انڈین انسٹی ٹیوٹ آف میٹلز، دہلی چیپٹر 25-27 اگست 2022 کے دوران پرگتی میدان (ہال نمبر 5)، نئی دہلی میں بین الاقوامی کانفرنس اور نمائش (ایم ایم ایم ایم 2022) کے 13ویں ایڈیشن کا انعقاد کرے گا۔ وزیر اعظم کے ویژن سے متاثر ہو کر، اس سال کی کانفرنس کا  موضوع "معدنی اور دھات سے متعلق شعبوں میں وسائل کی کارکردگی اور سرکلر معیشت" ہے۔  کانفرنس کا مقصد سرکلر معیشت کو فروغ دینے کے لیے طویل المدتی اقدامات کی نشاندہی کرنا ہے تاکہ قدرتی خام معدنیات  کے اخراج پر انحصار کو کم کیا جا سکے اور دھات کی صنعت کے لیے ماحول دوست، لاگت سے مؤثر، توانائی کی بچت کی حکمت عملیوں، پالیسیوں اور طریقوں کو تیار کرنے کے لیے سفارشات اور نقطہ نظر تیار کیے جائیں۔

کانفرنس کا افتتاح اسٹیل اور شہری ہوا بازی کے مرکزی وزیر جناب جیوترادتیہ ایم سندھیا 26 اگست 2022 کو کریں گے۔

میٹل سیکٹر کوجی ایچ جی کے بڑے اخراج اور اس سے نمٹنے کے لیے تکنیکی اختیارات کی عدم دستیابی کی وجہ سے "ختم کرنا مشکل" سیکٹر سمجھا جاتا ہے۔ اس کو سرکلرمعیشت کے اصول کو اپنا کر حل کیا جا سکتا ہے ،کیونکہ ری سائیکلنگ میں توانائی کی ضرورت 70-90  فیصدتک کم ہو جاتی ہے۔ متعلقہ ٹیکنالوجیز پر مبنی سرکلر اقدامات کو اپنانے سے ایک پائیدار دھات سے متعلق شعبے کی تشکیل میں مدد مل سکتی ہے ،جو مضبوط سرکلر معیشت کے لیے کم کرنے، ری سائیکل  کرنے، دوبارہ استعمال کرنے، بازیافت کرنے، دوبارہ ڈیزائن کرنے اور دوبارہ تیار کرنے کے 6 آر کے اصولوں کو اپنانے میں مدد دے سکتی ہے۔

اسٹیل کو معیشت کی ریڑھ کی ہڈی کے طور پر شمار کیا جاتا ہے اور غیر فیرس دھاتیں جیسے ایلومینیم، تانبا، زنک اور سیسہ بڑے پیمانے پر پاور ٹرانسمیشن، برقی آلات، ہوا بازی اور دیگر صنعتی اطلاقات میں استعمال ہوتے ہیں۔ ہندوستان کے پاس لوہے، ایلومینیم، تانبا، زنک، سیسہ، کرومیم، مینگنیج وغیرہ کے قابل قدر ذخائر ہیں۔ فیرس اور غیر فیرس  دونوں دھاتوں کی صنعتیں ملک کی اقتصادی ترقی میں اہم کردار ادا کرتی ہیں۔

کانفرنس میں ملک اور بیرون ملک دھات اور معدنی صنعتوں کی نمائندگی کرنے والے کئی سرکردہ ماہرین/سائنسدان/ٹیکنالوجسٹ شرکت کریں گے۔ یہ کانفرنس وسائل کی کارکردگی، دبلی پتلی دھاتوں کے استعمال، سلیگ اور کو-پروڈکٹس کا استعمال، توانائی، اور ماحولیات، ڈیکاربونائزیشن اور سبز دھات کی پیداوار جیسے شعبوں میں رونما ہونے والے تازہ ترین رجحانات اور اختراعات پر تبادلہ خیال کرنے کے لیے ایک پلیٹ فارم فراہم کرے گی۔

بین الاقوامی کانفرنس کے ساتھ ساتھ  ہیوی انڈیا پرائیویٹ لمیٹڈ کے اشتراک سے کئی  قومی  اور بین الاقوامی تنظیموں کی شرکت کے ساتھ  ایک نمائش بھی منعقد کی جا رہی ہے۔ اس نمائش کے ایک حصے کے طور پر کٹنگ اور ویلڈنگ کے آلات، مشین ٹولز، مشینری، انجینئرنگ اور مینوفیکچرنگ، ہینڈ ٹولز اور فاسٹنر سے متعلق چھ دیگر نمائشیں بھی منعقد کی گئی ہیں۔

۔۔۔۔۔۔۔۔۔۔۔۔۔۔۔۔۔۔۔۔۔

(ش ح- ا ک- ق ر)

(24-08-2022)

U-9481