীদ অসিগুম্বা নন-ফেরস মেতলশিং অসি পাৱর ত্রান্সমিসন, ইলেক্ত্রিকেল এপ্লায়েন্স, এভিএসন অমসুং অতোপ্পা ইন্দস্ত্রিএল এপ্লিকেসনশিংদা পাকশন্না শীজিন্নরি। ভারত অসিদা আইরন, এলুমিনিয়ম, কোপর, জিঙ্ক, লীদ, ক্রোমিয়ম, মেঙ্গানিস অসিনচিংবগী অচৌবা রিজর্বশিং লৈ। ফেরস অমসুং নন-ফেরস মেতল ইন্দস্ত্রী অনিমক্না লৈবাক অসিগী শেন্মীৎলোন চাউখৎহনবদা মরু ওইবা থৌদাং অমা লৌরি।

কনফরেন্স অসিদা লৈবাক অসিগী অমসুং মপালগী মেতল অমসুং মিনরেল ইন্দস্ত্রীশিংগী মহুৎ শিন্দুনা মাংজিল থারিবা এক্সপর্ত/বিজ্ঞানিক/তেক্নোলোজিস্ত কয়ানা শরুক য়াগদৌরি। কনফরেন্স অসিনা রিসোর্স ইফিসিএন্সী, লীন গ্রেদ ওরশিং শীজিন্নবা, স্লেগ অমসুং কো-প্রদক্তশিং শীজিন্নবা, ইনর্জী অমসুং অকোইবগী ফীভম, দিকার্বোনাইজেসন অমসুং গ্রীন মেতল প্রদক্সন অসিগুম্বা লমশিংদা চৎনরিবা খ্বাইদগী নৌবা ত্রেন্দশিং অমসুং ইনোভেসনশিং খন্ন-নৈন্নবা ফম্পাক অমা পীরগনি।

ইন্তর্নেস্নেল কনফরেন্সকা লোয়ননা হায়বে ইন্দিয়া প্রাইবেৎ লিমিতেদকা লোয়ননা খুৎশম্নদুনা  নেস্নেল অমসুং ইন্তর্নেস্নেল ওর্গনাইজেসন মশিং কয়ানা শরুক য়াগদৌরিবা একজিবিসন অমসু পাঙথোক্কনি। একজিসন অসিগী শরুক ওইনা কত্তিং অমসুং ৱেল্দিং ইক্বিপমেন্ত, মেছিন তুলশিং, মেছিনরী, ইঞ্জিনীয়রিং অমসুং মেন্যুফেকচরিং, হেন্দ তুলশিং অমসুং ফাস্তনরগী মতাংদা অতোপ্পা একজিবিসন তরুকসু পাঙথোক্কনি।

****